Патрушев Дмитрий Николаевич
Дмитрий Николаевич Патрушев (төр. 1977 сыл алтынньы 13 күнэ, Ленинград) — Арассыыйа судаарыстыбыннай деятелэ. 2024 сыл ыам ыйын 13 күнүттэн Арассыыйа Федерациятын бырабыыталыстыбатын бэрэссэдээтэлин солбуйааччыта[1].
Урут Арассыыйа Федерациятын тыа хаһаайыстыбатын миниистирэ этэ (2018—2024)[2][3], «Россельхозбаан» салайыытын бэрэссэдээтэлэ (2010—2018).
Биография
Төрүтэ
Дмитрий Патрушев 1977 сыл алтынньы 13 күнүгэр Ленинградка төрөөбүтэ[1].
1999 сыллаахха Судаарыстыбыннай салайыы университетын «Менеджмент» идэтинэн бүтэрбитэ[1][4].
2002—2004 сылларга Арассыыйа МИД-ын Дипломатическай академиятыгар «Аан дойду экэниэмикэтэ» идэтинэн үөрэммитэ.
2006 сыллаахха ФСБ Академиятын бүтэрбитэ.
Билим үлэтэ
2003 сыл муус устар ыйын 16 күнүгэр Санкт-Петербургтааҕы экэниэмикэ уонна үп судаарыстыбаннай үнүбэрсиэтигэр Патрушев «Чинчийэр тэрилтэлэр хаачыстыбаларын салайыыга процесснай ньыманы сайыннарыыга тэрээһин уонна экономическай төрүттэр» диэн тиэмэҕэ экономическай наука кандидатын истиэпэнин диссертациятын көмүскээбитэ[5] (билим салайааччыта Г. Н. Иванова; официальнай утарсааччылар Б. В. Прянков уонна П. М. Шавкунов)[6].
2008 сыл от ыйын 3 күнүгэр Патрушев Санкт-Петербургтааҕы судаарыстыбаннай экэниэмикэ уонна үп университетыгар «Промышленность бэлиитикэтин оҥорууга уонна олоххо киллэриигэ судаарыстыбаннай уонна ырыынак регулятордара: ТЭК айылҕалыын монополияларын матырыйаалларыгар олоҕуран» диэн тиэмэҕэ экэниэмикэ билимнэрин дуоктара учуонай истиэпэнин ыларга диссэртээссийэтин көмүскээбитэ[5] (билим консультана В. В. Корелин; официальнай оппоненнара В. В. Глухов, А. В. Круглов, С. А. Уваров)[7].
Карьера
Патрушев 1999 сылтан 2002 сылга диэри РФ Транспорт министиэристибэтигэр үлэлээбитэ[1][4].
2004 сыллаахха ВТБ Бааҥҥа үлэлии киирбитэ[1][4].
2007 сылтан Патрушев ВТБ Баан старшай вице-президенин дуоһунаһыгар үлэлиир.
2010—2018 сылларга «Россельхозбаан» ОАО Салайар Сэбиэт бэрэссэдээтэлэ, кэтээн көрөр сэбиэтин чилиэнэ[8]. Патрушев саҕана баан биирдиилээн дьоҥҥо да, урбаанньыттарга да бородууксуйа уонна өҥө элбээбитэ. Саҥа хайысхалар үөскээбиттэрэ: страховка уонна инвестиция. Агропромышленнай комплекска өйөбүл кээмэйэ эмиэ улаатта. 2010 сылтан 2017 сылга диэри РСХБ кирэдьиит портфела түөрт төгүлтэн ордук улааппыт. 2017 сылга 2,97 триллион солкуобай буолбута[9].
2016 сылтан 2021 сылга диэри — ПАО «Газпром» дириэктэрдэр сэбиэттэрин чилиэнэ[10].
Тыа хаһаайыстыба миниистирэ
2018 сыл ыам ыйын 18 күнүгэр Патрушев Арассыыйа Федерациятын тыатын хаһаайыстыбатын миниистиринэн анаммыта[11], 2020 сыл тохсунньу 21 күнүгэр пуоска хат анаммыта.
Вице-премьер
2024 сыл ыам ыйын 11 күнүгэр Михаил Мишустин Патрушевы бырабыыталыстыба бэрэссэдээтэлин солбуйааччы дуоһунаһыгар туруорсан, Госдума көрүүтүгэр саҥа бырабыыталыстыбаны киллэрбитэ[12]. Ыам ыйын 13 күнүгэр Госдума кинини бу дуоһунаска бигэргэппитэ[13]. Ыам ыйын 14 күнүгэр РФ бэрисидьиэнэ анааһын туһунан ыйаахха илии баттаабыта[14].
Саҥа дуоһунуска Патрушев манныкка эппиэттиир:
- тыа хаһаайыстыбатын, агропромышленнай комплексын, ол иһигэр винограды үүннэриини уонна арыгы оҥорууну (виноделиены), тыа хаһаайыстыбатыгар аналлаах сирдэр чаастарыгар сир сыһыаннаһыыларын, тыа сирин сайыннарыыны, балык хаһаайыстыбатын уонна балыгы иитиини, ойуур хаһаайыстыбатын уонна ойуур промышленнай комплексын;
- «Экология» национальнай бырайыагы олоххо киллэриини куратордыыр.
Хас даҕаны министиэристибэлэр, федеральнай сулууспалар уонна агенстволар үлэлэрин координируйдуур[15].
2025 сыл ыам ыйын 15 күнүгэр РФ Бэрэсидьиэнин ыйааҕынан Арассыыйа Наукаларын Академиятын Попечительскэй сэбиэтигэр киллэриллибитэ[16].
Дьиэ кэргэнэ
Кэргэнэ суох. Алта оҕолоох: үс уол, үс кыыс[21][22][23].
Аҕата — Николай Платонович Патрушев — Арассыыйа судаарыстыбыннай деятелэ, Арассыыйа ФСБ-тын дириэктэрэ (1999—2008), 2008 сыл ыам ыйын 12 күнүттэн Арассыыйа Федерациятын Куттал суох буолуутун Сэбиэтин сэкирэтээрэ[1].
Ийэтэ — Елена Николаевна Патрушева (төр. 1955) — ултьтра звуковой диагностика бырааһынан үлэлээбитэ, Внешэкономбаан үлэһитэ этэ. Кини 1993 сыллаахха Борис Грызлову уонна кэргэнин атын бииргэ үөрэммиттэрин уонна бииргэ сулууспалаабыт дьонун кытта металлолому тас дойдуга таһаарыыга идэлээх ТОО «Борг» тэрийээччитэ буолбута[5].
Быраата — Андрей Патрушев — «Газпром нефть» шельфовай бырайыактары сайыннарыыга генеральнай дириэктэрин урукку солбуйааччыта уонна «Газпром нефть шельф» урукку генеральнай дириэктэрэ[24]. «Арктические инициативы» киинин генеральнай дириэктэрэ[25][26].
Наҕараадалар
- Бочуот уордьана (2016 сыл алтынньы 26 күнэ) — агропромышленнай комплекска кирэдьиит биэриитин тэрийиигэ сүҥкэн кылааты киллэрбитин иһин[27].
- «Чэчиэн Өрөспүүбүлүкэтигэр үтүөлэрин иһин» мэтээл (2017 сыл ахсынньы 26 күнэ)[28].
- Чэчиэн Өрөспүүбүлүкэ тыа хаһаайыстыбатын үтүөлээх үлэһитэ (2022 сыл муус устар ыйын 15 күнэ)[29].
- РФ Тыа хаһаайыстыбатын министиэристибэтин бочуотунай грамотата — агропромышленнай комплекска өр сылларга үтүө суобастаахтык үлэлээбитин иһин[30][31].
- Арассыыйа бааннарын ассоциациятын диплома — баан систиэмэтин сайыннарыыга кылаатын иһин[30][32].
- «Сыл банкиира» салаа бириэмийэтэ (2015)[33][34].
Быһаарыылар
Сигэлэр
- Патрушев, Дмитрий Николаевич, ТАСС. Сигэнии күнэ: 25 Балаҕан ыйын 2025.
- Дмитрий Николаевич Патрушев - Правительство России (рус.). government.ru. Сигэнии күнэ: 25 Балаҕан ыйын 2025.
Эбии бу тиэмэҕэ
 |
|---|
Арассыыйа Федерациятын үлэлиир Бырабыытылыстыбата | |
|---|---|
| Бэрэссэдээтэл | |
| Бастакы солбуйааччы | |
| Солбуйааччылар |
|
| Миниистирдэр |
|