Нуучча тылынанАнал бырайыактар
Тылы уларыт
УРУБИИКИ ТУҺУНАН

Котяков Антон Олегович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Котяков.

Антон Олегович Котяков (төр. 1980 атырдьах ыйын 15 күнэ, Куйбышев) — Арассыыйа судаарыстыбыннай деятелэ, экэнэмиис. 2020 сыл тохсунньу 21 күнүттэн Арассыыйа Федерациятын Үлэ уонна социальнай көмүскэл миниистирэ[1][2]. 2024 сыл ыам Арассыыйа саҥа бырабыыталыстыбата тэриллибитин кэннэ пуоһугар хаттаан анаммыта.

3 кылаастаах Арассыыйа Федерациятын дьиҥнээх судаарыстыбаннай сүбэһитэ. Арассыыйа Федерациятын үп миниистирин солбуйааччы (2017—2020)[3].

Биография

1980 сыл атырдьах ыйын 15 күнүгэр Антон Котяков Куйбышевка (билиҥҥи Самара) төрөөбүтэ.

2001 сыл атырдьах ыйыттан 2005 сыл атырдьах ыйыгар диэри Котяков Самара уобалас дьаһалтатын үбү-харчыны салайыы отделыгар салайар исписэлиистэртэн консультанҥа диэри үлэлээбитэ.

1997 сыллаахха Самара 135 №-дээх авиационнай профиллаах оскуола-лицейин бүтэрбитэ. 2002 сыллаахха Самара судаарыстыбаннай экэнэмиичэскэй академиятын «Экономическай теория» специальноһынан «Теория и организация рынка ценных бумаг» специализациятын туйгуннук бүтэрбитэ.

Котяков 2005 сыллаахха аспирантураны бүтэрэн, «Российский субфедеральный рынок долговых ценных бумаг: образование и развитие» диэн тиэмэҕэ кандидатскай диссертациятын көмүскээбитэ, экэнэмиичэскэй наука кандидатын академическай истиэпэнин ылбыта.

2005 сыл атырдьах ыйын 2007 сыл от ыйыгар диэри Самара уобалаһын Үп министиэристибэтин отделын салайааччытынан үлэлээбитэ, ол кэнниттэн Самара уобалаһын Үп министиэристибэтин эрэгийиэн бүддьүөтүн толоруу уонна отчуоттааһын салаатын салайааччытынан анаммыта, бу дуоһунаска 2012 сыл муус устар ыйыгар диэри үлэлээбитэ.

2011 сыллаахха Котяков Арассыыйа бэрэсидьиэнин норуот хаһаайыстыбатын уонна судаарыстыбаннай салайыныы академиятын «дьаһалта-үп быраап» идэтинэн магистратураны бүтэрбитэ.

Котяков 2012 сыл муус устар ыйыттан 2014 сыл кулун тутар ыйыгар диэри Федеральнай казначействоҕа функциональнай үлэни тупсарыыга салаа салайааччытынан үлэлээбитэ.

2017 сыл ыам ыйыттан 2020 сыл тохсунньутугар диэри Котяков Арассыыйа Федерациятын үп миниистирин солбуйааччынан үлэлээбитэ.

2020 сыл тохсунньу 21 күнүгэр Арассыыйа бэрэсидьиэнэ Владимир Путин ыйааҕынан Арассыыйа Федерациятын Үлэ уонна социальнай көмүскэл миниистиринэн анаммыта[1].

Санкциялар

Котяков Европа Сойууһун, АХШ, Канаада, Швейцария, Австралия уонна Саҥа Зеландия санкцияларын испииһэгэр баар[4][5][6].

Наҕараадалар

  • «Москва уобалаһын иннинэ үтүөлэрин иһин» 3 истиэпэннээх бэлиэ (2017)[7]
  • Москва уобалаһын Губернаторын бочуотунай грамотата (2015)[7]
  • «Генерал-полковник Дутов» мэтээл (2013)[7]
  • Арассыыйа Федерациятын Федеральнай казначействотын бочуотунай грамотата (2012)[7]
  • Арассыыйа Федерациятын промышленноска уонна атыыга-эргиэҥҥэ министиэристибэтин махтал тыллара (2012)[7]
  • «Федеральнай казначействоҕа 20 сыл» мэтээл (2012)[7]
  • Самара уобалаһын үп министиэристибэтин бочуотунай грамотата ыраас уонна табыгастаах судаарыстыбаннай сулууспатын иһин (2010)[7]

Кылаас чиинэ

3 кылаастаах Арассыыйа Федерациятын дьиҥнээх судаарыстыбаннай сүбэһитэ (2018)[8].

Дьиэ кэргэнэ

Антон Котяков кэргэннээх, үс оҕолоох[9].

Быһаарыылар

  1. ↑ 1 2 Подписаны указы о назначении министров Правительства Российской Федерации // Президент России. Сигэнии күнэ: 21 Тохсунньу 2020. Архивировано 25 Тохсунньу 2020 года.
  2. ↑ Котякова назначили министром труда и социальной защиты // РИА Новости. Сигэнии күнэ: 21 Тохсунньу 2020. Архивировано 22 Тохсунньу 2020 года.
  3. ↑ Энциклопедия ТАСС, 2024. Котяков, Антон Олегович. Министр труда и социальной защиты РФ
  4. ↑ Эрдни Кагалтынов. Канада ввела санкции против МГИМО, ВШЭ, Юнармии и клуба «Валдай». kommersant.ru (22 Балаҕан ыйын 2023). Сигэнии күнэ: 11 Сэтинньи 2023.
  5. ↑ Official Journal of the European Union // COUNCIL REGULATION (EU) 2022/2474. — 16 Ахсынньы (т. Volume 65). — С. 506. Архивировано 24 Ахсынньы 2022 года.
  6. ↑ The United States Takes Sweeping Actions on the One Year Anniversary of Russia’s War Against Ukraine. United States Department of State (24 Олунньу 2023). Сигэнии күнэ: 1 Кулун тутар 2023. Архивировано 28 Олунньу 2023 года.
  7. ↑ 1 2 3 4 5 6 7 Самарец Антон Котяков назначен Министром труда РФ Архивная копия от 29 Балаҕан ыйын 2020 на Wayback Machine, ГТРК Самара
  8. ↑ Биография министра труда и социальной защиты Антона Котякова Архивная копия от 23 Тохсунньу 2020 на Wayback Machine, ТАСС
  9. ↑ Биография Котякова Антона Олеговича. Министерство труда и социальной защиты России. Сигэнии күнэ: 16 Олунньу 2021. Архивировано 20 Олунньу 2021 года.

Сигэлэр

Эбии бу тиэмэҕэ

Категориялар