Нуучча тылынанАнал бырайыактар
Тылы уларыт
УРУБИИКИ ТУҺУНАН

Григоренко Дмитрий Юрьевич

Дмитрий Юрьевич Григоренко (төр. 1978 сыл от ыйын 14 күнэ, Нижневартовск[d], Түмэн уобалаһа) — Арассыыйа судаарыстыбаннай деятелэ, экэнэмиис. Арассыыйа Федерациятын бырабыытылыстыба бэрэссэдээтэлин солбуйааччы — 2020 сыл тохсунньу 21 күнүттэн Арассыыйа Федерациятын бырабыытылыстыба аппаратын салайаачыта (э. т. 2024 ыам ыйын 7—13)[1][2][3].

Уруккута Арассыыйа Федерациятын Федеральнай нолуок сулууспатын салайааччытын солбуйааччыта (2013—2020)[4]. 2021 сыл от ыйын 19 күнүттэн Киин федеральнай уокурукка куратор[5]. Арассыыйа Федерациятын 2-с кылаастаах дьиҥнээх судаарыстыбаннай сүбэһитэ (2017)[6].

Биография

Дмитрий Григоренко 2000 сыллаахха Кубанскай судаарыстыбаннай университет экэниэмикэ, бырааб уонна айылҕа билим институтун «Юриспруденция» уонна Кубанааҕы норуоттар ыккардыларынааҕы урбаан уонна менеджмент институтун «Финансы и кредит» идэтинэн бүтэрбитэ.

2000 сыл алтынньыттан нолуок уорганнарыгар үлэлээбитэ. 2000—2003 сылларга Краснодар куоракка 4 №-дээх нолуок инспекциятыгар 1 категориялаах исписэлиис этэ.

2003 сыллаахха Григоренко эрэгийиэннэр ыккардыларынааҕы улахан нолуок төлөөччүлэргэ 2 №-дээх инспекция кылаабынай судаарыстыбаннай нолуок инспекторынан анаммыта, 2003 сылтан 2004 сылга — РФ министиэристибэтин нолуокка уонна хомуйууга барыһы нолуокка департаменын сводно-аналитическай салаатын кылаабынай судаарыстыбаннай нолуок инспектора, 2004—2006 сылларга Федеральнай нолуок сулууспа барыһы (дохуоту) нолуоктааһын салайыытын анаалыс салаатын салайааччытын солбуйааччы, коммерческай тэрилтэлэр нолуоктарын уонна нолуок учуотун салаатын салайааччыта.

2006 сылтан 2008 сылга диэри Федеральнай нолуок сулууспатын дохуот нолуогун дьаһайар салайыытын коммерческай тэрилтэлэр дохуоттарыгар нолуогун дьаһайар уонна нолуок учуотун салайар салаатын салайааччыта.

2008—2012 сылларга дохуот нолуогун уонна анал нолуок режимнэрин салаатын салайааччыта, Федеральнай нолуок сулууспатын нолуок салайыытын салайааччытын солбуйааччы.

2012—2013 сылларга Григоренко Федеральнай нолуок сулууспатын Нолуок салайыытын салайааччыта этэ. 2013 сыл атырдьах ыйыттан алтынньыга диэри Федеральнай нолуок сулууспатын юридическэй сирэйдэр нолуоктарыгар салайыытын салайааччыта. 2013 сыл алтынньыттан 2020 сыл тохсунньутугар диэри Федеральнай нолуок сулууспатын салайааччытын солбуйааччы.

2020 сыл тохсунньу 21 күнүгэр Арассыыйа Федерациятын бырабыыталыстыбатын бэрэссэдээтэлин солбуйааччынан — бырабыыталыстыба аппаратын салайааччытынан анаммыта.

Михаил Мишустин 2024 сыл ыам ыйын 11 күнүгэр Григоренко бырабыыталыстыба бэрэссэдээтэлин солбуйааччы дуоһунаһыгар туруорсан, Госдумаҕа көрүүтүгэр саҥа бырабыыталыстыбаны киллэрбитэ[7]. Ыам ыйын 13 күнүгэр Госдума кинини бу дуоһунаска бигэргэппитэ[8]. Ыам ыйын 14 күнүгэр РФ бэрэсидьиэнэ анааһын туһунан ыйаахха илии баттаабыта[9]. Бырабыыталыстыба бэрэссэдээтэлин солбуйааччы быһыытынан Григоренко маннык эппиэтинэстээх: цифровой сайдыы уонна ситим, оҥоһук өй технологияларын олоххо киллэрии, монополияны утары бэлииткэ, «Цифровой экэниэммкэ» национальнай бырайыагы оҥоруу, олоххо киллэрии уонна хонтуруоллааһын[10].

Григоренко 2022 сыл алтынньыттан РФ бырабыыталыстыбатын иһинэн Арассыыйа сэбилэниилээх күүстэрин, атын сэриилэрин, байыаннай састааптарын уонна уорганнарын наадаларын хааччыйар координационнай сэбиэт бэрэссэдээтэлин солбуйааччыта. РФ бэрэсидьиэнин аттыгар стратегическай сайдыыга уонна национальнай бырайыактарга Сэбиэт чилиэнэ, 2020 сыл олунньутуттан президиумун чилиэнэ. 2020 сыл балаҕан ыйыттан Григоренко ВЭБ.РФ (нууч.) (сах. судаарыстыбаннай корпорация уонна ВТБ Баан кэтиир сэбиэттэрин салайбыта, 2020 сыл тохсунньутуттан ыла сокуону оҥорор үлэҕэ бырабыыталыстыба хамыыһыйалары салайбыта, 2020 сыл кулун тутарыттан — дьаһалта реформаҕа, бүддьүөт ороскуотун оптимизациялааһын уонна көдьүүстээх буолуутун үрдэтии боппуруостарыгар хамыыһыйалары уонна да атыттары салайбыта[3]. 2024 сыл ыам ыйыгар Арассыыйа Федерациятын саҥа бырабыыталыстыбатын састаабыгар дуоһунаһын сүтэрбэтэҕэ. 2024 сыл ыам ыйын күнүгэр РФ Бэрэсидьиэнэ Владимир Путин Григоренко Дмитрий Юрьевиһы Арассыыйа Федерациятын Бырабыыталыстыбатын Бэрэссэдээтэлин солбуйааччынан, Арассыыйа Федерациятын Бырабыыталыстыбатын Аппараатын салайааччытынан анааһын туһунан ыйаахха илиитин баттаабыта[11].

Европа сойууһун, АХШ, Канаада, Улуу Британия, Швейцария, Австралия, Дьоппуон уонна Саҥа Зеландия санкцияларыгар киирэр.

Дьиэ кэргэнэ

Кэргэннээх, оҕолоохтор[12].

Наҕараадалара уонна бочуотунай сыбаанньалар

  • «Аҕа дойду иннигэр үтүөлэрин иһин» II истиэпэннээх уордьан (2014);
  • Арассыыйа Федерациятын Бэрэсидьиэнин махтала (2017);
  • Арассыыйа Федерациятын Ааҕар палаататын бэрэссэдээтэлин махтала;
  • «Парламентаризмы сайыннарыыга үтүөлэрин иһин» Госдума бэлиэтэ[13];
  • Арассыыйа ФНС-ын туйгуна;
  • Арассыыйа ФНС-ын бочуоттаах үлэһитэ[14][15].

Кылаас чинэ

  • Арассыыйа Федерациятын 2-с кылаастаах дьиҥнээх судаарыстыбаннай сүбэһитэ[14].

Быһаарыылар

  1. ↑ Путин назначил Григоренко главой аппарата правительства // РИА Новости. Сигэнии күнэ: 21 Тохсунньу 2020. Архивировано 22 Тохсунньу 2020 года.
  2. ↑ Правительство России переходит в статус и.о. до назначения нового состава (рус.). TACC. Сигэнии күнэ: 7 Ыам ыйын 2024.
  3. ↑ 1 2 Энциклопедия ТАСС, 2024. Григоренко, Дмитрий Юрьевич. Заместитель председателя правительства РФ — руководитель Аппарата правительства РФ
  4. ↑ Григоренко Дмитрий Юрьевич //SBO-Paper. Сигэнии күнэ: 29 Кулун тутар 2020. Архивировано 29 Кулун тутар 2020 года.
  5. ↑ Михаил Мишустин назначил вице-премьеров кураторами федеральных округов. Сигэнии күнэ: 19 От ыйын 2021. Архивировано 19 От ыйын 2021 года.
  6. ↑ Указ Президента РФ от 02.05.2017 N 194 «О присвоении классных чинов государственной гражданской службы Российской Федерации федеральным государственным гражданским служащим» // Кодификация РФ. Сигэнии күнэ: 29 Кулун тутар 2020. Архивировано 29 Кулун тутар 2020 года.
  7. ↑ О чем говорит новая конфигурация российского правительства. РБК (11 Ыам ыйын 2024). Сигэнии күнэ: 13 Ыам ыйын 2024.
  8. ↑ Госдума утвердила Григоренко на пост зампреда правительства. РИА Новости (13 Ыам ыйын 2024). Сигэнии күнэ: 13 Ыам ыйын 2024.
  9. ↑ Президент подписал указы о назначении членов Правительства Российской Федерации и директоров служб. kremlin.ru (14 Ыам ыйын 2024). Сигэнии күнэ: 14 Ыам ыйын 2024.
  10. ↑ Михаил Мишустин утвердил распределение обязанностей между вице-премьерами. government.ru (17 Ыам ыйын 2024). Сигэнии күнэ: 17 Ыам ыйын 2024.
  11. ↑ Григоренко Дмитрий Юрьевич. fedpress.ru. Сигэнии күнэ: 29 Балаҕан ыйын 2025.
  12. ↑ Григоренко Дмитрий Юрьевич — официальная декларация
  13. ↑ Володин наградил Григоренко знаком Думы за заслуги в развитии парламентаризма (рус.). ТАСС. Сигэнии күнэ: 29 Балаҕан ыйын 2025.
  14. ↑ 1 2 Дмитрий Григоренко: биография руководителя аппарата правительства России (рус.). mail.ru. Сигэнии күнэ: 29 Балаҕан ыйын 2025.
  15. ↑ Дмитрий Григоренко (рус.). 24smi.org. Сигэнии күнэ: 29 Балаҕан ыйын 2025.

Сигэлэр

Эбии бу тиэмэҕэ

Категориялар