Сидорова Софья Петровна

Софья Сидорова 1904 сыллаахха атырдьах ыйын 7 күнүгэр Дьокуускайга Хаҥалас Нөмүгүгүттэн төрүттээх дьадаҥы ыалга төрөөбүтэ.

1930 сылтан ВКП(б) чилиэнэ.

1928 сылга Илин эҥэр үлэһиттэрин Коммунистическай университетын, 1938 сылга ССРС Ситэрэр Киин Кэмитиэтин иһинэн Сэбиэскэй тутуу үрдүкү куурустарын бүтэрбитэ.

1923—1924 сыллар — РКП(б) Дьокуускайдааҕы уокуруктааҕы кэмитиэтин дьахталлар салааларын инструктора.

1928—1929 сыллар — ВКП(б) Саха сиринээҕи уобаластааҕы кэмитиэтин дьахталлар уонна бааһынай дьахталлар ортолоругар үлэ салаатын сэбиэдиссэйэ.

1929—1931 сыллар — ВКП(б) Булуҥнааҕы уокуруктааҕы кэмитиэтин култуура уонна пропаганда салаатын сэбиэдиссэйэ.

1931—1932 сыллар — Саха АССР Ситэрэр Киин Кэмитиэтин (ЦИК) иһинэн дьахталлар үлэҕэ уонна олоххо-дьаһахха хамыыһыйатын бэрэссэдээтэлэ.

1932—1934 сыллар — Саха сиринээҕи уобаластааҕы профсоюзтар Сэбиэттэрин сэкирэтээрэ.

1934—1937 сыллар — Саха АССР Ситэрэр Киин Кэмитиэтин (ЦИК) тэрийэр салаатын сэбиэдиссэйин солбуйааччыта.

1937—1938 сыллар — Саха АССР Ситэрэр Киин Кэмитиэтин (ЦИК) бэрэссэдээтэлин солбуйааччыта.

1938 сыл олунньу-муус устар — ВЦИК Президиумун иһинэн Саха АССР туруктуу бэрэстэбиитэлэ.

1938—1947 сс. — Саха АССР Үрдүкү Сэбиэтин бэрэссэдээтэлэ.

ССРС Үрдүкү Сэбиэтин уонна Саха АССР 1-кы уонна 2-с ыҥырыылаах дьокутаата.

Саха Өрөспүүбүлүкэтин бастакы Бэрэсидьиэнин 2001 сыл атырдьах ыйын 8 күнүнээҕи 1461 нүөмэрдээх Уурааҕынан Софья Сидорова аатынан Бочуоттаах бэлиэ олохтоммута. Бу бэлиэнэн уопсастыбаннай үлэҕэ көхтөөхтүк кыттыбыт уонна өрөспүүбүлүкэ социальнай-экэнэмичэскэй сайдыытыгар тус кылаатын киллэрбит дьахталлар наҕараадаланаллар.

1951 сыл тохсунньу 23 күнүгэр өлбүтэ.

• «Үлэ Кыһыл Знамята» уордьан

• М. К. Аммосов аатынан Хотугулуу-Илиҥҥи федеральнай университет кини аатынан бастыҥ студеннарга стипендия олохтообут^[1]