Нуучча тылынанАнал бырайыактар
Тылы уларыт
УРУБИИКИ ТУҺУНАН

Файзуллин Ирек Энварович

Ирек Энварович Файзуллин (1962 сыл ахсынньы 8 күнэ, Казан) — Арассыыйа судаарыстыбаннай деятелэ, 2020 сыл сэтинньи 10 күнүттэн Арассыыйа Федерациятын тутуу уонна олох-дьаһах коммунальнай хаһаайыстыба миниистирэ (нууч.) (сах.[1].

Бу иннинэ 2020 сыл тохсунньу 22 күнүттэн сэтинньи 10 күнүгэр диэри РФ тутууга уонна олох-дьаһах коммунальнай хаһаайыстыба миниистирин бастакы солбуйааччытынан үлэлээбитэ[2][3][4]. Файзуллин түөрт сыл устата министиэристибэ салайар үлэтэ ситиһиилээхтик билиниллэн, 2024 сыл ыам ыйыгар Арассыыйа бырабыыталыстыбатын саҥа састааба тэриллибитигэр федеральнай миниистир дуоһунаһыгар хаттаан анаммыта.

Биография

Ирек Файзуллин 1985 сыллаахха Казанскай тутуу инженернэй институтун бүтэрэн, «промышленнай уонна гражданскай тутуу» идэтин ылбыта; экэниэмикэ билимнэрин хандьыдаата; доцент. Онтон 35-чэ сыл устата үлэтэ Татарстааҥҥа ааспыта.

1985—1989 сылларга Казан тутуу иснтитутугар металлоконструкциялар уонна бэрэбиэркэлэр инженера уонна старшай инженера. 1989 сылтан 1993 сылга диэри «Татстройпроект» бырайыактыыр-тутар тэрилтэ сүрүн инженеринэн уонна дириэктэринэн үлэлээбитэ. 1993—1995 сылларга — «Татстройпроект» АУо салайыы бэрэссэдээтэлэ. 1995 сылтан 1997 сылга диэри «Казстройдекор» САУо дириэктэрдэрин сэбиэтин бэрэссэдээтэлэ. 1997 сылтан 2002 сылга диэри «Татавтодор» ГПРСО салайааччытын бастакы солбуйааччыта.

2002 сылтан 2005 сылга диэри Файзуллин «Госначальник „Татинвестгражданпроект“ территориальнай бырайыактыыр-кэрдии билим-производственнай фирма» ГУП генеральнай дириэктэринэн үлэлээбитэ.

2005—2010 сылларга Татарстаан Өрөспүүбүлүкэтин тутууга, архитектураҕа уонна дьиэ-уот коммунальнай хаһаайыстыбатын миниистирин солбуйааччыта, Татарстаан Өрөспүүбүлүкэтин сүрүн архитектора, «Татинвестгражданпроект» ГУП генеральнай дириэктэрэ этэ.

2010—2020 сылларга Файзуллин Татарстаан Өрөспүүбүлүкэтин тутууга, архитектураҕа уонна дьиэ-уот коммунальнай хаһаайыстыбатын миниистиринэн, Татарстаан Өрөспүүбүлүкэтин сүрүн архитекторынан үлэлээбитэ.

2020 сыллаахха РФ тутууга уонна дьиэ-уот коммунальнай хаһаайыстыбатын миниистирин бастакы солбуйааччыта уонна РФ-ка эрэгийиэннэри сайыннарыыга бырабыыталыстыба хамыыһыйатын президиумун (штабын) бэрэссэдээтэлин солбуйааччыта этэ[2].

2020 сыл сэтинньи 10 күнүгэр Арассыыйа бэрэсидьиэнин ыйааҕынан Файзуллин РФ тутуу уонна дьиэ-уот коммунальнай хаһаайыстыбатын миниистиринэн анаммыта. 2024 сыл ыам ыйын 14 күнүгэр Госдума РФ тутууга уонна дьиэ-уот коммунальнай хаһаайыстыбатын миниистиринэн иккистээн бигэргэтиллибитэ[5], ол күн бэрэсидьиэн Путин анааһын туһунан ыйаахха илии баттаабыта[6][2].

2020 сылтан Файзуллин «Арассыыйа тимир суоллара» ААУо (нууч.) (сах. дириэктэрдэрин сэбиэтин чилиэнэ[2][7].

Арассыыйа мотоциклетнай федерациятын попечительскай сэбиэтин бэрэссэдээтэлин солбуйааччы[2].

Дьиэ кэргэн

Ирек Файзуллин кэргэннээх, уол уонна кыыс оҕолоох.

Наҕараадалар

  • «Дагестаан Өрөспүүбүлүкэтин социальнай-экэнэмиичэскэй сайдыытыгар кылаатын иһин» мэтээл (2024 балаҕан ыйын 13 күнэ) — Дагестаан Өрөспүүбүлүкэтин экэнэмиичэскэй кыаҕын сайыннарыыга улахан кылаатын уонна судаарыстыбаннай сулууспаҕа үтүөлэрин иһин[8]
  • Арассыыйа Федерациятын Бырабыытылыстыбатын бочуотунай грамотата (нууч.) (сах. (2024 алтынньы 2 күнэ) — 2023 сылга Санкт-Петербурга III Норуоттар ыккардыларынааҕы тутуу чөмпүйэнээтин бэлэмнэниигэ уонна ыытыыга улахан кылаатын иһин[9]

Быһаарыылар

  1. ↑ ТАСС. Файзуллин назначен врио главы Минстроя (9 Сэтинньи 2020). Архыыптаммыт 2020, Сэтинньи 9 күнүгэр. Сигэнии күнэ: 9 Сэтинньи 2020.
  2. ↑ 1 2 3 4 5 Энциклопедия ТАСС, 2024. Файзуллин, Ирек Энварович. Министр строительства и жилищно-коммунального хозяйства РФ
  3. ↑ РБК. Изменения в правительстве. Что известно про новых кандидатов в министры (9 Сэтинньи 2020). Архыыптаммыт 2020, Сэтинньи 10 күнүгэр. Сигэнии күнэ: 9 Сэтинньи 2020.
  4. ↑ Комсомольская правда. Экс-министр Татарстана Ирек Файзуллин выдвинут на пост главы Минстроя РФ (9 Сэтинньи 2020). Архыыптаммыт 2020, Сэтинньи 9 күнүгэр. Сигэнии күнэ: 9 Сэтинньи 2020.
  5. ↑ Госдума утвердила Файзуллина на пост министра строительства и ЖКХ. РИА "Новости" (14 Ыам ыйын 2024). Сигэнии күнэ: 14 Ыам ыйын 2024.
  6. ↑ Президент подписал указы о назначении членов Правительства Российской Федерации и директоров служб. kremlin.ru (14 Ыам ыйын 2024). Сигэнии күнэ: 14 Ыам ыйын 2024.
  7. ↑ Совет директоров ОАО «РЖД»
  8. ↑ Указ Главы Республики Дагестан от 13 сентября 2024 года № 115 «О награждении медалью «За вклад в социально-экономическое развитие Республики Дагестан» Файзуллина И.Э.» Сигэнии күнэ: 21 Балаҕан ыйын 2024. Архивировано 21 Балаҕан ыйын 2024 года.
  9. ↑ Распоряжение Правительства Российской Федерации от 02.10.2024 г. № 2733-р «О поощрении Правительством Российской Федерации»

Сигэлэр

Эбии бу тиэмэҕэ

Категориялар