Нуучча тылынанАнал бырайыактар
Тылы уларыт
УРУБИИКИ ТУҺУНАН

Тимофеева Кристина Владимировна

УРУБИИКИ иһигэр маннык араспаанньалаах дьон туһунан ыстатыйалар бааллар, көр Тимофеева.

Кристина Владимировна Тимофеева(1993 сыл атырдьах ыйын 28 күнэ, Бэрдьигэстээх, Саха сирэ) — Арассыыйа спорстмена, охчут, 2012 с. Лондоҥҥа ыытыллыбыт Олимпия оонньууларыгар Арассыыйа сүүмэрдэммит хамаандатын чилиэнэ.

Үөрэҕэ

Р.М. Дмитриев аатынан Олимпийскай эрэллэр училищеларыгар охчуттар салааларын бүтэрбитэ[4].

Успуорка ситиһиилэрэ

2009 с. Огдеҥҥа ыытыллыбыт Аан дойду чемпионатыгар "Кадеттар" категорияҕа хамаанданан киирсиигэ үрүҥ көмүс призер буолбута.

2012 с. Лас-Вегаска дьиэ иһигэр оҕунан ытыы аан дойдутааҕы чемпионат буолбута. Онно Тимофеева юниордарга хамаанданан күрэххэ 2-с миэстэ буолбута. Эмиэ ол сыл Огдеҥҥа ыытыллыбыт Аан дойду кубогар биирдиилээн бастыыр иһин уонна хамаанданан киирсиигэ бастаабыта. Софияҕа ыытыллыбыт Европа Гран-притыгар хамаанданан бастаабыта.

2019 сыллаахха Читаҕа ыытыллыбыт Арассыыйа Кубогын кыайыылааҕа буолбута[5]. Ол сыл Бангкок Гран-притыгар (Азия Кубога) оҕунан ытыыга аан дойду квалификационнай сериятыгар кыттан, 6 миэстэни буолбута[6].

2012 с. Олимпиада оонньуулара

Квалификация түһүмэҕэр биирдиилээн киирсиигэ 650 очукуону ылан 23 миэстэ буолбута. Финал бастакы түһүмэҕэр Улуу Британия дьахтара Наоми Фолкардтан 4:6 ахсаанынан кыайтарбыта. Күрэхтэһии түмүгүнэн биирдиилээн киирсиигэ 33 миэстэ буолбута. Хамаанданан киирсиигэ Ксениея Перованы уонна Инна Степанованы кытары финал 1/8 215:208 ахсаанынан Улуу Британия сүүмэрдэммит хамаандатын кыайбыттара. Финал чиэппэригэр Тайбаан сүүмэрдэммит хамаандатын кытары киирсэн 216(28):216(26) кыайбыттара. Финал аҥаарыгар КНР хамаандатыгар кыайтарбыттара (207:208). Оттон үһүс миэстэни былдьаһыыга 2 очукуонан Дьоппуон хамаандатыгар сабырыйтарбыттара (207:209)[7]}}.

Тус олоҕо

2016 сыл атырдьах ыйыгар ыал буолбута. Кэргэнэ — саха тустууга Герман Устинов[8].

Наҕараадалара

  • «Саха Өрөспүүбүлүкэтигэр успуорт сайдыытыгар өҥөлөрүн иһин» бэлиэ[9];
  • Горнай улууһун Бочуоттаах олохтооҕо (2012)[1];
  • «Гражданскай килбиэн» бэлиэ[10].

Бэлиэтээһиннэр

  1. ↑ 1 2 Чествование участника ХХХ «Олимпийских игр» в г.Лондоне - Кристины Тимофеевой на родной земле (рус.). Сигэнии күнэ: 8 Тохсунньу 2026.
  2. ↑ Kristina Timofeyeva. Сигэнии күнэ: 8 Тохсунньу 2026. Архивировано из оригинала 14 Ахсынньы 2012 года.
  3. ↑ Olympedia (англ.) — 2006.
  4. ↑ Кристина Тимофеева: «Пусть весь мир узнает, что в Якутии сильная школа лучников». Сигэнии күнэ: 8 Тохсунньу 2026. Архивировано 4 Ахсынньы 2012 года.
  5. ↑ Лучница Кристина Устинова готова сразиться за путевку на Олимпийские игры (рус.). Сигэнии күнэ: 8 Тохсунньу 2026.
  6. ↑ Кристина Устинова отличилась на Кубке Азии в Таиланде (рус.). Сигэнии күнэ: 8 Тохсунньу 2026.
  7. ↑ Тимофеева: планировали добраться до финала. Сигэнии күнэ: 8 Тохсунньу 2026. Архивировано 4 Кулун тутар 2016 года.
  8. ↑ Поженились известные якутские спортсмены (рус.). Сигэнии күнэ: 8 Тохсунньу 2026.
  9. ↑ Сергей Сюльский: Стрельба из лука должна стать опорным видом спорта в Якутии (рус.). Сигэнии күнэ: 8 Тохсунньу 2026.
  10. ↑ Кристина Владимировна Устинова (Тимофеева) (рус.). Сигэнии күнэ: 8 Тохсунньу 2026.

Категориялар