Барышев Николай Иванович

1898 сыллаахха Башкирияҕа Стерлитамак куоракка төрөөбүтэ. 1916 сылтан РСДРП чилиэнэ. Чистопольскайдааҕы прапорщиктар оскуолатыгар (1916), Кыһыл профессура институтугар (нууч.) (сах. үөрэммитэ. Омугунан нуучча.

Нуучча аармыйатыгар сулууспалаабыта.

1917—1921 сыллардаахха — Чистополь куоракка уезд норуот үөрэҕириитин отделын сэбиэдиссэйэ;

1921 сыл кулун тутарыгар-бэс ыйыгар — РКП(б) Татарстан обкомын сэкирэтээрэ.

1921—1923 сыллардаахха — ВКП(б) Сусуман уокуруктааҕы кэмитиэтин сэкирэтээрэ.

1924—1926 сыллардаахха — ВКП(б) Черноморскай обкомын сэкирэтээрэ.

1926—1928 сыллардаахха — ВКП(б) Кубань обкомын сэкирэтээрэ.

1928 сыл ахсынньы — 1930 сыл кулун тутар — ВКП(б) Саха обкомын сэкирэтээрэ.

1930—1935 сыллардаахха — ВКП(б) ЦК-тыгар, Москва уобаластааҕы Сэбиэт ситэриилээх кэмитиэтин бэрэссэдээтэлин солбуйааччыта, ВКП(б) Москва куораттааҕы кэмитиэтин култуураҕа уонна ленинизм пропагандатыгар салаатын сэбиэдиссэйэ, ССРС Сир оҥоруутун норуодунай комиссариатын Киин Чернозём уобаластааҕы бэлиитикэ секторун начаалынньыга.

1935—1937 сыллардаахха — ВКП(б) Саратовтааҕы кыраайдааҕы комитетын иккис сэкирэтээрэ.

1937 сыл тохсунньу-от ыйыгар — Саратов уобаластааҕы Сэбиэт ситэриилээх кэмитиэтин бэрэссэдээтэлэ^[1].

1937 сыл бэс ыйын бүтүүтүгэр тутуллубута. Кинини хас да сыл устата контрреволюционнай тэрилтэ активнай кыттыылааҕа буолбутун иһин буруйдаабыттара. ССРС Үрдүкү суутун Байыаннай коллегиятын уурааҕынан 1937 сыл алтынньы 29 күнүгэр ытыллыыга ууруллубута. Уураах 1937 сыл алтынньы 30 күнүгэр Москва куоракка толоруллубута.

1956 сыл ыам ыйын 26 күнүгэр ССРС Үрдүкү суутун Байыаннай коллегиятынан реабилитацияламмыта.

• Үлэ Кыһыл Знамятын уордьана;
• Норуоттар доҕордоһууларын уордьана;
• Бочуот знаага^[1].