Былатыан Ойуунускай

Былатыан Ойуунускай
Платон Алексеевич Слепцов
Төрөөбүт күнэ	1893 сыл сэтинньи 11 күнэ(1893-11-11)
Төрөөбүт сирэ	Боотур Уус улууһа, Дьокуускай уокуруга[d], Саха уобалаһа, Арассыыйа импиэрийэтэ
Өлбүт күнэ-дьыла	1939 сыл алтынньы 31 күнэ(1939-10-31) (45 сааһыгар)
Өлбүт сирэ	Дьокуускай, РСФСР, ССРС
Гражданствота (подданствота)	Арассыыйа импиэрийэтэ  ССРС
Үөрэҕэ	Томскайдааҕы судаарыстыбаннай педагогическай университет[d]
Идэтэ	бэйиэт, тылбаасчыт, драматуур, уопсастыба диэйэтэлэ, филолог, бэлиитик
Айымньыларын тыла	сахалыы, нууччалыы
Биики Хааһахха миэдьийэ билэлэр

Платон Алексеевич Слепцов — Былатыан Ойуунускай (1893 сыл сэтинньи 11 күнэ, Боотур Уус улууһа, Саха уобалаһа — 1939 сыл алтынньы 31 күнэ, Дьокуускай) — саха сэбиэскэй судаарыстыбаннай уонна уопсастыбаннай диэйэтэлэ, суруйааччы, бэйиэт, драматург, олоҥхоһут, тылбаасчыт, тыл үөрэхтээҕэ. Саха сэбиэскэй литературатын уонна Саха сиригэр гуманитарнай билими төрүттээччи.

Олоҕун олуктара

Оҕо сааһа уонна үөрэҕэ

1893 сыллаахха сэтинньи 11 күнүгэр Арассыыйа импиэрийэтин Саха уобалаһын Боотур Уус улууһун III Дьохсоҕон нэһилиэгэр Дэлбэрийбит диэн сиргэ (билигин Саха Өрөспүүбүлүкэтин Таатта улууһа) бааһынай Алексей Петрович Слепцов дьиэ кэргэнигэр бастакы оҕонон төрөөбүтэ.

Нэһилиэк оскуолатыгар 14 сааһыттан үөрэнэн саҕалаабыта. 1910 сыллаахха Дьокуускай куорат түөрт кылаастаах училищетыгар үөрэнэ киирбитэ, ону бүтэрэн баран 1914 сыллаахха Дьокуускайдааҕы учуутал сэминээрийэтигэр үөрэнэ киирбитэ. Сэминээрийэни 1917 сыллаахха бүтэрбитэ. 1917 сыл күһүнүттэн 1918 сыл ыам ыйыгар диэри Томскайдааҕы учуутал институтугар үөрэммитэ, онтон бэлитиичэскэй көрүүлэрин иһин уһуллан, Саха сиригэр төннүбүтэ.

Өрөбөлүүссүйэ уонна судаарыстыбаннай үлэтэ

1917 сыл саҥатыгар Е. М. Ярославскай салайааччылаах социал-демократическай куруһуокка киирбитэ, 1917 сыл кулун тутарыттан — 1917 сыл олунньутугар Арассыыйа социал-демократ оробуочай баартыйатын (РСДРП) Саха сиринээҕи холбоһуктаах тэрилтэтин революционнай салаатын чилиэнэ буолбута. Ол сыл М. К. Аммосовы уонна С. М. Аржаковы кытта «Хара үлэһиттэр Сойуустарын» — саха дьадаҥыларын бастакы идэтийбит түмсүүлэрин тэрийбиттэрэ. Дьокуускайдааҕы оробуочай уонна саллаат дьокутааттарын сэбиэттэрин бэрэссэдээтэлин солбуйааччытынан талыллыбыта уонна Саха уобаластааҕы уопсастыба куттала суох буолуутун кэмитиэтин ситэриилээх бюротун састаабыгар киирбитэ.

Саха I Тыл үөрэтэр кэмпэриэнсийэтин кыттыылаахтара. Дьокуускай, 1934. Хаҥастан уҥа олороллор: Г. У. Гермогенов — Эргис, П. А. Ойуунускай, кимэ биллибэт, Г. В. Ксенофонтов; тураллар: Н. И. Степанов, В. М. Новиков — Күннүк Уурастыырап

Саха сиригэр сэбиэскэй былаас олохтоммутун кэннэ 1920 сыл бэс ыйыгар Саха губревкомун сэбиэскэй салайыытын салаатын сэбиэдиссэйинэн анаммыта. 1921 сыл тохсунньутуттан ыам ыйыгар диэри Сибревком Саха сиринээҕи сиэксийэтин сэбиэдиссэйэ буолбута. 1921 сыл атырдьах ыйыттан 1922 сыл ахсынньытыгар диэри — Саха губревкомун бэрэссэдээтэлэ. 1921 сыл муус устар 26 күнүгэр РКП(б) КК Сибиирдээҕи бюротун мунньаҕар Саха сиригэр автономнай өрөспүүбүлүкэ ыстаатыһын биэрэр туһунан дакылаатынан тыл эппитэ.

1922 сыл муус устар 27 күнүгэр ВЦИК Президиума Саха АССР тэриллэрин туһунан дэкириэт таһаарбыта. 1923 сыл саҥатыттан 1925 сылга диэри — Саха АССР Ситэриилээх Киин Кэмитиэтин бэрэссэдээтэлэ, ону тэҥэ 1925 сыл тохсунньутуттан ахсынньытыгар диэри Дьокуускай куораттааҕы исполком бэрэссэдээтэлин дуоһунаһыгар үлэлээбитэ. 1924 сыллаахха Саха национальнай байыаннай оскуолатын тэрийэр санааны көтөхпүтэ.

1928—1929 сылларга — Саха АССР үөрэҕириитин уонна доруобуйа харыстабылын наркома. 1929 сылтан 1931 сыл бэс ыйыгар диэри — «Якутиздат» трест бэрэссэдээтэлэ уонна эппиэттээх эрэдээктэрэ. 1931 сыл күһүнүттэн 1935 сыл бэс ыйыгар диэри Москваҕа ССРС Ситэриилээх Киин Кэмитиэтин иһинэн Омуктар билим-чинчийэр институттарыгар аспирантураны ааспыта. 1935 сыллаахха «Саха тыла уонна кини сайдар суоллара» диэн тиэмэҕэ лингвистическэй билим хандьыдаатын учуонай истиэпэнин ыларга диссертация көмүскээбитэ уонна саха тылын эйгэтигэр бастакы дипломнаах учуонай буолбута. Бу сыл Саха АССР Совнаркомун иһинэн Гуманитарнай-чинчийэр институт (ГЧИ) тэриллэрин көҕүлээбитэ уонна институт бастакы дириэктэринэн анаммыта.

1934 сыллаахха ССРС Суруйааччыларын сойууһун Саха сиринээҕи салаатын бырабылыанньатын бэрэссэдээтэлинэн, ССРС сэбиэскэй суруйааччыларын I Бүтүн Сойуустааҕы сийиэһин дэлэгээтинэн талыллан, ССРС Суруйааччыларын сойууһун бырабылыанньатын састаабыгар киирбитэ. ССРС Ситэриилээх Киин Кэмитиэтин II уонна III ыҥырыыларын чилиэнэ, РКП(б) X сийиэһин, Бүтүн Арассыыйатааҕы XI уонна Бүтүн Сойуустааҕы II Сэбиэттэр сийиэстэрин дэлэгээтэ. 1937 сыл ахсынньытыгар ССРС Үрдүкү Сэбиэтин 1-кы ыҥырыытын дьокутаатынан талыллан үлэлээбитэ.

Тутуллуута, хаайыллыыта уонна өлүүтэ

1938 сыл олунньу 3 күнүгэр ССРС Үрдүкү Сэбиэтин 1-кы сессиятыттан төннөн истэҕинэ НКВД уорганнарынан Иркутскай куоракка тутуллубута. Олунньу 4 күнүгэр Москваҕа илдьиллэн Бутырскай хаайыыга угуллубута. «Буржуазнай-националистическэй контрреволюционнай тэриллиини салайыыга», сэбилэниилээх өрө турууну бэлэмнээһиҥҥэ уонна Дьоппуон туһатыгар шпионажка сымыйанан буруйдаммыта.

1939 сыл тохсунньу 31 күнүгэр Саха сиригэр көһөрүллүбүтэ, онно «Киин дьыала» сүрүн буруйдааҕынан буолбута. Хаста даҕаны биэрбит көрдөрүүлэрин мэлдьэспитэ, 1939 сыл олунньу 21 күнүгэр аччыктааһыны биллэрбитэ. Дьокуускайдааҕы хаайыы балыыһатыгар 1939 сыл алтынньы 31 күнүгэр өлбүтэ.

Үтүө аата 1955 сыл алтынньы 15 күнүгэр төннөрүллүбүтэ. 1956 сыл тохсунньу 25 күнүгэр ССРС Суруйааччыларын сойууһа өлбүтүн кэннэ Сойуус чилиэнин быраабыгар чөлүгэр түһэрбитэ.

Билимҥэ үлэтэ

Ойуунускай саха омугун үөскээһинин (этногенеһын), уопсастыбаннай тутулун, итэҕэлин уонна тылын устуоруйатын кыһалҕаларын чинчийбитэ. «Саха төрүтүн туһунан», «Итэҕэл төрүтэ», «Саха тыла уонна кини сайдар суоллара» диэн үлэлэригэр сахалар түүр тыллаах төрүттэрин дакаастаабыта, саха өбүгэлэрэ Кэрэит судаарыстыбатын састаабыгар баар буола сылдьыбыттарын уонна Байкаал таһыттан Өлүөнэҕэ көспүттэрин туһунан гипотезаны туруорбута. Итэҕэл үөскээһинин киһи айылҕа күүстэрин иннигэр кыаҕа суоҕун кытта ситимнээбитэ, итэҕэл сиэрин-туомун хаһаайыстыбаннай үлэҕэ туһалаах суолтатын бэлиэтээбитэ.

1924 сыллаахха Саха суругун-бичигин кэмитиэтин салайбыта, саха алпаабытын, орфографиятын уонна пунктуациятын тупсарыыга улахан кылааты киллэрбитэ. Кини эрэдээксийэтинэн С. И. Боло «Урукку сахалар нуучча кэлиэн иннинээҕи олохторо» (1938) диэн үлэтэ бэчээттэммитэ. Саха тылын, фольклорун уонна устуоруйатын боппуруостарыгар билим ыстатыйаларын ааптара.

Айар үлэтэ

«Үлэһит ырыата» диэн бастакы хоһоонун 1917 сыллаахха Е. М. Ярославскай көрдөһүүтүнэн суруйбута, бу айымньы саха сэбиэскэй поэзиятын саҕаланыытынан ааҕыллар.

1916 сыллаахха Н. Д. Неустроевы кытта Н. В. Гоголь «Ревизор» кэмиэдьийэтин саха тылыгар тылбаастаабыта. М. Горькай «Хабдьы ырыатын» уонна А. С. Пушкин, В. А. Жуковскай, И. В. Гёте, Ш. Петефи айымньыларын саха тылыгар тылбаастаабыта. 1919 сыллаахха киэҥник биллибит «Син биир буолбаат?» хоһоонун суруйбута. «Кыһыл ойуун» драма-тойугу (1925), «Большевик» драманы (1928), «Бадараантан тахсыы» сэһэни (1930) суруйбута. «Дьулуруйар Ньургун Боотур» уонна «Туналыйбыт ньуурдаах Туйаарыма Куо» олоҥхолору хомуйан бэчээккэ бэлэмнээбитэ. Саха поэзиятыгар силлабическай-тоническай хоһоону төрүттээбитэ.

Дьиэ кэргэнэ

• Аҕата — Алексей Петрович Слепцов (1916 сыллаахха өлбүтэ);
• Ийэтэ — Евдокия Ивановна;
• Уопсайа 9 бииргэ төрөөбүттэрдээх эбит, олортон 1937 сыллаахха Марина диэн балта эрэ тыыннаах хаалбыт;
• Бастакы кэргэнэ — Фёкла Алексеевна Сокольникова, артыыска (1923 сыллаахха өлбүтэ);
• Иккис кэргэнэ — Татьяна Дмитриевна Александрова, ЦИК дьахтар салаатыгар үлэлээбитэ (1930 сыллаахха өлбүтэ);
• Үһүс кэргэнэ (1930 сылтан) — Акулина Николаевна Борисова;
• Үһүс кэргэниттэн кыргыттара:
  • Сардана Платоновна Ойунская;
  • Саргылаана Платоновна Ойунская.

Наҕараадалара уонна ытык ааттара

• Саха ЦИК-н икки Бочуотунай грамотата (1932, 1936) — уопсастыбаннай, бэлитиичэскэй уонна литератураҕа үлэтин иһин.

Аатын үйэтитии

• П. А. Ойуунускай аатын сүгэр тэрилтэлэр:
  • Саха академическай дыраама тыйаатыра (Дьокуускай);
  • Литература түмэлэ (Дьокуускай);
  • «Дьокуускай» аэропорт;
  • Саха Өрөспүүбүлүкэтин судаарыстыбаннаһын түмэлэ (Чөркөөх);
• Саха сирин куораттарыгар уонна нэһилиэнньэлээх пууннарыгар уулуссалар: Дьокуускайга, Мирнэйгэ, Нерюнгригэ, Бүлүүгэ, Ленскэйгэ.
• 1993 сыллаахха Саха Өрөспүүбүлүкэтин Бэрэсидьиэнин уурааҕынан литература, ускуустуба уонна архитектура эйгэтигэр уһулуччу ситиһиилэр иһин П. А. Ойуунускай аатынан Судаарыстыбаннай бириэмийэ олохтоммута;
• Дьокуускай куорат болуоссатыгар, Саха тыйаатыр иннигэр Ойуунускай пааматынньыга туруоруллубута;
• 2003 сыллаахха сүрүн кур астероидыгар (16407) Ойуунускай аата иҥэриллибитэ (Oiunskij);
• 2014 сыл алтынньытыгар Томскайдааҕы судаарыстыбаннай педагогика институтун дьиэтигэр (урукку Томскайдааҕы учуутал институтун куорпуһугар) өйдөбүнньүк дуоска туруоруллубута.

Библиографията

• Айымньылар: 7 томнаах. — Дь.: Кинигэ кыһата, 1958—1962.
  • Т. 1. Ырыа-хоһоон. — 224 с.
  • Т. 2. Кэпсээннэр. — 211 с.
  • Т. 3. Пьесалар. — 280 с.
  • Т. 4. Дьулуруйар Ньургун Боотур: Олоҥхо. 1, 2, 3-с ырыалара. — 315 с.
  • Т. 5. Эмиэ. 4, 5 ырыалара. — 288 с.
  • Т. 6. Эмиэ. 7, 9 ырыалара. — 312 с.
  • Т. 7. Ахтыылар, этиилэр, ыстатыйалар, кэпсээннэр. — 224 с.
• Талыллыбыт айымньылар: Икки томнаах. — Дь.: Кинигэ кыһата, 1975.
  • Т. 1. Хоһооннор. Поэмалар. Тылбаастар. Драматическай айымньылар. — 440 с.
  • Т. 2. Кэпсээннэр, сэһэннэр, ахтыылар. Ыстатыйалар. Этиилэр. — 432 с.
• Талыллыбыт айымньылар: 3 томнаах. — Дь.: Кинигэ кыһата. — 1992. — 1993.
  • Т. 1. Хоһооннор, тылбаастар, драмалар, поэмалар. — 335 с.
  • Т. 2. Кэпсээннэр, сэһэннэр, пьесалар. Ахтыы. — 448 с.
  • Т. 3. Якутский язык и пути его развития. — 480 с.
• Ырыа-хоһоон. — Дь.: НКП изд-вота, 1923. — 26 с.
• Кыһыл ойуун: 4 оонньуулаах олоҥхо-тойук. — Дь.: Саха кэскилэ, 1925. — 45 с.
• Ырыа-хоһоон, кэпсээн. — Дь.: Ленинец, 1925. — 56 с.
• Ырыа-хоһоон. — Дь.: Кинигэ кыһата, 1927. — 65 с.
• Бассабыык: Драма. — Дь.: Кинигэ кыһата, 1928. — 96 с.
• Дьулуруйар Ньургун Боотур: Олоҥхо. — Дь.: Кинигэ кыһата, 1930. — 84 с.
• Религия үөскээбитэ: Айыы-таҥара, иччи-айыы, удаҕан-ойуун. — Дь.: Саха Гос кинигэтин бэчээтэ, 1930. — 27 с.
• Туналҕаннаах ньуурдаах Туйаарыма Куо: Үс оонньуулаах олоҥхо. (Норуот олоҥхотуттан). — Дь.: Саха Гос. кинигэтин бэчээтэ, 1930. — 92 с.
• Ырыа-хоһоон. — Дь.: Кинигэ кыһата, 1930. — 25 с.
• Ньургун Боотур: Олоҥхо. 2, 3-с ырыалара. — Дь.: Кинигэ кыһата, 1931. — 286 с.
• Ырыа, хоһоон кинигэтэ. — Дь.: Кинигэ кыһата, 1934. — 72 с.
• Дьэбэрэттэн тахсыы: Кэпсээн. — М.: Учпедгиз, 1936. — 43 с.
• Хоһооннор. — М.: Учпедгиз, 1936. — 56 с.
• Көҥүл ырыата / Хомуйан оҥордо С. Ойунская. — Дь.: Кинигэ кыһата, 1968. — 440 с.
• Өрүөл кэриэһэ: (Кыра саастаах оҕолорго хоһооннор). — Дь.: Кинигэ кыһата, 1972. — 16 с.
• Дьэбэрэттэн тахсыы: Сэһэн. Улахан уонна орто саастаах оскуола оҕолоругар. — Дь.: Кинигэ кыһата, 1978. — 40 с.
• Харачаас: Кыра саастаах оҕолорго. — Дь.: Кинигэ кыһата, 1978. — 16 с.
• Кэлэр кэскил ырыата: Хоһооннор / Хомуйан оҥордо Н. Е. Винокурова. — Дь.: Кинигэ кыһата, 1983. — 128 с. — Сахалыы уонна нууччалыы тылынан.
• Көҥүл ырыата: Ырыалар, хоһооннор, кэпсээннэр, ахтыылар: Орто уонна улахан саастаах оскуола оҕолоругар / Хомуйан оҥордо А. Е. Захарова. — Дь.: Кинигэ кыһата, 1988. — 136 с.
• Уруйа улааттын: Ырыанньык / Муз. ред. З. К. Степанов. Нотатын оҥордо Н. П. Стручков. — Дь.: Ситим, 1993. — 47 с.
• Дьулуруйар Ньургун Боотур: П. А. Ойуунускай олоҥхотун оҕолорго ааҕар кинигэ / Саха Респ. үөрэҕин мин-вота. Н. В. Антонов оҥордо. — Дь., 1993. — 92 с; Пер. на эвен. яз. Д. В. Кривошапкин. — Дь.: Бичик, 1996. — 296 с. — эвен. яз.
• Улуу Кудаҥса: Үһүйээн. — Дь.: Сахаполиграфиздат, 1995. — 88 с. — Сахалыы, нууччалыы.
• Красный шаман / Пер. А.Бояров и П. Черных-Якутский. — Якутск: Якутгосиздат, 1930. — 55 с.
• Избранное. — М.: Худож. лит., 1963. — 295 с.
• Нюргун Боотур Стремительный: Якут. героич. эпос олонхо / Пер. В. Державин. Послесл. и коммент. И. В. Пухова. Ил. Э. Сивцева и др. — Якутск: Кн. изд-во, 1975—431 с; То же. — 2-ое изд. — 1982. — 431 с.
• Стихотворения / Вступ. статья С. П. Данилова, Г. Г. Окорокова; Сост. И. В. Пухов. — Л.: Сов. писатель. Ленингрд. отд-ние, 1978. — 414 с. — (Б-ка поэта. Большая серия. — 2-е изд.).
• Стихотворения и поэмы. — М.: Худож. лит., 1993. — 270 с.

Олоҕун уонна айар үлэтин туһунан

• Абрамов О. К. Молох ГУЛАГа: сходство судеб трёх лидеров сибирских национальных республик. (Платон Ойунский, Элбек-Доржи Ринчино, Михей Ербанов) // Философский факультет Томского государственного университета. Томск, 16 мая 2015 года. / Под ред. В. С. Шутова. — Томск, 2015. — С. 106—120. ISBN 5-87307-083-0.
• Андросов П. Х. Ойуунускай туһунан ахтыылар. — Дь., 1993. — 32 с.
• Андросов Е. Д. П. А. Ойуунускай төРДө-ууһа, аймахтара. — Дь. — Ситим, 1993. — 23 с. — (Таатта оройуонун дьаһалтата).
• Данилов С. П. П. А. Ойуунускай — аҕа норуотун улуу уола. — Дь.: Полиграфист, 1993. — 26 с.
• Киэн тутта ааттыыбыт: Респ. үөрэнээччилэрин айымньылара. — Нам: Сахаполиграфиздат, 1994. — 104 с.
• Ойуунускай туһунан ахтыылар: Ыстатыйалар хомуурунньуктара / Саха Республикатын үөрэҕин мин-вота. — Нам, 1993. — 31 с.
• П. А. Ойуунускай айар үлэтигэр бэлиэтээһиннэр: Ыстатыйалар / Хомуйан оҥордо В. Б. Окорокова. — Дь.: Кинигэ кыһата, 1993. — 104 с.
• П. А. Ойуунускай биир көлүөнэлээхтэрин ахтыыларыгар / РФ үрдүк үөрэхтээһиҥҥэ Комитета, М. К. Аммосов аатынан СГУ. Хомуйан оҥордо Е. П. Чемезова. — Дь.: ЯГУ изд-вота, 1994. — 48 с. — Сахалыы, франц.
• П. А. Ойунский: взгляд через годы: Сб. науч. ст. / АН РС(Я), Ин-т гуманитар. исслед. — Новосибирск: ОИГГМ, 1998. — 210 с.
• Проблемы развития национальной культуры и русско-якутских языковых связей: Тез. докл. респ. науч. конф., посвящ. 100-летию П. А. Ойунского. — Якутск: Изд-во ЯГУ, 1992. — 64 с.
• Татта — родина П. А. Ойунского: Фотоальбом / Сост. Д. К. Сивцев. — Якутск: Бичик, 1993. — 110 с.
• Тыл кэриэһэ тыыннаах буолуоҕа. — Чурапчы, 1993. — 16 с.
• Федосеев И. Е. Ойуунускай өлүүтэ уонна тиллиитэ. — Дь.: Кинигэ кыһата, 1993. — 72 с.
• Үһүс төгүлүн, букатыннаахтык эргиллии: 1893—1993: Өлбөт өрөгөй ырыаһыта П. Ойуунускай 100 сыллаах үбүлүөйэ / Хомуйан оҥордо Д. В. Кустуров. — Дь.: Бичик. — 1997. — 269 с.
• Билюкина А. А. Общечеловеческое и национальное в пьесах П. А. Ойунского // Билюкина А. А. Национальное и общечеловеческое в якутской драме 20-х годов. — Якутск, 1997. — С. 70—83.
• Бурцев А. А., Максимова П. В. «Алмазная застежка»: Тв-во П. Ойунского в контексте мировой литературы // Бурцев А. А., Максимова П. В. На крылатом коне. — Якутск, 1995. — С. 36—51.
• Дымщиц А. Песни о прекрасном грядущем // Слово русской советской критики о якутской литературе. — Якутск, 1986. — С. 86—87.
• Ефимов Г. Кудаҥса — улуу киһи эбит // Чолбон. — 1999. — № 9. — С. 74—77.
• Копырин Н. З. Октябрь буойуна уонна ырыаһыта // Копырин Н. З. Кустук араас өҥүнэн. — Дь., 1992. — С. 4—6.
• Нестерова Л. Дьон-норуот сүрэҕэр; Попов Н. Н. Ойуунускайга сыһыаннаах түгэннэртэн; Потапова З. С. Мин П. А. Ойуунускайдыын көрсүһүүлэрим // Чолбон. — 1998. — № 11. — С. 70—79.
• Окорокова В. Б. П. А. Ойуунускай айар үлэтигэр улуу киһи уонна история // Окорокова В. Б. Билиҥҥи литература проблемалара. — Дь., 1997. — С. 55—62.
• Саха суруйааччылара: Санаалар, этиилэр / Хомуйан оҥордо В. Н. Протодьяконов. — Дь.: Бичик, 1994. — 108 с. О нем. — С. 101—106.
• Скрипин, Виктор. Ложные кумиры. Ч. 2. Платон Ойунский (1893—1938). Вып. 1. Койданава. — Дзержинск: «Кальвіна», 2015.
• Спиридонов И. Г. Ойуунускай уонна билиҥҥи кэм; П. А. Ойунский — писатель-мыслитель // Спиридонов И. Г. Литературабыт бэҕэһээ уонна бүгүн. — Дь., 1995. — С. 5—12; С. 121—141.
• Филиппов Г. П. А. Ойуунускай фольклортан ситимнээх образтара // Чолбон. — 1999. — № 1. — С. 66—71.
• Кириллин Д. В., Павлова В. Н., Шевков С. Д. Писатели земли Олонхо: Биобиблиогр. справочник. — Якутск: Бичик, 1995. — 303 с. О нем. — С. 69—81.
• Платон Алексеевич Ойуунускай (1893—1939): Биобиблиогр. ыйынньык / Я. А. Захарова. — Дь.: Саха-полиграфиздат, 1992. — 144 с.

Тылбаастара

• Куоскалаах асчыт (И. Крыловтан). 1916 c. сэтинньи 15 к. Собрание избранных сочинений. Том первый. — Н.К.И. «Бичик», 2005.
• Саппыкылаах куоска (В. Жуковскайтан). 1922 c. ахсынньы 5 к. Собрание избранных сочинений. Том первый. — Н.К.И. «Бичик», 2005.
• Саардары сайылаа! (Шандор Петефиттэн). Собрание избранных сочинений. Том первый. — Н.К.И. «Бичик», 2005.
• Мохсоҕол түһунан ырыа (М. Горькайтан). 7/VIII — 1917 c. — Томскай. Собрание избранных сочинений. Том первый. — Н.К.И. «Бичик», 2005.
• Интернационал. Собрание избранных сочинений. — Том первый. — Н.К.И. «Бичик», 2005.
• Алгыс (На мотив «В минуту жизни трудную…» М. Ю. Лермонтова). 1922 с. алтынньы 6 к. — Собрание избранных сочинений. — Том первый. — Н.К.И. «Бичик», 2005.
• Куоттарбыт кутурҕана (Фаустан). 1924 с. Кулун тутар 26 к. Тифлис, «Палас». Собрание избранных сочинений. — Том первый. — Н.К.И. «Бичик», 2005.
• Былыт (А. Пушкинтан). 1922 c. ахсынньы 7 к. Собрание избранных сочинений. — Том первый. — Н.К.И. «Бичик», 2005.
• Бороруок (А. Пушкинтан). 1936 с. олунньу 26 к. Собрание избранных сочинений. — Том первый. — Н.К.И. «Бичик», 2005.
• Кынчаал (А. Пушкинтан). 1936 с. олунньу 27 к. Собрание избранных сочинений. — Том первый. — Н.К.И. «Бичик», 2005.
• А. С. Пушкин «Борис Годуновуттан». 1936 с. олунньу 29 к. Собрание избранных сочинений. — Том первый. — Н.К.И. «Бичик», 2005.
• Буурҕаһыт (М. Горькайтан). Собрание избранных сочинений. — Том первый. — Н.К.И. «Бичик», 2005.
• Макар Чудра. — В кн.: Горький М. Избранные произведения. — М., Гослитиздат, 1934, стр. 8—23.
• Челкаш. — В кн.: Горький М.Избранные произведения. — М., Гослитиздат, 1934, стр. 24—63.
• Братишки (Для детей дошкольного возраста). Барто А. М. — Молодая гвардия, 1933.
• Манифест Коммунистической партии. Маркс К. и Энгельс Ф. — Якутск, 1930. — стр. 44.

Айымньылара нуучча тылынан

• Стихи разных лет: Железный конь.— Харачас — Власть Советам! — Бокал-Жаворонок пел. — Мимоза. — Море. — Прощай. — Новый мир, 1957. — № 12. — стр.98—107.
• Песня якутских красноармейцев. — Полярная звезд, Якутск, 1956. — № 2 — стр. 191—192.
• Китайскому народу. Стих. (А. Лаврик.). — Полярная звезда, Якутск, 1956. — № 2 — стр. 189—191.
• Крым. — Полярная звезда, 1956. — № 2 — стр. 194.
• Заветы орла. — Полярная звезда, 1956. — № 2 — стр. 188—189.
• Песня свободы. — Железный конь — «Я метко стреляю…» (Стихи). (А. Лаврик.) — Сибирские огни, 1956. — № 6 — стр. 40—42.
• Господин генерал. Песня. — Полярная звезда, 192—193.
• Песня свободы. — Песня якутских красноармейцев. — «Я метко стреляю…». (А. Лаврик), Крым (П. Черных-Якутский) — Мол.коммунист,1956. — 1 апр.
• Господин генерал. (С. Кулачиков) — Соц. Якутия, 1937. — 30 марта.
• Дитя ловит рыбу. (С. Кулачиков) — Соц. Якутия, 1937. — 30 марта.
• Огни утеса. (С. Кулачиков) — Соц. Якутия, 1937. — 1 мая.
• Песня якутских красноармейцев. (С. Кулачиков) — Соц. Якутия, 1937. — 30 марта.
• Да здравствует (Балкыырдаах байҕалым…) (Эллэй) — Соц. Якутия, 1937. — 30 марта.
• Власть советам. (Эллэй) — Соц. Якутия, 1934. — 18 марта; Соц. Якутия, 1937. — 30 марта.
• Заветы орла. (Эллэй) — Соц. Якутия, 1934. — 24 февраля; Соц. Якутия, 1937. — 30 марта.
• Отрывок из поэмы «Красный шаман» (Монолог шамана из 1-го действия). (С.Кулачиков). — Авт. Якутия, 1926.
• Крым. (Черных П. Н.) — Якутские зарницы. 1926. — № 3 — Стр. 1.
• Песня труженика. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Не все ли ровно?! (А. Кафанов). Стихотворения и поэмы. Перевод с якутского. — Москва «Художественная литература», 1993.
• Песня свободы. (А. Кафанов). Стихотворения и поэмы. Перевод с якутского. — Москва «Художественная литература», 1993.
• Любимой Феклуше. (О. Шестинский). Стихотворения и поэмы. Перевод с якутского. ,Москва. Художественная литература.1993 г.
• Крым. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Море. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Мимоза. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Господин генерал. (Г. Юнаков). Стихотворения и поэмы. Перевод с якутского. — Москва «Художественная литература», 1993.
• На смерть вождя. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Благословение отца. (А. Кафанов). Стихотворения и поэмы. Перевод с якутского. — Москва «Художественная литература», 1993.
• Любовь моря. (А. Кафанов). Стихотворения и поэмы. Перевод с якутского. — Москва «Художественная литература», 1993.
• Ликование солнца. (Подражание Доронину). (О. Шестинский). Стихотворения и поэмы. Перевод с якутского. — Москва «Художественная литература», 1993.
• Жаворонок воспел. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Власть — Советам! (О. Шестинский). Стихотворения и поэмы. Перевод с якутского. — Москва «Художественная литература», 1993.
• Железный конь. (А. Сендык). Стихотворения и поэмы. Перевод с якутского. — Москва «Художественная литература», 1993.
• Клятва. (Б. Макаров). Стихотворения и поэмы. Перевод с якутского. — Москва «Художественная литература», 1993.
• Песня о прекрасном грядущем. (А. Кафанов). Стихотворения и поэмы. Перевод с якутского. — Москва «Художественная литература», 1993.
• Дума (Завещание). (О. Шестинский). Стихотворения и поэмы. Перевод с якутского. — Москва «Художественная литература», 1993.
• Завещание орла. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Начальный танец ысыаха. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Осуохай. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Кулун куллурусуу. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Дьиэрэнкэй. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Кружатся поднятыми руками. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Бьют ногой об ногу. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Чохчоохой. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Артели, славьте! (О. Шестинский). Стихотворения и поэмы. Перевод с якутского. — Москва «Художественная литература», 1993.
• Прощай. (И. Дремов). Стихотворения и поэмы. Перевод с якутского. — Москва «Художественная литература», 1993.
• Песня синицы. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Ожидание. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Харачаас. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Над Таттой-рекой. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Этот огненный бокал. (О. Шестинский). Стихотворения и поэмы. Перевод с якутского. — Москва «Художественная литература», 1993.
• На могиле матери Евдокии. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Я метко стреляю. (О. Шестинский). Стихотворения и поэмы. Перевод с якутского. — Москва «Художественная литература», 1993.
• Здравствуй, славная девушка Ариша! (О. Шестинский). Стихотворения и поэмы. Перевод с якутского. — Москва «Художественная литература», 1993.
• Красный шаман .песня олонхо в четырех действиях. (В. Корчагин). Стихотворения и поэмы. Перевод с якутского. — Москва «Художественная литература», 1993.
• Ньургун Боотур стремительный. (Заключительные подвиги). (В. Державин). Стихотворения и поэмы. Перевод с якутского. — Москва «Художественная литература», 1993.
• Кудангса Великий. Александр Македонский. (А. А. Борисова — Слепцова). — «Бичик», 2002.

Быһаарыылар

Литература

• Писатели земли олонхо. Библиографическай ыйынньык. Дь., «Бичик», 2000. — ISBN 5-7696-1001-8
• Платон Ойунский — «Мои заветные слова». — Я.: «Бичик», 2006.
• П. А. Ойунский — «Стихотворения и поэмы. Перевод с якутского». — М., «Художественная литература», 1993.
• П. А. Ойунский (1893—1939). Доклады к 65-летию со дня рождения. — Саха сиринээҕи кинигэ издательствота, Я., 1959.
• «Основоположник якутской советской литературы». — Я.: Кн.изд-во, 1974.
• П. А. Ойунский. Избранные произведения. — Том 2. — Якутская респ. типография, 1975.
• П. А. Ойунский. Избранные произведения. — Том 3. — Я.: «Бичик», 1993.
• П. А. Ойунский. Избранные произведения. — Том 2. — Я.: «Бичик», 2005.
• Слово о Платоне Ойунском. — Якутское книжное изд-во, 1985.
• П. А. Ойунский. Избранные произведения. — Том 1. — Я.: «Бичик», 2005.
• Краткий якутско-русский словарь. — Я.: «Бичик», 2006.
• Краткий русско-якутский словарь. — Я.: «Бичик», 2006.
• С. И. Ожегов. Словарь русского языка. — М.: «Русский язык», 1990.
• Т. И. Петрова, А. А. Васильева. — Нууччалыы-сахалыы тылбаас. — Дь., 2000.
• А. Г. Ильина. — Конференция. — Дь., 2012.