Нуучча тылынанАнал бырайыактар
Тылы уларыт
УРУБИИКИ ТУҺУНАН

Чекунков Алексей Олегович

Алексей Олегович Чекунков (1980 сыл алтынньы 3 күнэ, Минскай) — Арассыыйа судаарыстыбаннай деятелэ. 2020 сыл сэтинньи 10 күнүттэн Уһук Илини уонна Арктиканы сайыннарыыга Арассыыйа Федерацияты миниистирэ, 2024 сыл ыам ыйын 14 күнүгэр хаттаан бигэргэллибитэ[1].

2014 сыл балаҕан ыйын 25 күнүттэн 2020 сылга диэри Уһук Илин уонна Арктика эрэгийиэннэрин түргэнник сайыннарыыга Внешэкономбаан тэрийбит Уһук Илин уонна Арктика сайдыытын пуондатын генеральнай дириэктэрэ.

Биография

Алексей Чекунков 1980 сыл алтынньы 3 күнүгэр Минскэйгэ төрөөбүтэ. Кини аҕата Чекуньков Олег Федорович Белоруссия тас экэнэмиичэскэй сибээстэр миниистирин солбуйааччы этэ (1997—1998), онтон Вьетнамҥа Беларусь ыксаллаах уонна полномочнай посуола этэ (1998—2001).

Үөрэх

Арассыыйа Атын дойдулардааҕы дьыалалар министиэристибэтин Москватааҕы норуоттар ыккардыларынааҕы сыһыаннаһыылар институттарын (Университет) норуоттар икки ардыларынааҕы экэнэмиичэскэй сыһыаннаһыыларга факультетын (МГИМО) бүтэрэн, Уһук Илиҥҥи федеральнай университекка (ДВФУ) судаарыстыбаннай уонна муниципальнай салайыыга магистр истиэпэнин ылбыта[2].

Үлэ

Чекунков 2001 сылтан 2011 сылга диэри Арассыыйаҕа быһаччы инвестициялар секторыгар үрдүк дуоһунастарга үлэлээбитэ. Аан дойдутааҕы уонна Арассыыйа үп тэрилтэлэрин (Алроса, Delta Private Equity, Альфа-групп) улахан бырайыактарын салайбыта, ол иһигэр Уһук Илиҥҥэ — Саха Өрөспүүбүлүкэтигэр уонна Хабаровскай кыраайга[3]. Кини бэйэтин инвестиционнай хампаанньатын New Nations Capital (венчурнай инвестициялар, инвестиционнай баан өҥөлөрө) салайбыта[4].

Чекунков 2011—2013 сылларга Арассыыйа быһаччы инвестиционнай пуондатын (РФПИ) тэрийиигэ кыттыбыта, дириэктэр, сэбиэт чилиэнин уонна инвестиционнай кэмитиэт чилиэнин дуоһунаһыгар үлэлээбитэ. Кини доруобуйа харыстабылыгар, энергияны харыстааһыҥҥа, сырье салаатыгар инвестициялары киллэриигэ, ону тэҥэ Кытай инвестиционнай корпорациятын (CIC) кытта Арассыыйа-Кытай инвестиционнай пуондатын тэрийиигэ эппиэтинэстээх этэ[5].

2014 сылтан 2020 сылга диэри Уһук Илин уонна Арктика сайдыытын пуондатын (ВЭБ.РФ (нууч.) (сах.) генеральнай дириэктэринэн үлэлээбитэ.

2020 сыл сэтинньи 10 күнүгэр Чекунков РФ Уһук Илин уонна Арктика сайдыытыгар миниистиринэн анаммыта[6].

2024 сыл ыам ыйын 14 күнүгэр Чекунков Госдума Арассыыйа Федерациятын Уһук Илини уонна Арктиканы сайыннарыыга миниистирин дуоһунаһыгар хаттаан бигэргэппитэ[7], ол күн РФ бэрэсидьиэнэ анааһын туһунан ыйаахха илии баттаабыта[8].

Чекунков сыллар тухары «АЛРОСА» ПАУо кэтиир сэбиэтин, «РусГидро» ПАУо уонна да атын хампаанньалар дириэктэрдэрин сэбиэтин чилиэнэ этэ.

Уһук Илиҥҥи социальнай-экэнэмиичэскэй сайдыыга бырабыыталыстыба хамыыһыйатын[9] уонна Арктиканы сайыннарыыга судаарыстыбаннай хамыыһыйа чилиэнэ[10].

Транспорт коридордарын сайыннарыы

Арассыыйа Уһук Илини сайыннарыыга министиэристибэтин салайааччытынан иккистээн ананыан иннинэ Госдума мунньаҕар тыл этэригэр, Чекунков 2030 сылга диэри Уһук Илиҥҥэ уонна Арктикаҕа 10 сүрүн приоритеттары ааттаабыта. Чуолаан, 1 тыһ. саҥа эбийиэк тутуллара былааннанар; тырааныспар коридордарын сайдыытын хааччыйарга — СМП (нууч.) (сах. таһар кыаҕа 2030 сылга диэри 150 мөлүйүөн туоннаҕа диэри тэҥнээһин, оттон Арассыыйа тимир суолларын Илиҥҥи полигонун устун 2032 сылга диэри 270 мөлүйүөн туоннаҕа диэри тэҥнээһин[11].

Дьиэ кэргэнэ

Алексей Чекунков кэргэннээх, икки кыыс оҕолоох[12].

Быһаарыылар

  1. ↑ Энциклопедия ТАСС, 2024. Чекунков, Алексей Олегович. Министр РФ по развитию Дальнего Востока и Арктики
  2. ↑ Биография Алексея Чекункова
  3. ↑ Биография Алексея Чекункова, выдвинутого на пост министра по развитию Дальнего Востока и Арктики
  4. ↑ Дальневосточные новации оценили в Белом доме
  5. ↑ «Сейчас нужно пройти через геополитическую ломку»
  6. ↑ Алексей Чекунков назначен Министром по развитию Дальнего Востока и Арктики // kremlin.ru
  7. ↑ Госдума утвердила Чекункова министром развития Дальнего Востока и Арктики. РИА "Новости" (14 Ыам ыйын 2024). Сигэнии күнэ: 14 Ыам ыйын 2024.
  8. ↑ Президент подписал указы о назначении членов Правительства Российской Федерации и директоров служб. kremlin.ru (14 Ыам ыйын 2024). Сигэнии күнэ: 14 Ыам ыйын 2024.
  9. ↑ Правительственная комиссия по вопросам социально-экономического развития Дальнего Востока
  10. ↑ Состав президиума Государственной комиссии по вопросам развития Арктики
  11. ↑ Алексей Чекунков перечислил 10 ключевых приоритетов для Дальнего Востока и Арктики. Журнал "Эксперт" (14 Ыам ыйын 2024).
  12. ↑ Чекунков, Алексей Олегович. ТАСС (9 Сэтинньи 2020). Сигэнии күнэ: 28 Алтынньы 2021.

Сигэлэр

Эбии бу тиэмэҕэ

Категориялар