Нуучча тылынанПартнёрдар бырайыактараАнал бырайыактар
Тас көрүҥүн уларытТылы уларытИһитиннэрии
УРУБИИКИ ТУҺУНАН

Ленин уордьана

Ленин уордьана (нууч. Орден Ленина) — Сэбиэскэй Социалистическай Өрөспүүбүлүкэлэр Сойуустарын үрдүкү судаарыстыбаннай наҕараадата, ССРС Киин ситэриилээх кэмитиэтин Президиумун 1930 сыл муус устар 6 күнүнээҕи уурааҕынан олохтоммута.

Устуоруйата

Уордьан ССРС КСК Президиумун 1930 сыл муус устар 6 күнүнээҕи уурааҕынан тэриллибитэ, оттон статута 1930 сыл ыам ыйыгар олоххо киирбитэ.

ССРС уордьаннарынан наҕараадалыыр туһунан көрдөһүүлэри көрүү уонна биэрии бэрээдэгин, ону тэҥэ наҕараадаламмыт дьоҥҥо туттарыы бэрээдэгин 1932 сыл тохсунньу 11 күнүнээҕи уураах бигэргэппитэ[1]. Уордьан статута уонна ойуулааһына ССРС КСК 1934 сыл балаҕан ыйын 27 күнүнээҕи уурааҕынан, ССРС Үрдүкү Сэбиэтин Президиумун 1943 сыл бэс ыйын 19 күнүнээҕи уонна 1947 сыл ахсынньы 16 күнүнээҕи ыйаахтарынан уларытыылары киллэрэн туран оҥоһуллубута.

Аҕа дойду сэриитин сылларыгар 36 тыһыынча кэриҥэ киһи бу уордьанынан наҕараадаламмыт[2].

Быһаарыылар

  1. ↑ Орден Ленина (рус.). Википедия. Сигэнии күнэ: 15 Балаҕан ыйын 2026.
  2. ↑ Уордьаннар, мэтээллэр. Альберт Капрынов, Кыым, 2011, ыам ыйын 12 күнэ

Категориялар