Сапожников Владимир Васильевич
Сапожников Владимир Васильевич (1914 сыл бэс ыйын 14 күнэ, Дьокуускай — 1982 сыл кулун тутар 23 күнэ, Самарҕа) — Сэбиэскэй Сойуус Дьоруойа (1944), бомбардировщикка сулууспалаабыт лүөччүк.
Олоҕун олуктара
1914 сыллаахха бэс ыйын 14 күнүгэр Дьокуускайга рабочай дьиэ кэргэнигэр төрөөбүт. Омугунан нуучча. Сэттэ кылааһы, ФЗУ бүтэрбит. Воронежтааҕы тыа хаһаайыстыбатын институтугар үөрэммит.
Байыаннай өҥөлөрө
Аармыйаҕа 1934 сылтан сулууспалаабыт. Энгельстааҕы байыаннай оскуоланы бүтэрбит. Арҕаа Белоруссия уонна Арҕаа Украинаҕа буолбут кыргыһыыларга, Финляндияны кытта 1939—1940 сыллардааҕы сэриигэ кыттыбыт.
Аҕа дойду Улуу сэриитин 1941 сыл бэс ыйыттан кыттыбыт. 1942 сыл ыам ыйыгар биир бастакыннан саҥа Ли-2 сөмүлүөтү үөрэппитэ, сэрии бүтүөр диэри онно сулуспалаабыта. 1942 сыллаахха байыаннай үтүөлэрин иһин Кыһыл Сулус уордьанынан наҕараадалааһыҥҥа түһэриллибитэ. Курскай тоҕойугар сэриигэ кыттыбыт. 1944 с. дылы 360 бойобуой көтүүнү оҥорбут.
1943 сыллаахха байыаннай үтүөлэрин иһин Ленин уордьанынан наҕараадалааһыҥҥа түһэриллибитэ.
1943 сыллаахха байыаннай үтүөлэрин иһин Кыһыл Знамя уордьанынан наҕараадалааһыҥҥа түһэриллибитэ.
63-с авиация аармыйатыгар сулууспалаабыт. Сэрии кэмигэр майор.
ССРС Үрдүкү Сүбэтин Президиумун 1944 сыл атырдьах ыйын 19 күнүнээҕи Ыйааҕынан байыаннай сорудахтары көрдөрүүлээхтик толоруутун уонна өстөөхтөрү кытта кыргыһыыларга хорсун, геройдуу быһыытын иһин майор Сапожников Владимир Васильевичка Сэбиэскэй Сойуус Геройун аата иҥэриллибитэ.
Сэрии кэннэ
Сэрии кэнниттэн В. В. Сапожников салгыы ВВС-ка сулууспалаабыт. 1957 сылтан Сапожников подполковник сыбаанньалаах саппааска барбыт.
Куйбышев куоракка (1991 сылтан — Самаара) олорбут, үлэлээбит. 1982 сыллаахха кулун тутар 23 күнүгэр өлбүт. Самаараҕа «Рубежное» кылабыыһаҕа көмүллүбүт.
Наҕараадалара
- «Кыһыл көмүс Сулус» мэтээл (№ 4461) (19.08.1944)[1]
- Икки Ленин уордьана (27.07.1943[2]; 19.08.1944)
- Икки Кыһыл Знамя уордьана (12.03.1943[3]; ?)
- Үс Кыһыл Сулус уордьана (06.01.1942[4]; ?; ?)
Аатын үйэтитии
Дьоруой аатынан Дьокуускай куорат Новопортовской микрорайон переулога ааттаммыта.
Быһаарыылар
Литэрэтиирэ
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2
Сигэлэр
Сапожников Владимир Васильевич (рус.). «Герои страны» ситим-сир.
- Якутяне — Герои Советского Союза и Российской Федерации кавалеры ордена Славы 3-х степеней
- Алексеев В. Сын члена Якутского Совета рабочих депутатов — Герой Советского Союза // Забота Арчы : хаһыат. — 04.02.2010. — С. 6.
