Сабарай Илгэ
Анна Алексеевна Парникова — Сабарай Илгэ (1959 сыл кулун тутар 17 күнэ, Суотту нэһилиэгэ, Саха АССР — 2017 сыл от ыйын 7 күнэ, Партизан нэһилиэгэ) — саха арассыыйатааҕы бэйиэтэ, Саха Өрөспүүбүлүкэтин Суруйааччыларын сойууһун чилиэнэ.
Олоҕун олуктара
1959 сыллаахха муус устар күнүгэр Уус Алдан улууһугар Суотту нэһилиэгэр төрөөбүтэ. Түөрт саастааҕар дьоно ийэтин дойдутугар Нам улууһун Бартыһааныгар көспүттэрэ.
Свердловскайдааҕы университет философия факультетыгар уонна Ленинградтааҕы университет бибилэтиэкэ факультетыгар үөрэнэ сылдьыбыта.
Айар үлэтэ
1992 сыллаахха «Куйаас сайын» диэн хоһооннорун хомуурунньуга тахсыбыта. 1997 сылтан Саха Өрөспүүбүлүкэтин Суруйааччыларын сойууһун чилиэнэ.
2003 сыллаахха «Күн баҕам» хомуурунньуга тахсыбыта. Онно аннотациятар маннык суруллар: «Бу поэт истиҥ иэйиитин дневнигэ. Манна „күлүм“ гына түһэр түгэн өр үйэлээҕи, ааспыт кэм кэлэр кэми, ис турук тас эйгэни кытта алтыһан ылар. Сабарай Илгэ поэзията — олоҕу туойуу, олоххо ода. Аахтар ааҕан бардаҕыҥ ахсын ааптар олоххо тапталыгар умсугуйаҕын. Поэт биһигини олох хас биирдии чыпчылҕаныттан таптыырга ыҥырар».
2015 сыллаахха «Күһүҥҥү ыһыаҕым» хомуурунньуга тахсыбыта.
Сыанабыл
Сабарай Илгэни Наталья Михалева — Сайа «Хоһоон хонуутун көстүбэт Хотуна» диэн ааттаабыта. Дьоннуун улаханнык алтыспат, олоҕун бүтүннүү поэзияҕа, айар үлэҕэ анаабыт «үрдүкү поэзия» уһулуччулаах бэрэстэбиитэлэ этэ[3].
