Нуучча тылынанАнал бырайыактар
Тылы уларыт
УРУБИИКИ ТУҺУНАН

Чуйченко Константин Анатольевич

Константин Анатольевич Чуйченко (1965 сыл от ыйын 12 күнэ, Липецк[d]) — Арассыыйа судаарыстыбаннай деятелэ, 2020 сыл тохсунньу 21 күнүттэн Арассыыйа Федерациятын юстициятын миниистирэ. 2023 сыл олунньу 3 күнүттэн Арассыыйа Федерациятын Куттал суох буолуутун Сэбиэтин чилиэнэ[1]. Арассыыйа Федерациятын юстицияҕа дьиҥнээх судаарыстыбаннай сүбэһитэ (2020)[2].

Бу иннинэ Арассыыйа Федерациятын бэрэсидьиэнин көмөлөһөөччүтэ — Арассыыйа Федерациятын бэрэсидьиэнин Хонтуруоллуур салайыытын салайааччыта (2008—2018). Арассыыйа Федерациятын бырабыыталыстыбатын бэрэссэдээтэлин солбуйааччы — Арассыыйа Федерациятын бырабыыталыстыбатын Аппаратын салайааччыта (нууч.) (сах. (2018—2020)[3].

Биография

Константин Чуйченко 1965 сыл от ыйын 12 күнүгэр Липецкайга төрөөбүтэ. Аҕата — Чуйченко Анатолий Константинович (1936 төр.), ССРС Общественнай бэрээдэгин министиэристибэтин уорганнарыгар сулууспалаабыта, 1978—1983 сылларга Ленинградскай уобалас Всеволожскай куорат борокуруора этэ, 1985 сыллаахха Хотугулуу-Арҕааҥҥы тырааныспар борокуратууратын салайыытыгар көһөрүллүбүтэ, онно 1966 сылга диэри сулууспалаабыта[3].

Константин 1987 сыллаахха Ленинградтааҕы судаарыстыбаннай университетын юридическай факультетын бүтэрэн[4], Дмитрий Медведевтыын биир бөлөххө үөрэммитэ.

1987 сылтан 1989 сылга диэри Чуйченко Ленинград куорат Калининскай оройуон борокуратууратын (нууч.) (сах. стажерынан уонна следователинэн үлэлээбитэ[4].

1989 сылтан 1992 сылга диэри судаарыстыбаннай куттал суох буолуутун уорганнарыгар офицер дуоһунастарыгар сулууспалаабыта.

1992—1994 сылларга «Интерюраудит де Фариа и Т» акционернай хампаанньа ситэриилээх дириэктэрэ этэ[4]. Хампаанньа ыытар бырайыактара Арассыыйаҕа Германия инвестицияларыгар сыһыаннаах этилэр.

Чуйченко 1994 сылтан 2001 сылга диэри «Санкт-Петербург» норуоттар икки ардыларынааҕы адвокатскай ассоциация чилиэнэ (Москубатааҕы салаатын бастакы юридическай консультациятын юриһа)[4]. 2001 сылтан 2008 сылга диэри юридическэй салаа салайааччытынан үлэлээбитэ, «Газпром» ААУо дириэктэрдэрин сэбиэтин чилиэнэ этэ. Чуйченко Арассыыйа уонна Украина гааһын туһунан кэпсэтиилэригэр биир сүрүн кэпсэтээччи этэ[4].

2004 сылтан 2008 сылга диэри RosUkrEnergo AG ситэриилээх дириэктэрэ (бу хампаанньа үс салайар дириэктэриттэн биирдэстэрэ, Швейцария Цуг кантонугар бэлиэтэммит).

2008 сылтан 2018 сылга диэри Чуйченко Арассыыйа бэрэсидьиэнин көмөлөһөөччүтүнэн уонна РФ бэрэсидьиэнин Хонтуруоллуур салайыытын салайааччытынан үлэлээбитэ[4].

2018—2020 сылларга — РФ бырабыыталыстыбатын бэрэссэдээтэлин солбуйааччы Д. А. Медведев — РФ бырабыыталыстыбатын Аппаратын салайааччыта[4].

2019 сыл муус устар 8 күнүгэр бырабыыталыстыба бэрэссэдээтэлэ Медведев аатыттан дьаһалта быраабы кэһиилэр тустарынан саҥа Кодексы оҥорор оробуочай бөлөҕү салайбыта.

2020 сыл тохсунньу 21 күнүттэн Михаил Мишустин бырабыыталыстыбатыгар Арассыыйа Федерациятын юстициятын миниистирэ[5][4].

2024 сыл ыам ыйын 14 күнүгэр Чуйченко РФ юстициятын миниистиринэн хаттаан анаммыта[6].

2013 сылтан «Амурскай баабыр киинэ» АНО кэтээн көрөр сэбиэтин бэрэссэдээтэлэ. 2019 сыл балаҕан ыйын 3 күнүттэн — баабыр ахсаанын харыстааһын норуоттар ыккардыларынааҕы пуорумун бэлэмнэниигэ уонна ыытыыга тэрийэр хамыыһыйа бэрэссэдээтэлэ[7].

Тус олох

Тихонова Кристина диэн кэргэннээх. Ыал үс кыыс оҕолоохтор[8].

Наҕараадалар

  • «Аҕа дойду иннигэр үтүөлэрин иһин (нууч.) (сах.» IV истиэпэннээх уордьан (2011 сыл атырдьах ыйын 3 күнэ) — Арассыыйа Федерациятын Бэрэсидьиэнин үлэтин-хамнаһын хааччыйыыга улахан өҥөлөрүн уонна өр сыллаах көдьүүстээх үлэтин иһин[9].
  • Бочуот уордьана (2006 сыл кулун тутар 23 күнэ) — үлэ ситиһиилэрин уонна өр сыллаах үтүө суобастаах үлэтин иһин[10][4].
  • Александр Невскай уордьана (2014 сыл кулун тутар 21 күнэ)[4].
  • Преподобнай Сергий Радонежскай II истиэпэннээх уордьана (2024 сыл муус устар 2 күнэ) — сыаркап уонна судаарыстыба сыһыаннаһыыларын сайыннарыыга кылаатын иһин[11].

Кылааснай чин

  • Арассыыйа Федерациятын юстицияҕа дьиҥнээх судаарыстыбаннай сүбэһитэ (2020 сыл атырдьах ыйын 9 күнэ).
  • 1-ы кылаастаах Арассыыйа Федерациятын юстицияҕа дьиҥнээх судаарыстыбаннай сүбэһитэ (2008 сыл атырдьах ыйын 15 күнэ).

Быһаарыылар

  1. ↑ Указ «О внесении изменений в состав Совета Безопасности Российской Федерации, утвержденный Указом Президента Российской Федерации от 25 мая 2012 г. № 715».
  2. ↑ Указ Президента Российской Федерации от 09.08.2020 № 501 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Сигэнии күнэ: 10 Атырдьах ыйын 2020.
  3. ↑ 1 2 [https://tass.ru/encyclopedia/person/chuychenko-konstantin-anatolevich Энциклопедия ТАСС, 2024. Чуйченко, Константин Анатольевич Министр юстиции РФ]
  4. ↑ 1 2 3 4 5 6 7 8 9 10 Чуйченко Константин Анатольевич (рус.). Министерство юстиции РФ.
  5. ↑ Указ Президента Российской Федерации от 21.01.2020 № 35 «О Министре юстиции Российской Федерации»
  6. ↑ Президент подписал указы о назначении членов Правительства Российской Федерации и директоров служб. kremlin.ru (14 Ыам ыйын 2024). Сигэнии күнэ: 14 Ыам ыйын 2024.
  7. ↑ Указ Президента Российской Федерации от 03.09.2019 № 412 «О проведении Международного форума по сохранению популяции тигра»
  8. ↑ Биография нового министра юстиции Константина Чуйченко. ТАСС. Сигэнии күнэ: 24 Тохсунньу 2020.
  9. ↑ Указ Президента Российской Федерации от 03.08.2011 г. № 1043 (рус.). Президент России. Сигэнии күнэ: 13 Кулун тутар 2023.
  10. ↑ Указ Президента Российской Федерации от 23.03.2006 г. № 234 (рус.). Президент России. Сигэнии күнэ: 13 Кулун тутар 2023.
  11. ↑ Состоялась встреча Святейшего Патриарха Кирилла с министром юстиции РФ К.А. Чуйченко. patriarchia.ru (2 Муус устар 2024). Сигэнии күнэ: 2 Муус устар 2024.

Сигэлэр

Эбии бу тиэмэҕэ

Категориялар