Колокольцев Владимир Александрович

1961 сыл ыам ыйын 11 күнүгэр Владимир Колокольцев Пенза уобалас Нижний Ломов куоракка үлэһит дьиэ кэргэҥҥэ төрөөбүтэ. Пенза уобалаһыгар «Власть Труда» фанера собуотун котельнайыгар погрузчигынан, онтон насос операторынан үлэлээбитэ. 1979 сыллаахха аармыйаҕа ыҥырыллан, ССРС уонна Афганистан кыраныыссатыгар кыраныысса сэриилэригэр сулууспалаабыта.

1982 сыллаахха Колокольцев ис дьыала уорганнарыгар Москваҕа аккредитацияламмыт омук судаарыстыбаларын дипломатическай миссияларын көмүскүүр милиция отделыгар сулууспалаабыта. 1984 сыллаахха Москуба Гагаринскай райисполкомун милиция салаатын патрульнай-харабыл сулууспатын туспа батальонун взводун хамандыырынан анаммыта.

Арассыыйа Федерациятын бэрэсидьиэнин 2012 сыл ыам ыйын 21 күнүнээҕи уурааҕынан Колокольцев РФ ис дьыалаҕа миниистиринэн анаммыта^[4][5], кини салалтатынан быраабы араҥаччылыыр систиэмэ реформата салҕанан барбыта.

2020 сыл тохсунньутугар бырабыыталыстыба уурайбытын кэннэ, Колокольцев 2020 сыл тохсунньу 21 күнүгэр Михаил Мишустин саҥа кабинетыгар миниистиринэн хаттаан анаммыта. 2024 сыл ыам ыйын 14 күнүгэр ис дьыала министиэристибэтин салайааччытын дуоһунаһыгар хаттаан анаммыта^[6].

• Судаарыстыбыннай антинаркотическай кэмитиэт бэрэссэдээтэлэ (2016 сыл ахсынньытыттан, дуоһунаһынан);
• Буруйу сэрэтэр бырабыыталыстыба хамыыһыйатын салайааччыта (2012 сыл бэс ыйыттан).
• РФ Бэрэсидьиэнин иһинэн коррупцияны утары охсуһар Сэбиэт уонна РФ Бэрэсидьиэнин иһинэн физическэй култуураны уонна спорду сайыннарар Сэбиэт чилиэнэ (иккиэннэрэ — 2012 сыл от ыйыттан).
• Арассыыйа Федерациятын Байыаннай-промышленнай комиссия чилиэнэ (2014 сыл балаҕан ыйыттан)^[3].

2018 сылтан Колокольцев АХШ санкцияларыгар сылдьар, онтон 2022 сыллаахха Украинаҕа байыаннай дьайыылар саҕаламмыттарын кэннэ Канаада, Европа сойууһа, Улуу Британия, Швейцария, Австралия, Дьоппуон уонна Саҥа Зеландия санкцияларыгар киирбитэ.

Санкциялар баалларын үрдүнэн, 2018 сыллаахха Колокольцев АХШ-га ХНТ тэрээһиннэригэр кытта кэлбитэ, ол иһин кини «туох да кыһалҕата суох» Америка визатын ылбыта. АХШ Госдепартаменыгар ХНТ тэрээһиннэригэр кыттар делегацияларга виза биэрэр эппиэтинэһин билиммиттэрэ^[7].

2013 сыл олунньу 10 күнүгэр Колокольцев, НТВ ханаал «Сегодня. Итоговая программа» биэриитигэр, Арассыыйаҕа ыар буруйу оҥорууга уонна террористарга сыһыаннаах өлүү накаастабылын төннөрүүгэ туох да утарсыыта суоҕун туһунан санаатын эппитэ.

Колокольцев быраабы араҥаччылыыр билим дуоктора, диссертациятын тиэмэтэ «Обеспечение государственных интересов России в контексте концепции национальной безопасности» (2005)^[8]. Диссернет анаалыһынан, Колокольцев дуокторскай диссертациятыгар түөрт диссертацияттан ылыллыбыт тыллар бааллар^[9].

Кэргэннээх, икки оҕолоох.

• Кэргэнэ — Вера Ивановна Колокольцева.
• Уола — Александр Владимирович Колокольцев (төр. 1983), урбаанньыт^[10].
• Кыыһа — Екатерина Владимировна Колокольцева (төр. 1988), выпускница МГИМО.

1994 сыллаахха Колокольцев «На углу, у Патриарших» диэн детективнай телесериалга оперативник быһыытынан эпизодическай оруолу толорбута^[11].

• Милиция генерал-майора (2008 кулун тутар 5 күнэ).
• Милиция Генерал-лейтенага (2010 бэс ыйын 10 күнэ).
• Полиция Генерал-лейтенана (2011 кулун тутар 24 күнэ)^[12].
• Полиция генерал-полковнига (2013 бэс ыйын 12 күнэ)^[13].
• Арассыыйа Федерациятын полиция генерала (2015 сэтинньи 10 күнэ)^[14].

судаарыстыбыннайдар

• «Аҕа дойду иннигэр үтүөлэрин иһин» III уонна IV истиэпэннээх уордьан.
• Арассыыйа Федерациятын ис дьыала уорганнарын үтүөлээх үлэһитэ^[15].
• «Уопсастыбаннай бэрээдэги харыстааһыҥҥа үтүөлэрин иһин» мэтээл.
• Александр Невскай уордьана (2014)^[16].

биэдэмистибэннэйдэр

• «ИДьМ бочуоттаах үлэһитэ» бочуоттаах бэлиэ.
• «Сулууспаҕа килбиэнин иһин» мэтээл (ИДьМ).
• «Сулууспаҕа уһулуччутун иһин» (ИДьМ) I уонна II истиэпэннээх мэтээллэр.
• «Эҥкилэ суох сулуусбатын иһин» III истиэпэннээх мэтээл.
• «Салайар деятельноска үтүөлэрин иһин» (ФСКН) II уонна III истиэпэннээх мэтээллэр.
• «Арассыыйа ИДьМ-ын 200 сыла» мэтээл (ИДьМ).
• «Бойобуой бииргэ үлэлээһин иһин» мэтээл (ФСО).
• «Көмө иһин» мэтээл (Арассыыйа судаарыстыбаннай үп-харчы сулууспата).
• «Ураты суолталаах судаарыстыбаннай эбийиэктэр баһаартан куттала суох буолууларын хааччыйыыга ураты кылаатын иһин» мэтээл (МЧС).
• «Бойобуой доҕордоһуу иһин» мэтээл (МВД).
• «Арассыыйа ИДьМ-ын 200 сыла» түөс бэлиэ.

итэҕэл

• Преподобнай Сергий Радонежскай II истиэпэннээх уордьана, (Арассыйа православнай таҥара дьиэтэ, 2012)^[17].
• Сибитиэй благовернай улуу кинээс Димитрий Донской I истиэпэннээх уордьана (Арассыыйа православнай таҥара дьиэтэ, 2022)^[18].

эрэгийиэннээҕи

• «Москва куоракка эҥкилэ суох сулуусбатын иһин» ураты бэлиэ (2011 ыам ыйын 17 күнэ).
• «Москва 850 сыллаах үбүлүөйүн кэриэһигэр» мэтээл.
• Нижний Ломов куорат ытык олохтооҕо.
• Орел уобалаһын ытык олохтооҕо (2018)^[19].
• «Карелия Өрөспүүбүлүкэтин иннигэр үтүөлэрин иһин» мэтээл (2020 бэс ыйын 8 күнэ) — Карелия Өрөспүүбүлүкэтигэр уонна олохтоохторугар үтүөлэрин иһин, өрөспүүбүлүкэ социальнай-экэнэмиичэскэй сайдыытыгар улахан кылаатын уонна Карелия Өрөспүүбүлүкэтэ тэриллибитэ 100 сылын бэлиэтиир бэлэмнэниигэ судаарыстыбаннай хамыыһыйа састаабыгар көхтөөх үлэтин иһин^[20].

омук

«Достук» уордьан (2021 алтыннньы 12 күнэ, Кыргыстаан)^[21].