Кыһыл Знамя уордьана

Кыһыл Знамя уордьана (нууч. Орден Красного Знамени или Орден «Красное знамя») — ССРС үрдүкү наҕараадаларыттан биирдэстэрэ. Бастакы сэбиэскэй уордьан. Сэбиэскэй Аҕа дойдуну көмүскээһиҥҥэ ураты хорсун быһыы, бэйэни толук ууруу уонна эр санаа иһин туттарыллара. Кыһыл Знамя уордьанынан байыаннай чаастар, байыаннай хараабыллар, судаарыстыбаннай уонна уопсастыбаннай тэрилтэлэр эмиэ наҕараадаланаллара.

Ленин уордьана 1930 сыллаахха олохтонуор диэри Кыһыл Знамя уордьана Сойуус саамай үрдүк наҕараадатынан ааҕыллара

Уордьанынан Аҕа дойду сэриитин сылларыгар сүүһүнэн тыһыынча дьоруойдуу быһыыны оҥорбут буойун, гражданскай олохтоох, бартыһаан наҕараадаламмыта^[1].