Горнай улууһа

Горнай улууһа Горный улус
Гиэрбэтэ	Былааҕа
Дойду	Россия
Регион	Саха Өрөспүүбүлүкэтэ
Улуус киинэ	Бэрдьигэстээх
Улуус баһылыга	Андреев Никита Викторович
Иэнэ	45,6 тыһ. км²
Климата	резко-конт
Официальнай ситим-сир

Горнай улууһа — Саха Сирин улууһа. Улуус киинэ — Бэрдьигэстээх бөһүөлэгэ. Нэһилиэнньэтэ — 11 600 киһи (2007 сыллаах ааҕыынан), сирин иэнэ — 45,6 тыһыынча км² эбэтэр Саха Сирин алта уон гыммыт биирэ.

2002 сыллаах сурутуу түмүгүнэн үксүлэрэ сахалар.

Демография

2007 сылга улуус киһитин ахсаана 11 600 киһи.

Сурутуу ыытыллыбыт сыллырга уонна 2007 сылга нэһилиэнньэ ахсаана

Администрацияларынан араарыы

Горнай улууһун каартата

Улуус иһинээҕитэ
#	Нэһилиэктэр	Кииннэрэ	Кыра сэлиэнньэлэр	Улуус кииниттэн, км	Почта индексэ	Нэһилиэнньэ ахсаана (2007 сыл)
1	Бэрдьигэстээх	Бэрдьигэстээх	Маай	0		6408
2	Одуну	Маҥырас	Улуу Сыһыы, Харыйалаах	87		978
3	Атамай	Бэс Күөл		100		665
4	Маалтааны	Кэптин	Тоҥ Уулаах, Тыһаҕаччы	188		658
5	Мытаах	Дьиикимдэ	Эбэ	30		650
6	Кировскай	Аһыма	Чэкэ Бэс	30		634
7	Октябрьскай	Күөрэлээх		68		552
8	Солоҕон	Өрт		80		544
9	Маҥаны	Орто Суурт		128		511
	Барыта					11 600

Горнайтан төрүттээх биллэр дьон

Мамаев Иван Федорович (1893—1954) — саха норуодунай худуоһунньуга, муосчут.

Данилов Софрон Петрович (1922—1993) — саха норуодунай суруйааччыта.

Тарасов Савва Иванович (1934—2010) — саха норуодунай поэта, тылбаасчыт.

Захарова Раиса Яковлевна (1954—2013) — саха норуодунай артыыһа, ырыаһыт.

Филиппова Августина Николаевна (1948 төр.) — Саха Өрөспүүбүлүкэтин культуратын үтүөлээх үлэһитэ, дизайнер.

Контоев Герман Степанович (1971 төр.) — көҥүл тустууга олимпийскай чемпион.

Контоев Александр Степанович (1981 төр.) — көҥүл тустууга үрүҥ көмүс олимпийскай чемпион.

Тимофеева Кристина Владимировна (1993 төр.) — Аан дойду оҕунан ытыыга чемпиона.

Үөрэҕирии

11 оскуола баар:

• «Владимир Дионисьевич Лонгинов аатынан Атамай орто оскуолата»,
• «Филиппов Василий Васильевич аатынан Бэрдьигэстээхтээҕи улуус гимназията»;
• Сэмэн Петрович Данилов аатынан «Бэрдьигэстээх орто оскуолата»;
• «Афанасий Николаевич Осипов аатынан Бэрдьигэстээхтээҕи сорох предметтэри чиҥэтэн үөрэтэр орто оскуола»;
• «Софрон Петрович Данилов аатынан Дьиикимдэтээҕи орто оскуола»;
• «Савва Иванович Тарасов аатынан Өрт орто оскуолата»;
• «Кэптин орто оскуолата»;
• «Кировскай орто оскуолата»;
• «Степан Гурьевич Ковров аатынан Күөрэлээх орто оскуолата»;
• «Степан Иванович Тимофеев — Кустуктаанап аатынан Маҥаны орто оскуолата»;
• «Лука Никифорович Харитонов аатынан Маҕарас орто оскуолата».