Нуучча тылынанАнал бырайыактар
Тылы уларыт
УРУБИИКИ ТУҺУНАН

Овчинникова Александра Яковлевна

Александра Яковлевна Овчинникова (25 ахсынньы 1914 [7 тохсунньу 1915(10)], Ньурба улууһа — 2009 сыл бэс ыйын 8 күнэ, Дьокуускай) - саха сэбиэскэй судаарыстыбыннай диэйэтэлэ, 1963—1980 сыллардаахха Саха АССР Үрдүкү Сүбэтин бэрэссэдээтэлэ.

Олоҕун олуктара

  • 1914 сыл алтынньы 25 күнүгэр Ньурба улууһун Тыалыкы нэһилиэгэр төрөөбүт.
  • Үлэтин Сунтаарга суол тутааччы технигынан саҕалаабыта. 1935 сыллаахха Дьокуускайгэ көһөн кэлэр Саха АССР Совминын иһинээҕи Суол Салалтатыгар технигынан, кэлин инженерынан үлэлиир.
  • 1953 сыллаахха ССКП обкомын промышленность уонна транспорт отделын сэбиэдиссэйинэн үлэлиир.
  • 1956 сыллаахха ССКП Дьокуускайдааҕы горкомын иккис сэкрэтээрэ. Ити сылларга куоракка маҥнайгы уу ситимэ уонна канализация коллектора үлэҕэ киирэллэр, Өрүс пордун маҥнайгы уочарата тутуллар.
  • 1963 сыллаахха Саха АССР Үрдүкү Сүбэтин бэрэсэдээтэлинэн талыллар.
  • 1980—1991 сыллардаахха Тыл, литература уонна история институтугар үлэлиир.
  • 1991 сылтан пенсияҕа барбыт[1].
  • 2009 сыл бэс ыйын 8 күнүгэр өлбүт[2].

Наҕараадалара уонна ытык ааттара

  • Ленин уордьана (1979);
  • Үлэ Кыһыл Знамятын уордьана (1971);
  • Үс «Бочуот бэлиэтэ» уордьан (1957, 1964, 1973);
  • РСФСР бочуоттаах суол үлэһитэ;
  • Дьокуускай куорат Ытык олохтооҕо[3] (1982)
  • Чаппаҥда нэһилиэгин Ытык олохтооҕо[4]
  • Саха АССР норуотун хаһаайыстыбатын үтүөлээх үлэһитэ;
  • Саха Өрөспүүбүлүкэтин Ытык олохтооҕо (2002);
  • Ньурба улууһун Ытык олохтооҕо[2].

Аатын үйэтитии

  • Ньурба улууһун Өктөөп нэһилиэгин «Түһүлгэ» норуот айымньытын дьиэтэ А. Я. Овчинникова аатын сүгэр (2010);
  • Саха Өрөспүүбүлүкэтин 14.06.2022 2513-З № 937-VI №-дээх сокуонунан Александра Яковлевна Овчинникова аатынан Бочуоттаах бэлиэ олохтоммут. Бу бэлиэнэн Саха сиригэр дьахталлар уонна дьиэ кэргэн бырааптарын тупсарыыга боччумнаах кылааты киллэрбит дьахталлар наҕараадаланаллар[5].

Быһаарыылар

  1. ↑ Овчинникова Александра Яковлевна (рус.). history-yakutia.ru. Сигэнии күнэ: 12 Кулун тутар 2026.
  2. ↑ 1 2 Овчинникова Александра Яковлевна | «SakhaNews». Сигэнии күнэ: 12 Кулун тутар 2026.
  3. ↑ Официальный информационный портал Республики Саха (Якутия): Городской округ «Якутск»: Почетные граждане
  4. ↑ Официальный информационный портал Республики Саха (Якутия): Чаппангдинский наслег: Почетные и уважаемые граждане наслега
  5. ↑ Геральдика.ру. Почетный знак имени Александры Яковлевны Овчинниковой | Геральдика.ру. medal.geraldika.ru. Сигэнии күнэ: 12 Кулун тутар 2026.

Сигэлэр

Ылыллыбыт сирэ

Якутская Национальная библиотека, календарь памятных дат. 2004 г.

Категориялар