Шаманов Иван Гаврилович

1908 сыллаахха балаҕан ыйын 25 күнүгэр Смоленскай уобалас Новосельцы дэриэбинэтигэр төрөөбүт. Нуучча. Уон кылааһы бүтэрбит. Смоленскайга мас эрбиир заводка үлэлээбит.

1927 сыллаахха Кыһыл Аармыйаҕа ыҥырыллыбыт. Комсомол путёвкатынан Борисоглебскайдааҕы лётчиктар байыаннай оскуолаларыгар үөрэммит. Оскуоланы бүтэрэн, 1933 сылга дылы Кыһыл Аармыйа авиациятын чаастарыгар сулууспалаабыт. Ол кэннэ Гражданскай салгын авиациятыгар үлэлээбит. Сэрии иннинээҕи сылларга Саха Сиригэр, М. В. Лорины кытта, лётчик-аэрофотосъёмщик быһыытынан үлэлээбит.

1941 сыл алтынньытыгар Кыһыл Аармыйаҕа баҕа өттүнэн ыҥырыллыбыт. 1942 сыл сааһыгар 1-кы гвардейскай минно-торпедная авиационнай полк ДБ-3 самолётун экипаһын хамандыырынан анаммыт, штурманынан доҕоро Михаил Лорин буолбут.

ССРС Үрдүкү Сүбэтин Президиумун 1944 сыл тохсунньу 22 күнүнээҕи Ыйааҕынан гвардия капитаныгар Шаманов Иван Гавриловичка Сэбиэскэй Сойуус Геройун аата иҥэриллибитэ.^[1]

1948 сыллаахха майор Шаманов запаска тахсыбыт. 1956 сылга дылы гражданскай авиацияҕа үлэлээбит. Москваҕа олорбут. 1982 сыллаахха кулун тутар 18 күнүгэр өлбүт Москва Химкинскай кылабыыһатыгар көмүллүбүт.

• «Кыһыл көмүс Сулус» мэтээл № 2764 (22.01.1944)^[2]
• Ленин уордьана (22.01.1944)
• Түөрт Кыһыл Знамя уордьана (14.01.1943^[3]; 09.09.1943^[4]; 31.05.1943^[5]; 13.10.1944^[6])
• Аҕа дойду сэриитин I ст. уордьана (31.01.1943)^[7]
• «Ленинград көмүскэлин иһин» мэтээл