Нуучча тылынанАнал бырайыактар
Тылы уларыт
УРУБИИКИ ТУҺУНАН

Цивилёв Сергей Евгеньевич

Сергей Евгеньевич Цивилёв (төр. 1961 балаҕан ыйын 21 күнэ,Жданов, Сталинскай уобалас, Украина ССР, ССРС) — Арассыыйа судаарыстыбаннай деятелэ, 2024 сыл ыам ыйын 14 күнүттэн РФ энергетика миниистирэ[1].

Уруккута — Кемеровскай уобалас губернатора 2018 сыл балаҕан ыйын 17 күнүттэн (2018 сыл муус устар 1 күнүттэн балаҕан ыйын 17 күнүгэр диэри Кемеровскай уобаласка губернатор эбээһинэһин толорооччу)[2]. «Биир ньыгыл Арассыыйа» политическай баартыйа Үрдүкү сэбиэтин Бюротун чилиэнэ[3].

Биография

1961 сыл балаҕан ыйын 21 күнүгэр Сергей Цивилев Сталинскай уобалас Жданов куоратыгар төрөөбүтэ. Сергей төрөөбүтүн кэннэ сотору кэминэн Цивилевтар дьиэ кэргэттэрэ Архангельскай уобаласка Котлас куоракка олорор буолбуттара 10 сылынан, 1971 сыллаахха, Харьков уобалас Чугуев куоратыгар көспүттэрэ. Аҕата, Евгений Семенович, миэбэл оҥорор фабрикаҕа производственнай салайааччыны солбуйааччы этэ. Ийэтэ, Дина Васильевна, ол куоракка маҕаһыын сэбиэдэссэйинэн үлэлээбитэ[4].

Үөрэҕэ

1983 сыллаахха Цивилев Севастопольга П. С. Нахимов аатынан Хара байҕал үрдүкү байыаннай-морской училищетын бүтэрэн, «Вооружение кораблей» идэлээх, квалификацията — үрдүк байыаннай анал үөрэхтээх офицер, инженер-механик. ЧВВМУ-ну бүтэрэн баран, Хотугу флотка сулууспалаабыта.

1999 сыллаахха Санкт-Петербурдааҕы экэниэмикэ уонна финанстар судаарыстыбаннай университетын «Финанстар уонна кирэдьиит» идэтинэн бүтэрэн, экэнэмиис квалификациятын ылбыта.

Үлэтэ

Цивилев 1994 сылга диэри ССРС уонна Арассыыйа Федерациятын сэбилэниилээх күүстэригэр Хотугу флотка сулууспалаабыта, үһүс рангалаах хапытаан байыаннай сыбаанньатын ылбыта.

1995—1996 сылларга «Аэрофлот» баан Санкт-Петербурдааҕы филиалыгар охрана сулууспатын салайааччыта этэ.

1997 сылтан 2012 сылга диэри Санкт-Петербург куоракка «Нортэк» юридическай хампаанньаны салайбыта.

2012—2013 сылларга «Колмар» ООО дириэктэрдэрин сэбиэтин бэрэссэдээтэлин солбуйааччыта. 2018 сыл кулун тутар 2 күнүгэр диэри Сергей уонна Анна Цивилевтар Швейцария «Kolmar Sales and Logistics» хампаанньатын салайбыттара[5].

Кини 2014 сылтан «Колмар» хампаанньа генеральнай дириэктэрэ уонна 70 % аахсыйатын хаһаайына (хаалбыт 30 % «Волга Групп» нөҥүө урбаанньыт Геннадий Тимченкоҕа баар[6]). ООО «Колмар» диэн Саха Өрөспүүбүлүкэтин Нүөрүҥгүрү улууhун сир баайдарыгар хостонор үрдүк хаачыстыбалаах чоҕу хостооһун, байытыы уонна тиэйии биир эргиирин үөскэтэр чоҕу хостуур тэрилтэлэр, атыы-эргиэн уонна логистическай тэрилтэлэр комплекстара буолар.

2024 сыл ыам ыйын 14 күнүгэр РФ Судаарыстыбаннай Дуумата Сергей Цивилевы Арассыыйа энергетикатын миниистирин дуоһунаһыгар бигэргэппитэ[7], ол күн РФ Бэрэсидьиэнэ анааһын туһунан ыйаахха илии баттаата[8].

Кемеро уобалаһын губернатора

undefined

Губернатор Аман Тулеев 2018 сыл муус устар 1 күнүгэр дуоһунаһыттан уурайбытын кэннэ, Цивилевы Арассыыйа бэрэсидьиэнэ Кемеровскай уобаласка губернатор эбээһинэһин толорооччунан анаабыта[9][10].

2023 сыл балаҕан ыйын 10 күнүгэр, куоластааһын түмүгүнэн, Цивилев 85,24 % куолаһы ылан, губернатор дуоһунаһын хаалларбыта[11].

Дьиэ кэргэн

Быраата — Валерий Цивилёв, «Колмар групп» генеральнай дириэктэрэ.

Кэргэнэ — Цивилёва Анна Евгеньевна, 2024 сыл бэс ыйын 17 күнүттэн РФ оборона миниистирин солбуйааччыта[12]. Бу иннинэ, 2023 сыл муус устар 3 күнүттэн «Аҕа дойдуну көмүскээччилэр» Судаарыстыбаннай пуонда бэрэссэдээтэлинэн анаммыта[13]. 2022 сыллаахха бэс ыйын 29 күнүгэр Британия санкция испииһэгэр киирбитэ.

Оҕолоро — уолаттар Антон уонна Никита.

Быһаарыылар

  1. ↑ Госдума утвердила Цивилева министром энергетики. РИА "Новости" (14 Ыам ыйын 2024). Сигэнии күнэ: 14 Ыам ыйын 2024.
  2. ↑ Выборы губернатора Кузбасса выиграл Сергей Цивилёв
  3. ↑ Ротация в составе Высшего Совета «Единой России» составила 16%. er.ru (8 Ахсынньы 2018). Сигэнии күнэ: 10 Ахсынньы 2018.
  4. ↑ Сергей Цивилев: Родственники погибших мечтают восстановить свои семьи. И я сделаю все, что только могу, чтобы помочь им залечить раны (рус.). Новости Новокузнецка сегодня, новости дня, последние новости. Сигэнии күнэ: 11 Ахсынньы 2018.
  5. ↑ KSL AG (нем.). Moneyhouse. Сигэнии күнэ: 1 Муус устар 2018.
  6. ↑ Gunvor: Доля Тимченко в компании была продана 19 марта 2014 года. // top.rbc.ru. Сигэнии күнэ: 1 Муус устар 2018. Архивировано из оригинала 19 Бэс ыйын 2015 года.
  7. ↑ Госдума утвердила Цивилева министром энергетики. РИА Новости (14 Ыам ыйын 2024). Сигэнии күнэ: 14 Ыам ыйын 2024.
  8. ↑ Президент подписал указы о назначении членов Правительства Российской Федерации и директоров служб. kremlin.ru (14 Ыам ыйын 2024). Сигэнии күнэ: 14 Ыам ыйын 2024.
  9. ↑ ВРИО губернатора Кемеровской области назначен Сергей Цивилёв
  10. ↑ Принята отставка Амана Тулеева. kremlin.ru (1 Муус устар 2018). Сигэнии күнэ: 1 Муус устар 2018.
  11. ↑ Предварительные итоги голосования на выборах высших должностных лиц субъектов Российской Федерации, Центральная избирательная комиссия Российской Федерации (23-09-11).
  12. ↑ РБК, 17 июня 2024. Путин назначил жену министра энергетики замминистра обороны. Путин назначил жену министра энергетики Анну Цивилеву замминистра обороны
  13. ↑ Путин создал фонд поддержки участников СВО и семей погибших бойцов «Защитники Отечества»

Сигэлэр

Эбии бу тиэмэҕэ

Категориялар