Нуучча тылынанАнал бырайыактар
Тылы уларыт
УРУБИИКИ ТУҺУНАН

Лут Оксана Николаевна

Оксана Николаевна Лут (төр. 1979 олунньу 25 күнэ, Москва) — Арассыыйа судаарыстыбаннай диэйэтэлэ. 2024 сыл ыам ыйын 14 күнүттэн Арассыыйа Федерациятын тыа хаһаайыстыбатын миниистирэ[1].

2018 сыл от ыйыттан 2021 сыл ахсынньытыгар диэри тыа хаһаайыстыбатын миниистирин солбуйааччынан, оттон 2021 сыл ахсынньы 30 күнүттэн тыа хаһаайыстыбатын миниистирин бастакы солбуйааччынан үлэлээбитэ[2].

III кылаастаах Арассыыйа Федерациятын дьиҥнээх судаарыстыбаннай сүбэһитэ (2023)[3].

Биография

Оксана Лут 1979 сыл олунньу 25 күнүгэр Москваҕа төрөөбүтэ[2].

Лут 2001 сыллаахха Арассыыйа Федерациятын бырабыыталыстыбатын иһинэн үлэлиир Үп академиятын «үп-харчы уонна кредит» идэтинэн бүтэрбитэ[4].

1999 сыл муус устарыттан 2000 сыл атырдьах ыйын диэри баан тэрилтэлэригэр араас дуоһунастарга үлэлээбитэ[2].

2000 сыл балаҕан ыйын 2003 сыл муус устар диэри баан үлэлиир уорганнарын Ситэриилээх секретариатын кредит уонна кэскиллээх бородууксуйа салаатын экономиһа, «Альфа-Банк» ОАО эрэгийиэннээҕи бизнес-кредиттааһын салайыытын дочернэй бааннар кредит дьыалаларын сайыннарар салаатын сүрүн экэнэмииһэ.

2003 сыл муус устарыттан 2010 сыл тохсунньу ыйыгар диэри Лут — сүрүн экэнэмиис уонна салаалар икки ардыларынааҕы корпоративнай бизнес сайдыытын салайыы менеджера этэ[3].

2010 сыл тохсунньуттан алтынньыга диэри Инвестиционнай бырагарааммалар салайыыларын тойоно; «Ростехнологии» Судаарыстыбыннай корпорация Инвестиционнай бырайыактар департаменнарын профиля суох активтар сулууспаларын салайааччыта.

2018 сыл от ыйын 13 күнүттэн 2021 сыл тохсунньутугар диэри РФ тыа хаһаайыстыба миниистирин солбуйааччыта[4].

Лут 2021 сыл ахсынньы 30 күнүттэн РФ тыа хаһаайыстыба миниистирин бастакы солбуйааччыта[2]. Бу дуоһунаска Джамбулат Хатуовы солбуйбута[5].

Арассыыйа бырабыыталыстыбатын бэрэссэдээтэлэ Михаил Мишустин 2024 сыл бэс ыйын 11 күнүгэр Луту РФ тыа хаһаайыстыба миниистирин дуоһунаһыгар туруорбута[6]. Ыам ыйын 14 күнүгэр Госдума кини кандидатуратын бигэргэппитэ[7], ол күн РФ президенэ анааһын туһунан ыйаахха илии баттаабыта[8].

Тус олоҕо

Оксана Лут кэргэннээх. Кэргэнэ — Андрей Лебедев, юрист. Ыал үс оҕолоохтор[9].

Санаалар

РФ бырабыыталыстыбатын бэрэссэдээтэлин пресс-сэкирэтээрэ Борис Беляков этэринэн, Лут «министиэристибэ салайааччытын эппиэттээх дуоһунаһыгар үлэлииргэ наадалаах билиилээх уонна сатабыллаах»[6].

Госдума бэрэссэдээтэлэ Вячеслав Володин Лут тыа хаһаайыстыба миниистирин бастакы солбуйааччытынан ситиһиилэрин бэлиэтээтэ уонна миниистир дуоһунаһыгар туруоруута сөптөөх хардыы диэн санаатын эппитэ[10].

Судаарыстыбыннай уонна ведомственнай наҕараадалар

  • Аҕа дойду иннигэр үтүөлэрин иһин уордьан II истиэпэннээх мэтээлэ (2021 сыл алтынньы 25 күнэ) — үлэҕэ ситиһиилэрин уонна өр сыллаах үтүө суобастаахтык үлэлээбитин иһин[11].
  • Арассыыйа Федерациятын Бэрэсидьиэнин Бочуотунай грамотата (2015 сыл алтынньы 26 күнэ) — Арассыыйа Федерациятын үп-харчы уонна баан үлэтин сайыннарыыга өҥөлөрүн иһин[2].

Быһаарыылар

  1. ↑ Постановление Государственной Думы Федерального Собрания Российской Федерации от 14.05.2024 № 6077-8 ГД "Об утверждении Лут Оксаны Николаевны Министром сельского хозяйства Российской Федерации". Официальное опубликование правовых актов (14 Ыам ыйын 2024). Сигэнии күнэ: 14 Ыам ыйын 2024.
  2. ↑ 1 2 3 4 5 Лут Оксана Николаевна (рус.). Министерство сельского хозяйства Российской Федерации (20 Тохсунньу 2017). Сигэнии күнэ: 14 Ыам ыйын 2024.
  3. ↑ 1 2 Что известно об Оксане Лут. ТАСС (14 Ыам ыйын 2024). Сигэнии күнэ: 14 Ыам ыйын 2024.
  4. ↑ 1 2 Оксана Лут: биография (рус.). Росконгресс. Сигэнии күнэ: 14 Ыам ыйын 2024.
  5. ↑ Оксану Лут назначили первым замминистра сельского хозяйства (рус.). РИА Новости (24 Ахсынньы 2021). Сигэнии күнэ: 14 Ыам ыйын 2024.
  6. ↑ 1 2 Мишустин предложил замглавы Минсельхоза Оксану Лут на пост руководителя ведомства (рус.). TACC (11 Ыам ыйын 2024). Сигэнии күнэ: 14 Ыам ыйын 2024.
  7. ↑ Госдума утвердила Оксану Лут на должность главы Минсельхоза. РИА Новости (14 Ыам ыйын 2024). Сигэнии күнэ: 14 Ыам ыйын 2024.
  8. ↑ Президент подписал указы о назначении членов Правительства Российской Федерации и директоров служб. kremlin.ru (14 Ыам ыйын 2024). Сигэнии күнэ: 14 Ыам ыйын 2024.
  9. ↑ Оксана Лут. 24СМИ. Сигэнии күнэ: 14 Ыам ыйын 2024.
  10. ↑ Володин назвал логичным предложение Лут на должность главы Минсельхоза. РИА Новости (12 Ыам ыйын 2024). Сигэнии күнэ: 14 Ыам ыйын 2024.
  11. ↑ Указ Президента Российской Федерации от 25.10.2021 г. № 596 О награждении государственными наградами Российской Федерации. kremlin.ru (25 Алтынньы 2021). Сигэнии күнэ: 14 Ыам ыйын 2024.

Категориялар