Любимова Ольга Борисовна

Ольга Любимова 1980 сыл ахсынньы 31 күнүгэр Москваҕа төрөөбүтэ. 1234 №-дээх ааҥыл тылы дириҥник үөрэтэр Москватааҕы уопсай үөрэх оскуоланы бүтэрбитэ^[3]; 5-с кылаастан 7-с кылааска диэри Преподобнай Нестор Летописец аатынан устуоруйа-филологическай православнай гимназияҕа үөрэммитэ^[4].

МГУ суруналыыстыка факультетыгар үөрэнэр кэмигэр РЕН ТВ уонна ТВ Центр телеханаалларга уонна «Наше радио», «Радио Рокс» араадьыйа станцияларыгар стажировканы ааспыта^[3].

2000 сылга «Европа Плюс» араадьыйа станцияҕа корреспондент^[3].

Любимова 2001 сылтан тэлэбиидэнньэҕэ үлэлиир. Бастаан ТВЦ ханаалга тахсар РПЦ информационнай агенствотын оҥорон таһаарар «Ортодокс» биэриитигэр корреспондена этэ.

2001 сылтан 2009 сылга диэри Любимова (тохтобуллаах) «Үһүс ханаалга» үлэлээбитэ. Бастаан (2003 сылга диэри) «Итоги недели с Глебом Пьяных», «Главная тема», «Цена вопроса», «Дольче Вита», «Выводы с Петром Толстым» биэриилэргэ корреспондена этэ^[4]. Онтон «Регион» (2003—2004) уонна «Русский взгляд» (2003—2004, 2006—2009) биэриилэргэ шеф-эрэдээктэрэ этэ.

Любимова 2005 сыл от ыйыттан 2009 сыл от ыйыгар диэри «Столица» телеханаалга «Горожанка» ток-шоуну, «Москва-2009», «Город и люди» биэриилэри ыытара.

Любимова 2010 сыл ахсынньыттан 2011 сылга диэри «Культура» ханаалга «Контекст» диэн түмүктүүр информационнай-аналитическай биэрии салайааччыта^[5].

2011—2012 сылларга — ООО «Телеканал ТВ-3» документальнай киинэ программнай департаменын үрдүкү продюсера^[6].

Ону кытта Любимова Нуучча православнай таҥара дьиэтин информационнай агентствотыгар үлэтин салҕаабыта, онно араас кэмҥэ «Православнай халандаар» (РТР), «Русский взгляд» («Үһүс ханаалы» кытта бииргэ) биэриилэр кылаабынай эрэдээктэрэ этэ, «Спас» ханаалга биэриилэри («И Татьянин день», «Фома», «Семинаристы») оҥорууга кыттыбыта, Христос Быыһааччы соборун уонна Иерусалимтан Ытык Уот түһүүтүн биэриилэрэ^[4].

«Россия-1», «Культура», «Бастакы ханаал» ханаалларыгар оҥоһуллубут, 80-тан тахса документальнай киинэлэри оҥорууга кыттыбыта. «Путь патриарха» (2009), «Чужая земля» (2013), «Война и мифы» (2014), «Никита Михалков» (2015, хос сценарист) уонна да атыттар документальнай киинэлэр сценаристтара^[7].

Любимова «Русский взгляд», «Политический журнал», «Афиша»^[8][9], «Esquire»^[3] сурунаалларга тахсыбыта.

Любимова 2015 сыл сэтинньитигэр Култуура министиэристибэтин кинематография салаатын салайааччытын сүбэһитэ буолбута (уус-уран буолбатах уонна анимационнай киинэлэри судаарыстыбанан өйүүр салааҕа)^[10]. Урут оннук дуоһунас суох этэ^[11].

2016 сыл алтынньытыттан 2018 сыл тохсунньутугар диэри «Бастакы ханаал» АО социальнай-публицистическэй бырагыраамалар дириэксийэлэрин дириэктэрин солбуйааччы^[12].

2018 сыл тохсунньу 17 күнүттэн 2020 сыл тохсунньу 21 күнүгэр диэри Арассыыйа Федерациятын култуура министиэристибэтин кинематографияҕа салаатын салайааччыта^[13].

Любимова Арассыыйа кинематографиятын социальнай-экэнэмиичэскэй өйөбүлүн федеральнай пуондатын попечительскай сэбиэтин бэрэссэдээтэлин солбуйааччыта уонна Соловецкай архипелагы харыстыыр уонна сайыннарар пуонда попечительскай сэбиэтин чилиэнэ. «Ленфильм» АО дириэктэрдэр сэбиэттэрин чилиэнэ этэ^[1].

РФ Бэрисидьиэнин махтала баар (2019)^[1].

• Эһэтэ — Николай Михайлович Любимов (1912—1992), сэбиэскэй тылбаасчыт, мемуардар ааптара.
• Аҕата — Борис Николаевич Любимов (т. 1947), сэбиэскэй уонна Арассыыйа театроведа уонна педагога, тыйаатыр кириитикэ, искусствоведение хандьыдаата, РСФСР ускуустубаларын үтүөлээх деятелэ, профессор, М. С. Щепкин аатынан Үрдүкү тыйаатыр училещитын ректора, Арассыыйа Судаарыстыбыннай академическай Кыра тыйаатыр художественнай салайааччы собуйааччыта, ГИТИС Арассыыйа тыйаатырын устуоруйа кафедратын сэбиэдэссэйэ^[17].
• Ийэтэ — Мария Вадимовна Шверубович (1949—2018)^[18], артыыс уонна театровед.
• Таайа — Алексей Бартошевич (төр. 1939), шекспировед, театровед.

• Ольга аҕатын өбүгэлэригэр киирэллэр: Вологда губернатора Михаил Николаевич Кормилицын (хос эһэтэ) уонна Рязань губернатора Николай Аркадьевич Болдарев (хос эһэтэ), ону тэҥэ бастакы граф Гендриков, Императрица Екатерина эдьиийигэр кэргэн тахсыбыта. Ийэтин өттүттэн тыйаатыр деятелэ Вадим Васильевич Шверубович сиэнэ уонна артыыстар Василий Иванович Качалов уонна Нина Николаевна Литовцева хос сиэннэрэ буолар.

• 2006 сылтан кэргэннээх, кэргэнэ — Евгений Александрович Баранов (1970 сыллаахха тохсунньу 28 күнүгэр төрөөбүтэ), «Бастакы ханаал» суруналыыһа уонна комментатора. Москватааҕы 324 №-дээх оскуоланы бүтэрбитэ. Үрдүк үөрэҕи Арассыыйа гуманитарнай наукаларын судаарыстыбаннай үнүбэрсиэтигэр (РГГУ) устуоруйа уонна архыып наукатыгар идэтийбитэ (1987—1993)^[19]. 2013 сыл кулун тутар ыйын 17 күнүгэр Баранов Улуу пост туһунан дакылаата тахсыбыта, ол иһигэр кэргэнин комментарийа^[20].
• оҕолоро — Никита уола уонна Варвара кыыһа^[7].

2022 сыл ахсынньы 16 күнүгэр, Украинаҕа байыаннай дьайыылар кэмнэригэр, Любимова Евросойуус санкцияларын испииһэгэр, оттон 2023 сыл олунньу 24 күнүгэр АХШ санкцияларын испииһэгэр киирбитэ^[21]. Ону тэҥэ Великобритания, Швейцария, Австралия уонна Саҥа Зеландия санкцияларын испииһэктэригэр баар.

Сценарий ааптара:

• «Путь Патриарха» (2009)
• «Великая Пасха» (2011)
• «Столыпин. Выстрел в Россию. XX век» (2012)
• «Изборск. Путешествие во времени» (2012)
• «Чужая земля» (2013)
• «Ангелы с моря» (2013)^[22]
• «Своя земля» (2014)^[23]
• «Преподобный Сергий Радонежский» (2014)
• «Война и мифы» (2014)
• «Флаг. Символ преемственности» (2014)^[24]
• «Никита Михалков» (2015) — хос ааптар

• 2022 сыллаахха Нуучча православнай таҥара дьиэтигэр көмөлөспүтүн иһин Сибитиэй благовернай улуу кинээс Александр Невскай 2-с истиэпэннээх уордьанынан наҕараадаламмыта^[25].
• Соҕуруу Осетия Доҕордоһуу уордьана^[26].
• Преподобнай Евфросиния, Москуба улуу княгинятын II истиэпэннээх уордьана (2024 сыл алтынньы 26 күнэ, Нуучча Православнай Таҥара Дьиэтэ) — Новодевичьевай ставропигиальнай дьахталлар манастыырдарын саҥардыыга көмөтүн уонна үлэтин иһин болҕомтоҕо ылыныы^[27];
• Арассыыйа Федерациятын Бырабыыталыстыбатын бочуоттаах грамотата (2024 сыл сэтинньи 19 күнэ) — X Санкт-Петербургтааҕы норуоттар ыккардыларынааҕы холбоһуктаах култууралар пуорумун бэлэмнээһиҥҥэ уонна ыытыыга улахан кылаатын иһин^[28].