Нуучча тылынанАнал бырайыактар
Тылы уларыт
УРУБИИКИ ТУҺУНАН

Петров Дмитрий Ананьевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Петров.

Дмитрий Ананьевич Петров (1921 сыл от ыйын 8 күнэ, Боробул — 1971 сыл сэтинньи 6 күнэ, Ытык-Күөл, Саха АССР) — Аҕа дойду Улуу сэриитин кыттыылааҕа, Албан аат уордьанын толору кавалера.

Олоҕун олуктара

1921 сыллаахха бэс ыйын 21 күнүгэр Таатта улууһугар бааһынай дьиэ кэргэнигэр төрөөбүтэ.

Уолба сэттэ кылаастаах оскуолатын бүтэрбитэ, сэриигэ барыар диэри промартыал суоччутунан үлэлээбитэ.

Аҕа дойду Улуу сэриитигэр

Аармыйаҕа 1942 с. Чурапчы военкоматынан ыҥырыллыбыта. Бастакы Белоруссия фронугар тиийэн 65-с танковай биригээдэ пулемётчига буолбута, Белоруссияны, Польшаны босхолооһуҥҥа, Арҕаа Буугу туорааһыҥҥа кыттар.

1945 с. муус устар 2 күнүгэр Хоенштейн диэн нэһилиэнньэлээх пууну ылар иһин кыргыһыыга өстөөх пулем"ттаах дзотугар ыга сыыллан кэлэн, гранаталарынан тамнаан суох гыммыта, батальон кыайыытын хааччыйбыта, бааһыран да баран сэрии хонуутуттан тахсыбатаҕа[1]. Бу хорсун быһыытын иһин Албан аат уордьан I истиэпэнигэр түһэриллэн, уордьан толору кавалера буолбута.

Сэрии кэнниттэн

Демобилизация кэнниттэн баартыйа уонна хаһаайыстыба үлэлэригэр сылдьыбыта. «Саллаат сулуһа» диэн ахтыы кинигэтин суруйбута.

Ыарахан ыарыыттан 1971 сыл сэтинньи 6 күнүгэр өлбүтэ. Ытык Күөл сэлиэнньэтин киин болуоссатыгар көмүллүбүтэ.

Наҕараадалара уонна ытык ааттара

  • Албан аат уордьанын I ст. (31.05.1945)[2];
  • Албан аат уордьанын II ст. (25.03.1945)[3];
  • Албан аат уордьанын III ст. (27.07.1944)[4];
  • Мэтээллэр;
  • Таатта улууһун ытык олохтооҕо.

Аатын үйэтитии

  • Д. А. Петров аата Таатта улууһун Ытык-Күөл орто оскуолатыгар иҥэриллибит[5] (2006);
  • Д. А. Петров аатынан Ытык Күөл уулуссата ааттаммыта, бүүһэ туруоруллубута;
  • Ытык Күөл оскуолатыгар Д. А. Петров аатынан мемориальнай хос-түмэл үлэлиир;
  • 2003 сылтан Таатта улууһугар оскуола оҕолоругар анаан «Петровскай ааҕыылар» ыытыллаллар.

Быһаарыылар

  1. ↑ Саха саарыннара. Хомуйан оҥордулар Л. Г. Николаев, А. Г. Николаев, Ф. Э. Данилов. — Дь.: «Кудук», 1998. — ISBN 5-7863-0122-2
  2. ↑ Наградные документы в электронном банке документов «Подвиг Народа»
  3. ↑ Наградные документы в электронном банке документов «Подвиг Народа»
  4. ↑ Наградные документы в электронном банке документов «Подвиг Народа»
  5. ↑ Указ Президента РС(Я) от 17.07.2006 № 2823 «О присвоении имени Дмитрия Ананьевича Петрова муниципальному общеобразовательному учреждению „Ытык-Кюельская средняя общеобразовательная школа № 2“ муниципального района „Таттинский улус (район)“». — Газета «Якутия» № 129, 19.07.2006

Литература

  • Андреев Г. И., Вакуров И. Д. Солдатская слава. — М.: 1971. — С. 178—179.
  • Избеков Д. Д. Полный кавалер ордена Славы. — Якутск, 1965. — 36 с.
  • Пестерев В. И. История Якутии в лицах. — Якутск: Бичик, 2001. — С. 258—260. — 464 с. — ISBN 5-7696-1606-7
  • Сомов В. М. По велению сердца. — Якутск, 1974. — С. 125—135.
  • Албан Аат орден толору кавалера: Ахтыылар / Д. Н. Павлов. — Якутск: Сахаполиграфиздат, 2001. — 96 с.

Сигэлэр

Эбии бу тиэмэҕэ

Категориялар