Маркин Сергей Николаевич
Маркин Сергей Николаевич, 1979—1989 сыллардаахха Саха АССР Миниистирдэрин Сэбиэтин бэрэссэдээтэлэ.
Олоҕун олуктара
- 1926 сыл атырдьах ыйын 29 күнүгэр Чита куоракка төрөөбүтэ.
- 1948 сыллаахха Иркутскай куоракка Хайа уонна металлургия институтын бүтэрбитэ.
- 1974 сыллаахха ССКП КК Үрдүкү партия оскуолатын бүтэрбитэ.
- 1948—1949 сс. — "Союзслюда" Алданнааҕы рудоуправлениетын "Флогопитовый" рудник техника өртүнэн салайааччы;
- 1949—1950 сс. — "Союзслюда" Алданнааҕы рудоуправлениетын "Эмэлдьээк" рудник хайа үлэлэрин сэбиэдиссэйэ;
- 1950—1951 сс. — "Алданслюда" трест "Эмэлдьээк" учаастагын начальнига;
- 1951—1955 сс. — "Алданслюда" трест "Эмэлдьээк" рудоуправление салаатын начальнига;
- 1955—1958 сс. — ССКП Алдан райкомун промышленность уонна транспорт салаатын сэбиэдиссэйэ;
- 1958—1959 сс. — ССКП Алдан райкомун иккис сэкрэтээрэ;
- 1959—1962 сс. — ССКП Алдан райкомун бастакы сэкрэтээрэ;
- 1962—1966 сс. — ССКП Саха обкомун промышленность отделын сэбиэдиссэйэ;
- 1966—1970 сс. — ССКП Дьокуускайдааҕы горкомун бастакы сэкрэтээрэ;
- 1970—1977 сс. — Профсоюзтар Саха обкомун бэрэссэдээтэлэ;
- 1977—1979 сс. — ССКП Саха обкомун иккис сэкрэтээрэ;
- 1979 сыл, тохсунньу — 1989 сыл, алтынньы — Саха АССР Миниистирдэрин Сэбиэтин бэрэссэдээтэлэ.
Наҕараадалара уонна ытык ааттара
- Дьокуускай куорат Ытык олохтооҕо[1] (1995)
Аатын үйэтитии
- 2011 сыллаахха, кини 85 сааһын туоларыгар, Саха сиригэр улахан өҥөлөрүн иһин «Алроса» хампаанньа булуллубут биир алмааска «Сергей Маркин» диэн ааты иҥэрбитэ[2].
- 2015 сыл кулун тутар 10 күнүгэр Саха сиринээҕи Профсойуустар федерациялара матырыйаалынай производство эйгэтигэр С. Н. Маркин аатынан бириэмийэни олохтообута[3][4].
- 2017 сыл балаҕан ыйын 5 күнүгэр Дьокуускайга кини олорбут дьиэтигэр (Ленин проспега, 38) өйдөбүнньүк дуоска арыллыбыта[5][6].