Нуучча тылынанАнал бырайыактар
Тылы уларыт
УРУБИИКИ ТУҺУНАН

Куренков Александр Вячеславович

Александр Вячеславович Куренков (1972 сыл бэс ыйын 2 күнэ, Софрино[d], Москва уобалаһа) — Арассыыйа судаарыстыбаннай деятелэ. 2022 сыл ыам ыйын 25 күнүттэн Арассыыйа Федерациятын гражданскай көмүскэл, ыксаллаах быһыы-майгы уонна айылҕа алдьархайын содулларын суох оҥоруу миниистирэ (э. т. 2024 ыам ыйын 7—13 күннэрэ), генерал-полковник (2025)[1]. 2022 сыл ыам ыйын 30 күнүттэн Арассыыйа Федерациятын Куттал суох буолуутун Сэбиэтин чилиэнэ[2].

Биография

Александр Куренков Москва уобалаһыгар төрөөбүтэ. Москватааҕы физическэй култуура судаарыстыбаннай академиятын 1998 сыллаахха уонна Москватааҕы психологическай-социальнай институту 2004 сыллаахха бүтэрэн баран, 2021 сыллаахха РФ сэбилэниилээх күүстэрин генеральнай штабын байыаннай академиятыгар үрдүкү куурустары бүтэрэн, генерал-майор байыаннай сыбаанньатын ылбыта[3][4].

Куренков Москваҕа 312 №-дээх оскуолаҕа физкультура учууталынан үлэлээбитэ (1995—1999 сс.). Судаарыстыбаннай куттал суох буолуутун уорганнарыгар 1999 с. ФСБ-ҕа (1999—2002) уонна Федеральнай харабыл сулууспатыгар (2002—2021 сс.; чуолаан, премьер-миниистир Виктор Зубков харабылыгар үлэлээбитэ), кэлин Арассыыйа национальнай гвардиятыгар көһөрүллүбүтэ, онно бастаан агентство салайааччытын көмөлөһөөччүтүнэн, онтон Виктор Золотов солбуйааччынан (2021—2022 сс.)[5] үлэһиттэри бойобуой бэлэмнээһин боппуруостарыгар эппиэттиир этэ. РБК иһитиннэрбитинэн, кини 2015 сылтан Владимир Путиҥҥа адъютант дуоһунаһыгар, онтон кэлин старшай адъютант дуоһунаһыгар үлэлээбитэ[6].

Арассыыйа бэрэсидьиэнэ 2022 сыл ыам ыйын 23 күнүгэр Куренковы Арассыыйа Федерациятын гражданскай көмүскэл, ыксаллаах быһыы-майгы уонна айылҕа алдьархайын содулларын суох оҥоруу миниистиринэн анааһыны туруорсубута. Судаарыстыба баһылыгын пресс-сэкирэтээрэ Дмитрий Песков этэринэн, хандьыдааты талыы «Путин Куренковы тус бэйэтэ үчүгэйдик билэр. Оттон талыы диэн, судаарыстыба баһылыгын санаатынан, Куренков тус, дуоһунастаах уонна идэтийбит хаачыстыбалара киниэхэ бу функциялары төһө кыалларынан үчүгэйдик толорор кыаҕы биэриэхтэрэ» диэн быһаарбыта[7]. Куренков кандидатуратын ыам ыйын 25 күнүгэр Федерация Сэбиэтэ бигэргэппитэ, ол күн бэрэсидьиэн уурааҕынан миниистиринэн анаммыта[8].

2024 сыл ыам ыйын 14 күнүгэр саҥа бырабыыталыстыба тэриллиитинэн сибээстээн, Куренков Арассыыйа Ыксаллаах быһыыга-майгыга министиэристибэтин салайааччытын дуоһунаһыгар хаттаан анаммыта[9].

2022 сыл ыам ыйын 30 күнүттэн Арассыыйа Федерациятын Куттал суох буолуутун Сэбиэтин чилиэнэ[10].

Куренковка 2022 сыл бэс ыйын 2 күнүгэр генерал-лейтенант байыаннай сыбаанньата иҥэриллибитэ.

Куренков 2022 сыл алтынньы 21 күнүттэн Арассыыйа Федерациятын бырабыыталыстыбатын иһинэн сэбилэниилээх күүстэр, атын сэриилэр, байыаннай формациялар уонна уорганнар наадаларын хааччыйар Координационнай сэбиэт чилиэнэ[11].

АХШ, Евросоюз, Улуу Британия, Швейцария, Австралия уонна Саҥа Зеландия санкцияларыгар киирэр.

Владимир Путин 2025 сыл бэс ыйын 4 күнүгэр Ыксаллаах быһыы-майгы министиэристибэтин салайааччытыгар Александр Куренковка генерал-полковник сыбаанньатын иҥэрбитэ[1].

Дьиэ кэргэнэ

Александр Куренков 2019 сылтан кэргэннээх. Кэргэнэ Елена Игоревна Мильская (1980 төр.) — «Сүппүт уонна эмсэҕэлээбит оҕолорго көмөлөһөр национальнай киин» попечительскай сэбиэтин бэрэссэдээтэлэ уонна Святитель Василий Улуу пуондатын (нууч.) (сах. вице-бэрэсидьиэнэ (генеральнай дириэктэр).

Наҕараадалара

Быһаарыылар

  1. ↑ 1 2 Путин присвоил главе МЧС Куренкову звание генерал-полковника, TACC (4 Бэс ыйын 2025). Сигэнии күнэ: 4 Бэс ыйын 2025.
  2. ↑ Энциклопедия ТАСС, 2024. Куренков Александр Вячеславович
  3. ↑ Путин предложил на пост главы МЧС экс-сотрудника ФСО. Сигэнии күнэ: 23 Ыам ыйын 2022. Архивировано 23 Ыам ыйын 2022 года.
  4. ↑ Появились подробности о возможном кандидате на пост главы МЧС России. Сигэнии күнэ: 23 Ыам ыйын 2022. Архивировано 23 Ыам ыйын 2022 года.
  5. ↑ В Госдуме уточнили биографию кандидата на пост главы МЧС Куренкова. Сигэнии күнэ: 23 Ыам ыйын 2022. Архивировано 23 Ыам ыйын 2022 года.
  6. ↑ РБК, 23 мая 2022. Путин предложил на пост главы МЧС экс-сотрудника ФСО
  7. ↑ Песков: Путин хорошо знает предложенного на пост главы МЧС Александра Куренкова. Сигэнии күнэ: 24 Ыам ыйын 2022. Архивировано 24 Ыам ыйын 2022 года.
  8. ↑ Александр Куренков назначен главой МЧС. Сигэнии күнэ: 25 Ыам ыйын 2022. Архивировано 25 Ыам ыйын 2022 года.
  9. ↑ Президент подписал указы о назначении членов Правительства Российской Федерации и директоров служб. kremlin.ru (14 Ыам ыйын 2024). Сигэнии күнэ: 14 Ыам ыйын 2024.
  10. ↑ Указ Президента Российской Федерации от 30.05.2022 № 327 «О внесении изменения в состав Совета Безопасности Российской Федерации, утверждённый Указом Президента Российской Федерации от 25 мая 2012 г. № 715». Сигэнии күнэ: 8 Бэс ыйын 2022. Архивировано 4 Бэс ыйын 2022 года.
  11. ↑ Указ Президента Российской Федерации от 21.10.2022 № 763 «О Координационном совете при Правительстве Российской Федерации по обеспечению потребностей Вооруженных Сил Российской Федерации, других войск, воинских формирований и органов»
  12. ↑ Садыр Жапаров наградил главу МЧС России орденом "Данк" — фото. Сигэнии күнэ: 17 Алтынньы 2023. Архивировано 17 Алтынньы 2023 года.

Сигэлэр

Эбии бу тиэмэҕэ

Категориялар