Лухнев Павел Степанович
Лухнев Павел Степанович (1921 сыл тохсунньу 18 күнэ, Куяда[d], Иркутскай уобалаhа — 2001 сыл тохсунньу 15 күнэ, Иркутскай) — Аҕа дойду Улуу сэриитин кыттыылааҕа, Албан аат уордьанын толору кавалера.
Олоҕун олуктара
1921 сыллаахха тохсунньу 18 күнүгэр Куяда[1] с. төрөөбүт. Нуучча. Түөрт кылаас үөрэхтээх. Дьокуускайга үүт заводугар плотнигынан үлэлээбит.
1941 сыл атырдьах ыйыгар Дьокуускай военкоматынан Кыһыл Аармыйаҕа ыҥырыллыбыт. 1941 сыл ахсынньытыттан фроҥҥа сэриилэспит.
Сэрии кэннэ 1946 сыллаахха дойдутугар төннүбүт. Колхуоска үлэлээбит. Олоҕун бүтэһик сылларыгар Иркутскайга олорбут. 2001 сыл тохсунньу 15 күнүгэр өлбүт[2][3]..
Наҕараадалара
- Аҕа дойду сэриитин I ст. уордьана (06.04.1985)[4];
- Кыһыл Сулус уордьана;
- Албан аат уордьанын III ст. (25.10.1944)[5];
- Албан аат уордьанын II ст. (11.03.1945)[6];
- Албан аат уордьанын I ст. (15.05.1946);
- Мэтээллэр[2].
Аатын үйэтитии
- Лухнев П. С. аатынан Иркутскай уобалас Бохаан оройуонун Дундай сэлиэнньэтигэр уулусса ааттаммыт;
- Иркутскайга кини аата өйдөбүнньүк дуоскаҕа суруллубут;
- 2007 сылтан Иркутскай уобалас Захаль орто оскуолата П. С. Лухнев аатын сүгэр[2].
