Мурашко Михаил Альбертович

Михаил Мурашко 1967 сыл тохсунньу 9 күнүгэр Свердловскайга төрөөбүүтэ. Куорат оскуолатын 1984 сыллаахха физика, математика уонна химия үрдүктүк үөрэтэр куорат оскуолатын бүтэрбитэ^[3]. Урал судаарыстыбаннай мэдэссиинэ институтугар (УСМИ) үөрэнэ киирбитэ, ол эрээри иккис куурус кэнниттэн Сэбилэниилэх күүстэргэ ыҥырыллыбыта (оччолорго байыаннай салаата суох университеттарга үөрэнэр устудьуоннар отсрочкалаах буолбатах этилэр) уонна 1986 сылтан 1988 сылга диэри ССРС МВД Иһинээҕи войскаларыгар сулууспалаабыта^[4][5]. Аармыйаттан саппааска тахсан баран, институтугар төннүбүтэ.

Мурашко 1992 сыллаахха Урал судаарыстыбаннай мэдэссиинэ институтун бүтэрбитэ, ол кэнниттэн 1996 сылга диэри Сыктывкар куоракка Коми Өрөспүүбүлүкэтээҕи балыыһатыгар практиканынан уонна акушер-гинекологунан үлэлээбитэ. 1996 сыллаахха кылаабынай бырааһы консультативнай-диагностическай үлэҕэ солбуйааччынан, онтон Коми өрөспүүбүлүкэтээҕи перинатальнай киинин кылаабынай бырааһынан анаммыта. Кини «Сорох көрүҥнээх урогенитальнай инфекциялаах дьахталларга оҕолонуу хаамыытын уонна түмүктэрин характеристиката» диэн тиэмэҕэ хандьыдаат диссертациятын көмүскээбитэ. Өрөспүүбүлүкэтээҕи мэдэссиинэ ассоциация кылаабынай бырааһын дуоһунаһыгар 1996 сылтан 1999 сылга диэри үлэлээбитэ. 2000 сылтан 2006 сылга диэри Өрөспүүбүлүкэтээҕи перинатальнай киин кылаабынай бырааһынан үлэлээбитэ^[2].

2005 сыллаахха Москватааҕы акушерство уонна гинекология регионнааҕы билим-чинчийэр институтугар «Нэһилиэнньэ ахсаана аҕыйах эрэгийиэҥҥэ акушерскай көмөнү оҥоруу аныгы өрүттэрэ» диэн докторскай диссертациятын көмүскээбитэ^[2].

2006 сыллаахха Мурашко судаарыстыбаннай сулууспаҕа көспүтэ, Коми Өрөспүүбүлүкэтин доруобуйа харыстабылын миниистирин дуоһунаһыгар киирбитэ. Ону кытта тэҥҥэ 2011 уонна 2012 сылларга Сыктывкарга баар Арассыыйа Доруобуйа харыстабылын уонна социальнай сайдыы министиэристибэтин Кировтааҕы судаарыстыбаннай медицинскэй академиятын өрөспүүбүлүкэтээҕи салаатын акушерствоҕа уонна гинекологияҕа кафедратын салайбыта^[2].

2011 сыллаахха Мурашко 2009 сыллаахха Комига мэдэссиинэ тэрилтэлэргэ үрдээбит сыанаҕа КТ-томографтары атыылаһыыга сыһыаннаах холуобунай дьыалаҕа туоһу этэ^[6][7].

2012 сыллаахха Мурашко Доруобуйа харыстабылыгар кэтээн көрүүгэ федеральнай сулууспа салайааччытын солбуйааччы дуоһунаһыгар анаммыта. 2013 сылтан биэдэмистибэ салайааччытын эбээһинэһин быстах кэмҥэ толорооччу этэ, онтон 2015 сыл от ыйын 14 күнүгэр Росздравнадзоры официальнайдык салайбыта.

2020 сыл тохсунньу 21 күнүгэр Арассыыйа бэрэсидьиэнэ Владимир Путин уурааҕынан Мурашко Михаил Мишустин бырабыыталыстыбатыгар Арассыыйа Федерациятын доруобуйа харыстабылын миниистиринэн анаммыта.

Мурашконы 2024 сыл ыам ыйын 14 күнүгэр Госдума Михаил Мишустин бырабыыталыстыбатыгар Арассыыйа Федерациятын доруобуйа харыстабылын миниистирин дуоһунаһыгар хаттаан бигэргэппитэ^[8]. Ол күн РФ бэрэсидьиэнэ анааһын туһунан ыйаахха илии баттаабыта^[9].

Мэдэссиинэ билимнэрин дуоктара. И. М. Сеченов аатынан Москубатааҕы бастакы судаарыстыбаннай мэдэссиинэ универститетын профессора^[2].

«Национальное здравоохранение» диэн саҥа рецензияланар мэдэссиинэ сурунаалын кылаабынай эрэдээктэрэ^[10].

Михаил Мурашко кэргэннээх, икки оҕолоох^[11].

• «Аҕа дойду иннигэр үтүөлэрин иһин»^[ru] уордьан II-с истиэпэннээх мэтээлэ (2018);
• Үтүөлэр уордьанын^[ru] сулустаах командора (2021, Венгрия)^[12];
• Арассыыйа Федерациятын Бырабыытылыстыбатын махтала (2018);
• «Отличник Доробуойа харыстабылын туйгуна» түөс бэлиэ (2014);
• Арассыыйа Федерациятын Доруобуйа харыстабылын мининстиристибэтин 2 бочуотунай грамота (2001, 2006);
• «Наркоконтроль уорганнарыгар көмөтүн иһин» мэтээл (2016);
• «Бойобуой бииргэ сомоҕолоһуу иһин» мэтээл^[ru] (2016);
• «Аҕа дойду доруобуйа харыстабылын иннигэр үтүөлэрин иһин» мэтээл (2016);
• «Чэчиэн Өрөспүүбүлүкэтин иннигэр үтүөлэрин иһин» мэтээл (2017);
• «45 лет 3 отдел управления Арассыыйа ФСБ СЭБ „П“ 3 салайыы салаата 45 сыл» үбүлүөй мэтээлэ (2018);
• «2014 сылга Сочи куоракка XXII Олимпийскай кыһыҥҥы оонньуулар уонна XI Паралимпийскай кыһыҥҥы оонньуулар» памятнай мэтээл^[ru] (2014);
• «Норуоттар ыккардыларынааҕы полицейскай бииргэ үлэлээһин 100 сыла» Арассыыйа МВД-ын памятнай үбүлүөй мэтээлэ (2015);
• «Холуобунай-ситэриилээх систиэмэ мэдэссиинэ сулууспата» памятнай бэлиэ (2019);
• Арассыыйа Массыына оҥорооччулар сойуустарын грамотата (2019);
• Арассыыйа Федерациятын Доруобуйа харыстабылын министиэристэбитин махтала;
• Арассыыйа ФСБ-ын махтала (2019);
• Ингушетия Өрөспүүбүлүкэтин бочуотунай грамотата (2016);
• Коми Өрөспүүбүлүкэтин бочуотунай грамотата (2004).