Ерохин Георгий Алексеевич

1907 сыллаахха Усть-Илга с.^[1] бааһынай дьиэ кэргэнигэр төрөөбүт. Нуучча. Алта кылаас үөрэхтээх. Өлүөнэтээҕи өрүс пароходствотыгар Жигаловскай судоверфь «Боец» пароходун капитанын көмөлөһөөччүтүнэн үлэлээбит.

1929—1931 сс. Кыһыл Аармыйаҕа сулууспалаабыт. 1929 сыллаахха Кытай—Илин тимир суолугар буолбут кыргыһыыларга кыттыбыт. 1941 сыллаахха балаҕан ыйыгар иккиһин Дьокуускай^[2] куорат военкоматынан ыҥырыллыбыт. 1942 сыл олунньутуттан фроҥҥа сэриилэспит.

54-с гвардейскай кавалерийскай полк химияҕа взводун хамандыыра гвардия сержана Ерохин 1944 сыл тохсунньутугар Гомельскай оройуон Борисоковичи, Туров нэһилиэнньэлээх пууннарын аттыгар буолбут кыргыһыыларга хорсун быһыытын иһин Албан аат III ст. уордьанынан наҕараадаламмыт^[3].

Украина Волынскай уобалаһын Писарева Воля дэриэбинэ аттынааҕы^[4], Польша Ополе куоратын иһин^[5] кыргыһыыларга бойобуой өҥөлөрө Албан аат уордьанын II уонна I степеннэринэн бэлиэтэнэн, гвардия старшината Ерохин бу уордьан толору кавалера буолбут.

1945 сыл бэс ыйын 24 күнүгэр Москваҕа буолбут Кыайыы Парадыгар кыттыбыт.

1945 сыл сэтинньитигэр сулууспата бүтэн дойдутугар төннүбүт. Жигалово с., ол кэннэ Иркутскайга олорбут уонна үлэлээбит.

1986 сыллаахха бэс ыйын 17 күнүгэр өлбүт.

• Аҕа дойду сэриитин I ст. уордьана (06.04.1985)^[6]
• Икки Кыһыл Сулус уордьана (28.11.1943^[7]; 30.05.1945^[8])
• Албан аат уордьанын III ст. (03.03.1944)^[3]
• Албан аат уордьанын II ст. (13.06.1944)^[4]
• Албан аат уордьанын I ст. (24.03.1945)^[5]
• «Бойобуой өҥөлөрүн иһин» мэтээл (14.12.1942)^[9]
• Мэтээллэр