Стрельцов Виктор Николаевич

1910 сыллаахха Весенний бөһүөлэккэ^[1] төрөөбүт. Красноярскай кыраай Покровка сэл. олорбут.

Оскуола кэнниттэн Саха сиригэр үлэлии барбыт. Бастаан Алдаҥҥа суол тутуутугар, онтон 1935 сылтан Кураанах шаахталарыгар урудааны таһаарааччынан, онтон забойщигынан үлэлээбит. Үлэ ударнига, онтон стахановец буолбут.

1940 сыллаахха артыал тэринэн Крохалинай бириискэтигэр көспүт.

1941 сыллаахха атырдьах ыйыгар Алдан оройуонун военкоматынан Кыһыл Аармыйа кэккэтигэр ыҥырыллыбыт. Чита байыаннаай уокуругар сулууспалаабыт.

1943 сыл балаҕан ыйыттан фроҥҥа сэриилэспит. 273-с гвардия стрелковай полкатын сатыы разведкалыыр взводун разведчига буолбут. 1943 сыллаахха балаҕан ыйын 29 күнүгэр сэрииһиттэр бөлөхтөрүн кытта Украина Полтава уобалаһын Кременчуг оройуонун Келеберда сэлиэнньэтин диэки Днепр өрүһү туораабыт. Плацдармҥа кыргыһыыга хас да өстөөҕү суох гыммыт уонна сыаналаах разведка дааннайдарын баһылаабыт.

ССРС Үрдүкү Сүбэтин Президиумун 1943 сыл ахсынньы 20 күнүнээҕи Ыйааҕынан Днепр өрүһү ситиһиилээхтик туорааһын, Днепр өрүс арҕаа кытылыгар плацдарм бигэтик бөҕөргөтүллүбүтүн, ону кытта хорсунун уонна геройдуу быһыытын көрдөрбүтүн иһин гвардия кыһыл армееһыгар Стрельцов Виктор Николаевичка Сэбиэскэй Сойуус Геройун аата иҥэриллибитэ.

1945 сыл саҕаланыытыгар Харьков байыаннай училищетыгар үөрэххэ ыытыллыбыт, ол эрээри бүтэрбэтэх уонна демобилизацияламмыт. Саха сиригэр төннөн, хас да сыл «Ленинскэй» бириискэҕэ хайа маастарынан үлэлээбит.

1951 сыллаахха Челябинскай уобаласка көспүт, онно уон сыл тухары «Миасзолото» трест тэрилтэлэригэр торф хостуур маастарынан үлэлээбит. Кэлин Украина ССР Днепропетровскай уобалаһын Кривой Рог куоратыгар көспүт, онно тимир урудааны хостуур хайа тэрилтэтигэр үлэлээбит.

1972 сыллаахха ыам ыйын 31 күнүгэр өлбүт^[2][3].

• «Кыһыл көмүс Сулус» мэтээл (№ 1449) (20.12.1943)^[4]
• Ленин уордьана (20.12.1943)^[3]

• Аата Кривой Рог куоракка Дьоруойдар Стелаларыгар үйэтитиллбит^[5].