Оверчук Алексей Логвинович

Алексей Оверчук 1964 сыл ахсынньы 9 күнүгэр Житомир уобалаһын Коростышев куоратыгар төрөөбүтэ.

К. А. Тимирязев аатынан Москватааҕы тыа хаһаайыстыбатын академиятын 1986 сыллаахха «экэниэмикэ кибернетика» идэтинэн бүтэрбитэ.

1986—1993 — Тимирязев аатынан Москубатааҕы тыа хаһаайыстыбатын академиятын агропромышленнай комплексын хаһаайыстыбаннай механизмын тупсарыыга лаборатория старшай лаборана, младшай билим сотрудник, билим сотрудник, старшай билим сотрудник.

1992 сыллаахха К. А. Тимирязев аатынан Москубатааҕы тыа хаһаайыстыбатын академиятыгар «Организация управления кооперативной формой хозяйствования в АПК» диэн тиэмэҕэ кандидатскай диссертациятын көмүскээбитэ, экэниэмикэ билимнэрин хандьыдаата.

1993—1994 — норуоттар ыккардыларынааҕы бииргэ үлэлээһин Салайыытын сүрүн исписэлииһэ, 1994—1998 сылларга — норуоттар ыккардыларынааҕы дьыалаларга салайыы салайааччытын солбуйааччы, 1998 сылга Судаарыстыбаннай сир кадастрыгар дьиэ-уот быраабын судаарыстыбаннай бэлиэтиир салайыытын уонна РФ Сир баайыгар уонна сири туһаныыга судаарыстыбаннай кэмитиэтин (Роскомзем) дьиэ-уот баайын-дуолун бэлиээтиир салайыы начаалынньыга.

1998 — Арассыыйа сир бэлиитикэтин, тутууга уонна дьиэ-уот, коммунальнай хаһаайыстыба министиэристибэтин информационнай-аналитика салаатын салайааччыта.

1998—1999 — РФ Судаарыстыбаннай сир кэмитиэтин информационнай-аналитика салаатын салайааччыта.

1999—2000 — РФ сир бэлиитикэтигэр судаарыстыбаннай кэмитиэтин информационнай-аналитика салаатын салайааччыта.

2000 сыл атырдьах ыйыттан — Арассыыйа федеральнай сир кадастр сулууспатын (Росземкадастр) салайааччытын солбуйааччы, 2004 сыллаахха дьиэ-уот кадастрыгар федеральнай агентствоҕа кубулуйбута (Роснедвижимость). Кэлин Роснедвижимостка кубулуйбут Росреестрга Михаил Мишустин былаас уорганын салайааччытынан бастакы дуоһунаһыгар киирбитэ, уонна Оверчук киниэхэ бас бэринэр буолбута^[3].

2000 сылтан 2007 сылга диэри Холбоһуктаах Нациялар Тэрилтэлэрин Европаҕа экэниэмикэ хамыыһыйатын сири туһаныыга үлэлиир бөлөх бюротун чилиэнинэн уонна солбуйааччы бэрэссэдээтэлинэн талыллыбыта^[4].

2007 сыллаахха Михаил Мишустин салалтатынан Анал экэниэмикэ зоналарын салайыыга федеральнай агентство салайааччытын солбуйааччыта буолбута, инвестордары тардар үлэни сүрүннүүрэ.

2008 сылтан 2010 сылга диэри Мишустин салайааччылаах UFG Capital Management инвестиционнай хампаанньалар бөлөхтөрүгэр үрдүк дуоһунастарга үлэлээбитэ.

2011 сыл кулун тутарыттан — Федеральнай нолуок сулууспатын салайааччытын солбуйааччы. Стандарттар уонна норуоттар ыккардыларынааҕы бииргэ үлэлээһин департаменын үлэтин сүрүннээбитэ уонна салайбыта. Федеральнай нолуок сулууспатын салайааччытын солбуйааччы быһыытынан, кини, ол иһигэр, Арассыыйа информацияны автоматическайдык атастаһыы туһунан норуоттар ыккардыларынааҕы дуогабардарын туһаныы боппуруостарыгар салайыы уонна территориальнай нолуок уорганнарын үлэлэрин методологическай уонна тэрээһиннээхтик өйөөһүн үлэтин салайбыта^[4].

2020 сыл тохсунньу 21 күнүттэн РФ Бырабыыталыстыбатын бэрэссэдээтэлин солбуйааччы. Бырабыыталыстыбаҕа кини эбэһээтэлистибэлэригэр Евразия интеграциятын, норуоттар ыккардыларынааҕы тэрилтэлэри (СНГ, БРИКС, G20 уо.д.а.) кытта бииргэ үлэлээһин уонна премьер-миниистир кыттыылаах норуоттар ыккардыларынааҕы тэрээһиннэри былааннааһын уонна тэрийии боппуруостара киирэллэр^[5].

2023 сыл сэтинньитигэр Оверчук Арассыыйа делегациятын Сан-Францискоҕа Азия-Чуумпу далай экэниэмикэ бииргэ үлэлээһинин (АТЭС) саммитыгар салайбыта, онно сүрүн кэпсэтии климат боппуруостарыгар анаммыта^[6].

2024 сыл ыам ыйын 11 күнүгэр Михаил Мишустин Оверчук бырабыыталыстыба бэрэссэдээтэлин солбуйааччы дуоһунаһыгар туруорсар саҥа бырабыыталыстыба састаабын көрүүгэ Госдумаҕа киллэрбитэ^[7]. Ыам ыйын 13 күнүгэр Госдума кинини бу дуоһунаска бигэргэппитэ^[8]. Ыам ыйын 14 күнүгэр РФ Бэрэсидьиэнэ анааһын туһунан ыйаахха илии баттаабыта^[9]. Оверчук Евразия эйгэтигэр интеграция сфератыгар судаарыстыбаннай бэлиитикэни, БРИКС^[ru], Шанхай бииргэ үлэлээһин тэрилтэтин уонна «Улахан сүүрбэ^[ru]» үлэлэрин салҕыыр^[10].

2025 сыл балаҕан ыйын 1 күнүгэр Тяньцзинь куоракка ШОС саммитын кэмигэр Алексей Оверчук Арассыыйа уонна Индия ыккардыларыгар кэпсэтиилэргэ кыттыбыта^[11].

• «Аҕа дойду иннигэр үтүөлэрин иһин» уордьан I истиэпэннээх мэтээлэ (2017 сыл бэс ыйын 12 күнэ)^[12];
• «Аҕа дойду иннигэр үтүөлэрин иһин» уордьан II истиэпэннээх мэтээлэ (2014 сыл алтынньы 12 күнэ)^[13];
• Столыпин П. А. I истиэпэннээх мэтээлэ (2024) — «көдьүүстээх судаарыстыбаннай сулууспа иһин»^[14].

Аҕата Оверчук Логвин Алексеевич (1932—2007) Бүтүн Арассыыйатааҕы тыа хаһаайыстыбатын экэниэмикэтин билим-чинчийэр институтугар үлэлээбитэ. АХШ-ҕа Арассыыйа Федерациятын Посольствотыгар тыа хаһаайыстыбатын атташета этэ^[15]. 2007 сыл бэс ыйын 25 күнүгэр өлбүтэ уонна Москва куоракка Троекуровскай кылабыыһатыгар көмүллүбүтэ^[16].

Ийэтэ Оверчук Нелли Александровна (1936—2009) агропромышленнай комплекс техническэй уонна экэнэмиичэскэй чинчийиилэрин Бүтүн Арассыыйатааҕы билим-чинчийэр институтугар (ВНИИТЭИагропром) үлэлээбитэ^[17].

Кини 2018 сыллааҕы декларациятынан, кини 2200 м² уопсай иэннээх икки сир учаастагын, 225,6 м² уопсай иэннээх үс квартиралаах уонна биир Ford Focus легковой массыыналаах. Дохуота 8 786 378 солкуобай^[18].

Кэргэнэ 1 636 351 солкуобай дохуоттаах уонна уопсайа 96 м² иэннээх икки эбии квартиралаах эбит^[19].