Нуучча тылынанАнал бырайыактар
Тылы уларыт
УРУБИИКИ ТУҺУНАН

Фальков Валерий Николаевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Фальков.

Валерий Николаевич Фальков (төр. 1978 алтынньы 18 күнэ, Тюмень, Тюмень уобалаһа, РСФСР, ССРС) — Арассыыйа судаарыстыбаннай деятелэ, 2020 сыл атырдьах ыйын 21 күнүттэн (2024 сыл ыам ыйын 7 күнүттэн 13 күнүгэр диэри эбээһиннэстэри толорооччу) РФ билим уонна үрдүк үөрэхтээһин миниистирэ. Юридическай учуонай.

Уруккута Тюмень судаарыстыбаннай университетын ректора (2013—2020).

Биография

Үөрэх

Тюменскай уобалас Казанскай оройуонун Казанское сэлиэнньэтин Новоселезневскай орто оскуолатын бүтэрбитэ.

1995 сыллаахха Тюмень судаарыстыбаннай университетын юридическай факультетыгар үөрэнэ киирбитэ, 2000 сыллаахха судаарыстыба уонна бырааб институтун юриспруденция идэтинэн бүтэрбитэ, ол кэнниттэн аспирантураҕа үөрэнэ киирбитэ уонна 2003 сыл ыам ыйыгар «Совершенствование правового регулирования предвыборной агитации в Российской Федерации» кандидатскай диссертациятын көмүскээн болдьоҕун иннинэ бүтэрбитэ (билим салайааччы Г. Н. Чеботарёв)[1].

Билим-дьаһалта үлэ

Фальков 2003 сылтан 2007 сылга диэри Тюмень судаарыстыбаннай университетын конституционнай уонна муниципальнай быраап кафедратын салайааччытын солбуйааччынан үлэлээбитэ. 2007 сыллаахха Фальковка кафедраҕа доцент билим сыбаанньата иҥэриллибитэ.

2007 сыл кулун тутарыттар сэтинньигэ диэри Тюмень судаарыстыбаннай университетын судаарыстыба уонна бырааб институтугар дириэктэри үөрэх үлэтигэр солбуйааччы.

2007 сылтан 2011 сылга диэри Фальков Тюмень судаарыстыбаннай университетын эбии үөрэхтээһиҥҥэ уонна салааларыгар проректордаабыта, оттон 2011 сылтан 2012 сыл кулун тутар ыйыгар диэри Тюмень судаарыстыбаннай университетын быраап, экэниэмикэ уонна салайыы институтун дириэктэринэн үлэлээбитэ.

2009 сылтан 2011 сылга диэри Фальков Тюмень уобалас эдэр учуонайдарын уонна исписэлиистэрин сэбиэтин бэрэссэдээтэлинэн талыллыбыта (2011 сыллаахха Сэбиэт Арассыыйаҕа биир саамай көдьүүстээхтэринэн билиниллибитэ).

2012 сыл алтынньыттан 2013 сыл муус устар ыйыгар диэри Фальков Тюмень судаарыстыбаннай университетын ректорын эбээһинэһин толорооччу этэ. 2013 сыл кулун тутар 21 күнүгэр үлэ коллективын конференциятыгар Тюмень судаарыстыбаннай университетын ректорынан талыллыбыта. 2018 сыл муус устар ыйын 17 күнүгэр Фальков РФ билим уонна үрдүк үөрэх министиэристибэтин аттестационнай хамыыһыйатын быһаарыытынан Тюмень судаарыстыбаннай университетын ректорынан анаммыта[2] уонна бу дуоһунаска 2020 сылга диэри үлэлээбитэ.

2015 сыл муус устар 30 күнүгэр Фальков Тюмень уобалас университеттарын ректордарын Сэбиэтин бэрэссэдээтэлинэн талыллыбыта. Арассыыйа Федерациятын университеттарын юридическэй үөрэхтээһиҥҥэ үөрэтэр-методическай холбоһуктарын президиумун чилиэнэ.

Москватааҕы «Сколково» салайыы оскуолата Тюменьскай уобалас баһылыгын көрдөһүүтүнэн Тюменьскай судаарыстыбаннай университеты кытта бииргэ үлэлэһэн саҕалаабыт «Тюменьскай уобалас кэскилэ: саҥа индустриялар уонна киһи ресурсатын кыаҕа» диэн үөрэх бырагырааматын Фальков салайбыта.

2020 сыл тохсунньу 21 күнүгэр Фальков Михаил Мишустин бырабыыталыстыбатыгар Арассыыйа Федерациятын билим уонна үрдүк үөрэхтээһин миниистиринэн анаммыта.

2024 сыл ыам ыйын 14 күнүгэр Валерий Фальков Арассыыйа Федерациятын билим уонна үрдүк үөрэх миниистирин дуоһунаһыгар Судаарыстыбаннай Дума хаттаан бигэргэтиллибитэ[3], ол күн РФ бэрэсидьиэнэ анааһын туһунан ыйаахха илии баттаабыта[4].

Уопсастыбаннай үлэ

Фальков Тюмень уобалаһыгар талааннаах оҕолору көрдүүр уонна сайыннарар систиэмэни үөскэтэр сыалтан 2011 с. «Менделеев» эрэгийиэннэр икки ардыларынааҕы оскуола оҕолоругар элбэх хайысхалаах олимпиада көҕүлээччитэ уонна тэрийээччитэ.

2012 сыл кулун тутар ыйыттан «Арассыыйа юристарын ассоциацията» бүтүн Арассыыйатааҕы уопсастыбаннай тэрилтэ эрэгийиэннээҕи салаатын бэрэссэдээтэлин солбуйааччыта, Ассоциация Тюмень куораттааҕы салаатын бэрэссэдээтэлэ.

2006 сылтан 2013 сылга диэри быыбардыыр бырааптаах Тюмень уобалас быыбардыыр хамыыһыйатын чилиэнэ.

2013 сылтан 2016 сылга диэри Тюмень куорат Дууматын VI ыҥырыылаах дьокутаата, «Биир ньыгыл Арассыыйа» баартыйа эрэгийиэннээҕи бэлиитикэ сэбиэтин чилиэнэ, Тюмень куорат Дууматын куораты тутуу уонна сир сыһыаннаһыыларыгар туруу хамыыһыйатын бэрэссэдээтэлэ. 2016 сыл балаҕан ыйын 18 күнүттэн 2020 сыл тохсунньу 21 күнүгэр диэри Тюмень уобалас Думатын биир мандааттаах 17 №-дээх быыбардыыр уокурукка дьокутаата.

Кини 2020 сыллаахха РФ Конституциятыгар уларытыылары киллэрэргэ этиилэри бэлэмниир оробуочай бөлөх чилиэнэ этэ[5].

«Тобольск и вся Сибирь» альманах эрэдээксийэ коллегиятын бэрэссэдээтэлэ.

«Открытая школа права» диэн Тюмень уобалаһын быраапка сырдатыы бырайыагын көҕүлээччитэ.

2014 сылтан кини РФ Бэрэсидьиэнин патронажтаах салайар каадырдар резерваларыгар киирэр.

2015 сыл бэс ыйыттан Тюмень уобалас каадыр наадатын кэтээн көрөр уонна сабаҕалыыр экспертнэй сэбиэт чилиэнэ.

2018 сыл ахсынньы 25 күнүттэн РФ Бэрэсидьиэнин иһинэн Билимҥэ уонна үөрэххэ сэбиэт чилиэнэ[6].

2024 сыл ахсынньы 27 күнүнээҕи 1120 №-дээх Арассыыйа Федерациятын Бэрэсидьиэнин «Устуоруйаҕа үөрэхтээһиҥҥэ биэдэмистибэлэр икки ардыларынааҕы хамыыһыйатын боппуруостара» ыйааҕынан 27.12.2024 сөп түбэһиннэрэн, Устуоруйаҕа үөрэхтээһиҥҥэ биэдэмистибэлэр икки ардыларынааҕы хамыыһыйа президиумугар киирбитэ[7].

2025 сыл ыам ыйын 15 күнүгэр РФ Бэрэсидьиэнин уурааҕынан РАН попечительскай сэбиэтин састаабыгар киирбитэ[8].

Наҕараадалар уонна сыбаанньалар

  • Арассыыйа Федерациятын Үөрэҕин министиэристибэтин (2003) уонна Тюмень уобалаһын губернаторын (2008) Бочуотунай грамоталара;
  • Тюмень уобалаһын губернаторын махтала (2008);
  • Тюмень уобаласнай Думатын бочуоттаах бэлиэтэ (2009);
  • Тюмень уобалаһын «Сыл юриһа — 2014» үрдүкү юридическэй бириэмийэ лауреата;
  • РФ Бэрэсидьиэнин Урал федеральнай уокуругар Боломуочуйалаах бэрэстэбиитэлин махтала (2015);
  • Тюмень уобалаһын Үөрэх уонна билим департаменын махтала (2015);
  • Арассыыйа Федерациятын Федеральнай мунньаҕын Федерация Сэбиэтин Бэрэссэдээтэлин махтала (2017).

Быһаарыылар

  1. ↑ Просмотр документа — dlib.rsl.ru. Сигэнии күнэ: 22 Тохсунньу 2020. Архивировано 25 Олунньу 2020 года.
  2. ↑ Приказ от 10 апреля 2018 г. № 12-07-03/50. Сигэнии күнэ: 21 Тохсунньу 2020. Архивировано 13 Тохсунньу 2021 года.
  3. ↑ Госдума утвердила Фалькова министром науки и высшего образования. РИА "Новости" (14 Ыам ыйын 2024). Сигэнии күнэ: 14 Ыам ыйын 0204.
  4. ↑ Президент подписал указы о назначении членов Правительства Российской Федерации и директоров служб. kremlin.ru (14 Ыам ыйын 2024). Сигэнии күнэ: 14 Ыам ыйын 2024.
  5. ↑ Источник. Сигэнии күнэ: 21 Тохсунньу 2020. Архивировано 28 Атырдьах ыйын 2020 года.
  6. ↑ См. Указ Президента Российской Федерации от 25.12.2018 № 748 «О внесении изменений в состав Совета при Президенте Российской Федерации по науке и образованию и в состав президиума этого Совета, утверждённые Указом Президента Российской Федерации от 16 ноября 2017 г. № 550» Архивная копия от 12 Тохсунньу 2021 на Wayback Machine
  7. ↑ Указ Президента Российской Федерации от 27.12.2024 № 1120 ∙ Официальное опубликование правовых актов (рус.). publication.pravo.gov.ru (27 Ахсынньы 2024). Сигэнии күнэ: 27 Ахсынньы 2024.
  8. ↑ Указ Президента Российской Федерации от 15.05.2025 № 318 "О попечительском совете Российской академии наук". publication.pravo.gov.ru. Сигэнии күнэ: 15 Ыам ыйын 2025.

Сигэлэр

  • Страница на сайте Минобрнауки России
  • В. Н. Фальков(кыаллыбат сигэ) на сайте депутатов партии «Единая Россия»

Эбии бу тиэмэҕэ

Категориялар