Васильева Клара Дмитриевна

Тохсунньу ый 4 күнүгэр 1944 сыллаахха Ньурба улууһун Дьаархан нэһилиэгэр Томтор диэн сиргэ төрөөбүт.

1952 сыллаахха Саалтааны 4 кылаастаах оскуолатыгар үөрэнэ киирбит. Ол кэнниттэн Чаппанда, Дьокуускай 2-с №-дээх, Ньурба 1 №-дээх оскуолаларыгар үөрэммит.

1967 сылтан Бэс Чагда санаторийга үлэлээбит.

1970—1992 сылларга Ньурба улууһун «Ньурба» хаһыатыгар секретарь-машинистканан, корреспонденынан үлэлээбит.

1970 сылтан бэчээттэнэн саҕалаабыт. Бастакы хоһоонноро «Коммунизм суола» хаһыакка тахсыбыттар. «Ньурба уоттара» литературнай түмсүүгэ дьарыктаммыт.

1985 сыллаахха «Чэчир-85» диэн ааттаах кассетаҕа «Кучу» хоһоонноорун хомуурунньуга тахсыбыт. Кэлиҥҥи хоһоонноро, кэпсээннэрэ Саха сирин хаһыаттарыгар, сурунаалларыгар, ону таһынан эдэр суруйааччылар «Кырдал кыталыктара», «Оһуор» хомуурунньуктарыгар бэчээттэммитэ.

1992 сыллаахха суруналыыстар өрөспүүбүлүкэтээҕи бириэмийэлирин лаурета буолбут.

30-тан тахса хоһоонноро ырыа буолан тахсыбыттар^[1][2].

• Кучу: Хоһооннор. — Дьокуускай, 1985;
• Кубалаах күөл, 1993;
• Күөх суһум: Хоһооннор. — Дьокуускай, 1995;
• Тэрчи: Хоһооннор. — Дьокуускай, 1999;
• Көмүс кытах, 2003;
• Сүрэх баҕатынан, бэйэ дьулуурунан;
• Сырдык ырам сыккыстара;
• Илгэлээх ардах^[2].

• Ньурбаҕа Клара Васильева олорбут дьиэтигэр турар мемориальнай дуоска туруоруллубут;
• 2024 сыллаахха Ньурбаҕа сылын аайы ыытыллар «Ньурба көмүс күһүнэ» литэрэтиирэ күннэрэ К. Д. Васильева төрөөбүтэ 80 cылыгар анаммыттара^[3].