Нуучча тылынанАнал бырайыактар
Тылы уларыт
УРУБИИКИ ТУҺУНАН

Григорьева Люлия Николаевна

Григорьева Люлия Николаевна (1941 сыл кулун тутар 21 күнэ, Мэҥэ Хаҥалас улууһа) — Саха Сирин ил уонна уобсастыба диэйэтэлэ. Саха АССР Үрдүкү Сэбиэтин бэрэссэдээтэлэ (1985—1989).

Олоҕун олуктара

Люлия Григорьева 1941 сыллаахха кулун тутар 21 күнүгэр Мэҥэ-Хаҥалас улууһун Хаптаҕай сэлиэнньэҕэ төрөөбүтэ.

1960 сыллаахха орто оскуоланы бүтэрэн баран, үлэтин суолун Үөһээ Бүлүүтээҕи комсомол райкомун техническай сэкирэтээринэн саҕалаабыта. Ону кытта комсомольскай путевканан тыа кулуубун сэбиэдиссэйинэн ыытыллыбыта. Колхозтар холбоһууларын (1961—1963 сыллар) кэнниттэн Исидор Барахов аатынан колхоз комсомольскай тэрилтэтин сэкирэтээр солбуйааччытынан, онтон босхоломмут сэкирэтээринэн талыллыбыта.

1963 сыллаахха КПСС чилиэнэ буолбута уонна Омскайдааҕы Судаарыстыбаннай ветеринарнай институкка үөрэххэ киирбитэ. 1968 сыллаахха Омскайдааҕы ветеринария институтын, 1975 сыллаахха ЦК КПСС Үрдүкү партийнай оскуолатын бүтэрбитэ. Мэҥэ-Хаҥалас уонна Муома улуустарга партия уонна сэбиэт үлэтигэр сылдьыбыта.

1981 сылтан Мэҥэ Хаҥалас оройуонунааҕы Дьокутааттар сэбиэттэрин ситэриилээх кэмитиэтин бэрэссэдээтэлинэн үлэлээбитэ.

1983 сыллаахха Муома оройуонунааҕы партия райкомун бастакы секретарынан талыллыбыта.

1985 сыллаахха Саха АССР Үрдүкү Сүбэтин бэрэссэдээтэлинэн уонна РСФСР Урдүкү Сүбэтин бэрэссэдээтэлин солбуйааччытынан талыллыбыта. РСФСР уонна Саха Өрөспүүбүлүкэтин дьокутаата.

1989 сылтан 1992 сылга диэри социальнай хааччыйыы миниистирэ[1].

1998 сыллаахха Саха Сиринээҕи пенсионердар союзтарын салайар.

2000 сыллаахха Ытык Сүбэ тэриллибитэ, кини ол сэбиэт чилиэнэ буолбута. 2008 сыл муус устар 3 күнүттэн Саха Өрөспүүбүлүкэтин Ытык Сүбэтин бэрэссэдээтэлинэн үлэлиир.

2011 сыл ахсынньытыгар «Биир ньыгыл Арассыыйа» баартыйатыттан дьокутаакка кандидаттары өйөөбүтүн иһин КПРФ кэккэтиттэн таһаарыллыбыта, 2012 сыллаахха чөлүгэр түспүтэ[2].

Саха Өрөспүүбүлүкэтин Ил Дарханын иһинээҕи Уопсастыбаннай-консультативнай сэбиэт толоруулаах кэмитиэтин, Үрдүкү кырдьаҕастар сэбиэтин, өрөспүүбүлүкэтээҕи Бэтэрээннэр сэбиэтин, Саха Өрөспүүбүлүкэтин Ил Тумэн Бэрэссэдээтэлин иһинээҕи уопсастыбаннай-консультативнай сэбиэт чилиэнэ.

Наҕараадалара уонна ааттара

  • Саха Өрөспүүбүлүкэтин норуотун хаһаайыстыбатын үтүөлээх үлэһитэ;
  • Саха Өрөспүүбүлүкэтин социальнай сулууспатын туйгуна (2011);
  • Саха Сирин ытык олохтооҕо (2006)[3];
  • Мэҥэ-Хаҥалас улууһун Ытык олохтооҕо (1991)[4];
  • Эбээн Бытантай улууһун Ытык олохтооҕо (2009)[5];
  • Мэҥэ-Хаҥалас улууһун Нөөрүктээйи нэһилиэгин, Мэҥэ-Хаҥалас улууһун Хаптаҕай нэһилиэгин, Үөһээ Бүлүү улууһун Быракаан нэһилиэгин Ытык олохтооҕо;
  • «Үлэ Бэтэрээнэ» мэтээл;
  • Монголия норуотун өрөспүүбүлүкэтин «Доҕордоһуу» мэтээлэ (монг. Найрамдал медаль);
  • Софья Сидорова аатынан Ытык бэлиэ.

Быһаарыылар

  1. ↑ Ветераны пенсионеры социальной службы Республики Саха (Якутия). Сигэнии күнэ: 5 Ахсынньы 2013. Архивировано из оригинала 16 Кулун тутар 2014 года.
  2. ↑ Якутский (Саха) реском КПРФ (рус.). sakhakprf.ru. Сигэнии күнэ: 22 Атырдьах ыйын 2018. Архивировано 22 Атырдьах ыйын 2018 года.
  3. ↑ Почётные граждане Республики Саха (Якутия). Сигэнии күнэ: 4 Алтынньы 2013. Архивировано 4 Алтынньы 2013 года.
  4. ↑ Официальный информационный портал Республики Саха (Якутия): Почетные граждане Мегино-Кангаласского улуса
  5. ↑ Список почетных граждан Эвено-Бытантайского национального улуса (района). Сигэнии күнэ: 5 Ахсынньы 2013. Архивировано 13 Кулун тутар 2014 года.

Литэрэтиирэ

Якутская Национальная библиотека, Календарь памятных дат. — 2006.

Категориялар