Нуучча тылынанАнал бырайыактар
Тылы уларыт
УРУБИИКИ ТУҺУНАН

Козлов Александр Александрович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Козлов.

Александр Александрович Козлов (төр. 1981 тохсунньу 2 күнэ, Соҕуруу-Сахалинскай) — Арассыыйа судаарыстыбаннай деятелэ. 2020 сыл сэтинньи 10 күнүттэн Арассыыйа Федерациятын айылҕа баайын уонна экология миниистирэ[2].

2018 сыл ыам ыйын 18 күнүттэн 2020 сыл сэтинньи 10 күнүгэр диэри Арассыыйа Федерациятын Уһук Илин уонна Арктика сайдыытыгар миниистирэ. 2015 сыл балаҕан ыйын 20 күнүттэн ыам ыйын 18 күнүгэр диэри Амурскай уобалас губернатора. 2014 сыл балаҕан ыйын 19 күнүттэн кулун тутар 25 күнүгэр диэри Благовещенскай баһылыга[3].

Биография

Александр Козлов 1981 сыл тохсунньу 2 күнүгэр Соҕуруу-Сахалинскайга төрөөбүтэ. Орто оскуоланы Амурскай уобалас Райчихинскай куоратыгар бүтэрбитэ.

Үөрэх

2003 сыллаахха Козлов Москва бырабыыталыстыбатын иһинэн Москватааҕы урбаан академиятын Благовещенскайдааҕы филиалын «Юриспруденция» идэтин ылан, юрист квалификацияны ылбыта. Салгыы Уһук Илиҥҥи Федеральнай университекка «Горный инженер» идэҕэ үөрэммитэ[4].

Урбаан

Козлов 2000 сыллаахха «Дальвостуголь» хампаанньаҕа юридическэй консультанынан үлэҕэ киирбитэ. Ол оннугар 2004 сыллаахха «Амур-уголь» хампаанньа тэриллибитэ, онно Козлов Гуково куоракка «Росуголь» биир салаатын салайбыта, сыл буолан баран Благовещенскайга «Русский уголь» ААУо филиалын дириэктэрэ буолбута[5].

Козлов 2009 сылтан 2010 сылга диэри Райчихинскай куоракка «Амурский уголь» ООО генеральнай дириэктэрин дуоһунаһыгар үлэлээбитэ.

Амуур уобалаһын бырабыыталыстыбатыгар үлэ

Козлов 2011 сыллаахха Амуур уобалаһын баһылыга Олег Кожемяко ыҥырыытынан Амуур уобалаһын бырабыыталыстыбатыгар судаарыстыбаннай сулууспаҕа көспүтэ. 2011 сыл олунньу 2 күнүгэр Амуур уобалаһын тутуу, архитектура уонна дьиэ-уот, коммунальнай хаһаайыстыба миниистирин бастакы солбуйааччы дуоһунаһыгар анаммыта. Ити сыл атырдьах ыйыгар бу салайыы салайааччыта буолбута[6].

2011 сыл ахсынньы 23 күнүгэр Козлов Амуур уобалаһын дьиэ-уот уонна коммунальнай хаһаайыстыба миниистиринэн анаммыта, Приамурьеҕа саамай эдэр миниистир буолбута. Бу дуоһунаска 2014 сыл олунньу 14 күнүгэр диэри үлэлээбитэ[7].

Благовещенскай куорат дьаһалтатыгар үлэ уонна куораты салайыы

2014 сыл олунньу 14 күнүгэр Козлов Благовещенскай дьаһалтатын баһылыгын Павел Березовскай бастакы солбуйааччытынан анаммыта[8].

Алта хонон баран, 2014 сыл олунньу 20 күнүгэр Благовещенскай куорат думатыгар Березовскай куорат дьаһалтатын баһылыгын дуоһунаһыттан бэйэтин көрдөһүүтүнэн уурайбыта, Козлов босхо турар дуоһунаска салайааччы эбээһинэһин толорооччунан анаммыта[9].

Козлов 2014 сыл муус устар ыйыгар улуус киинин баһылыгар кандидатура иһин «Биир ньыгыл Арассыыйа» баартыйа иһинээҕи эрдэттэн куоластааһыҥҥа кыайбыта[10].

2014 сыл балаҕан ыйын 14 күнүгэр Благовещенскайга баһылык быыбарыгар Козлов куорат олохтоохторуттан 17 828 куолаһы ылан кыайбыта (быыбардыыр учаастактарга кэлбит дьон уопсай ахсааныттан 38,68 %)[11]. Ити сыл балаҕан ыйын 19 күнүгэр Козлов куорат баһылыгын дуоһунаһыгар официальнайдык киирбитэ (бу дуоһунас 2010 сыллаахха суох оҥоһуллубутун кэннэ хаттаан олохтоммута)[12].

Амуур уобалаһын губернатора

Александр Хорошавин Сахалин уобалас губернаторын дуоһунаһыттан уурайбытын уонна бу дуоһунаска Амуур губернатора Олег Кожемяко анаммытын кэннэ, Козлов 2015 сыл кулун тутар 25 күнүгэр Арассыыйа Федерациятын бэрэсидьиэнин уурааҕынан Амуур уобалаыһн губернаторын эбээһинэһин толорооччунан анаммыта[13][14].

undefined

Козлов 2015 сыл бэс ыйын 19 күнүгэр губернатор быыбарыгар «Биир ньыгыл Арассыыйаттан» хандьыдаат буолбута[15]. Кини 50,64 % куолаһы ылан, уобалас устуоруйатыгар саамай эдэр губернатор буолбута[16]. Ону кытта Козлов урут салайбыт Благовещенскайыгар 30 % эрэ куолаһы ылбыта; 45 % ЛДПР хандьыдаатыгар барбыта[17].

Уһук Илин сайдыытыгар Арассыыйа Федерациятын миниистирэ

2018 сыл ыам ыйын 18 күнүгэр РФ Бэрэсидьиэнин уурааҕынан Козлов бэйэтин көрдөһүүтүнэн Амуур уобалаһын губернаторын дуоһунаһыттан босхоломмута уонна саҥа бырабыыталыстыбаҕа РФ Уһук Илини сайыннарыыга миниистиринэн анаммыта[18][19].

2019 сыл олунньу 26 күнүгэр РФ Уһук Илини сайыннарыыга министиэристибэтэ РФ Арктика зонатыгар боломуочуйаларын кэҥэппитэ. Козлов Уһук Илини уонна Арктиканы сайыннарыыга миниистир дуоһунаһыгар хаалбыта[20].

Миниистир быһыытынан Козлов 2035 сылга диэри Арктика сайдыытын стратегиятын уонна 2035 сылга диэри перспективалаах 2024 сылга диэри Уһук Илини сайыннарыыга, ону тэҥэ Уһук Илин демографиятын үрдэтэр бырагыраамалары, эрэгийиэннээҕи социальнай эбийиэктэри өрөмүөннүүр үлэни субсидиялыыр, Арктика гектар бырагырааматын уонна ыраах олохтоохторугар 2 % ипотеканы оҥорууга национальнай бырагараамманы оҥорбута[21].

Арассыыйа Федерациятын айылҕа баайын уонна экология миниистирэ

2020 сыл сэтинньи 9 күнүгэр Дмитрий Кобылкин дуоһунаһыттан уурайбытын кэннэ, Арассыыйа Федерациятын айылҕа баайын уонна экология миниистирин дуоһунаһыгар Козлов туруоруллубута[22].

2024 сыл ыам ыйын 14 күнүгэр Госдумаҕа Арассыыйа айылҕа баайын уонна экология миниистирин дуоһунаһыгар хаттаан бигэргэтиллибитэ[23], ол күн РФ бэрэсидьиэнэ анааһын туһунан ыйаахха илии баттаабыта[24].

Бартыыйнай үлэ

«Биир ньыгыл Арассыыйа» политическай партия чилиэнэ. Баартыйа Амурскай эрэгийиэннээҕи салаатын президиумун чилиэнэ этэ. 2023 сылтан «Биир ньыгыл Арассыыйа» баартыйа Үрдүкү Сэбиэтин чилиэнэ[25].

Үлэтин сыаналааһын

Госдума эрэгийиэннээҕи бэлиитикэҕэ уонна Хоту кыһалҕаларыгар кэмитиэтин салайааччыта Николай Харитонов Козлов үлэтин маннык сыаналаабыта: «Козлов дьыалабыай, көхтөөх миниистир этэ. 11 территорияттан Чукотка эрэ ыалдьыт хамыыһыйатын ыыппатахпыт, сорох сирдэргэ иккитэ сылдьыбыппыт»[21].

2020 сыллаахха «Сиэрдээх Арассыыйа» баартыйа Козлов анал биологическай үөрэҕэ суох буолан, айылҕа баайын миниистирин дуоһунаһыгар кандидатуратын өйөөбөтөҕө[26]. «Сиэрдээх Арассыыйа» Александр Козловы өйүүртэн систиэмэлээхтик аккаастанар[27].

Дьиэ кэргэнэ

2015 сыл кулун тутар 28 күнүгэр Александр Козлов Анна Логинованы кэргэн ылбыта[1]. 2017 сыл ахсынньы 2 күнүгэр дьиэ кэргэн Алиса диэн кыыс оҕоломмуттара[28]. Балаҕан ыйын 29 күнүгэр Иван диэн уол оҕо төрөөбүтэ[29].

Быһаарыылар

  1. ↑ 1 2 Врио губернатора Амурской области Александр Козлов сочетался браком. amur.info (28 Кулун тутар 2015). Сигэнии күнэ: 29 Кулун тутар 2015. Архивировано 31 Кулун тутар 2015 года.
  2. ↑ Александр Александрович Козлов. Правительство России. Сигэнии күнэ: 15 Ахсынньы 2021. Архивировано 25 От ыйын 2020 года.
  3. ↑ Энциклопедия ТАСС, 2024. Козлов, Александр Александрович. Министр природных ресурсов и экологии РФ
  4. ↑ Слукина, Наталья. Александр Козлов: «Верю в себя и людей!» Телепорт (16 Муус устар 2014). Сигэнии күнэ: 20 Балаҕан ыйын 2014. Архивировано 22 Муус устар 2014 года.
  5. ↑ Александр Козлов: президентом было оказано высокое доверие, его надо оправдать. amur.info (26 Кулун тутар 2015). — «Во время работы Александра Козлова в структурах «Русского угля» его называли членом команды губернатора Амурской области Николая Колесова.» Сигэнии күнэ: 27 Кулун тутар 2015. Архивировано 2 Муус устар 2015 года.
  6. ↑ Амурское министерство строительства, архитектуры и ЖКХ лишилось руководителя. amur.info (9 Атырдьах ыйын 2011). Сигэнии күнэ: 20 Балаҕан ыйын 2014. Архивировано 22 Ахсынньы 2012 года.
  7. ↑ В амурском правительстве назначены два министра – строительства и ЖКХ. amur.info (27 Ахсынньы 2011). Сигэнии күнэ: 20 Балаҕан ыйын 2014. Архивировано 23 Ахсынньы 2012 года.
  8. ↑ Министр ЖКХ Амурской области Александр Козлов назначен первым заместителем главы администрации Благовещенска. amur.info (14 Олунньу 2014). Сигэнии күнэ: 20 Балаҕан ыйын 2014. Архивировано 7 От ыйын 2014 года.
  9. ↑ Павел Березовский сложил с себя полномочия главы администрации Благовещенска, amur.info (20 Олунньу 2014). Архыыптаммыт 2018, Ыам ыйын 30 күнүгэр. Сигэнии күнэ: 30 Ыам ыйын 2018.
  10. ↑ На праймериз единороссов по кандидатуре на должность мэра Благовещенска победил Александр Козлов. amur.info (14 Муус устар 2014). Сигэнии күнэ: 20 Балаҕан ыйын 2014. Архивировано 23 Бэс ыйын 2014 года.
  11. ↑ На выборах мэра Благовещенска победил Александр Козлов. Порт Амур (15 Балаҕан ыйын 2014). Сигэнии күнэ: 20 Балаҕан ыйын 2014. Архивировано 15 От ыйын 2015 года.
  12. ↑ Александр Козлов официально вступил в должность мэра Благовещенска. amur.info (19 Балаҕан ыйын 2014). Сигэнии күнэ: 20 Балаҕан ыйын 2014. Архивировано 20 Балаҕан ыйын 2014 года.
  13. ↑ Александр Козлов назначен временно исполняющим обязанности губернатора Амурской области. Kremlin.ru (25 Кулун тутар 2015). Сигэнии күнэ: 26 Кулун тутар 2015. Архивировано 2 Муус устар 2015 года.
  14. ↑ Указ Президента Российской Федерации от 25.03.2015 г. № 164 «Об исполняющем обязанности губернатора Амурской области». Сигэнии күнэ: 27 Тохсунньу 2020. Архивировано 27 Тохсунньу 2020 года.
  15. ↑ «Единая Россия» выдвинула на выборы губернатора Александра Козлова. «Амурская правда» №107 (28151) (19 Бэс ыйын 2015). Сигэнии күнэ: 20 Бэс ыйын 2015. Архивировано 20 Бэс ыйын 2015 года.
  16. ↑ Инаугурация губернатора Амурской области прошла в Благовещенске. Сигэнии күнэ: 28 Кулун тутар 2016. Архивировано 8 Муус устар 2016 года.
  17. ↑ На инаугурацию Александра Козлова приедут главы трех дальневосточных регионов. Сигэнии күнэ: 28 Кулун тутар 2016. Архивировано 15 Муус устар 2016 года.
  18. ↑ Кто вошел в новое правительство. Полный список, Ведомости (18 Ыам ыйын 2018). Архыыптаммыт 2018, Ыам ыйын 20 күнүгэр. Сигэнии күнэ: 18 Ыам ыйын 2018.
  19. ↑ Указ Президента Российской Федерации от 18.05.2018 г. № 241 «О Министре Российской Федерации по развитию Дальнего Востока». Сигэнии күнэ: 27 Тохсунньу 2020. Архивировано 27 Тохсунньу 2020 года.
  20. ↑ Полномочия Минвостокразвития России расширены на Арктическую зону Российской Федерации. Сигэнии күнэ: 6 Кулун тутар 2019. Архивировано 7 Кулун тутар 2019 года.
  21. ↑ 1 2 Александр Козлов - министр природных ресурсов и экологии Российской Федерации, Биография, Статьи, Фото, Видео - Свободная Пресса (рус.). svpressa.ru. Сигэнии күнэ: 13 Муус устар 2022. Архивировано 20 Ахсынньы 2021 года.
  22. ↑ Кадровые перестановки: Александр Козлов выдвинут на пост министра природных ресурсов и экологии. Вести (9 Сэтинньи 2020). Сигэнии күнэ: 9 Сэтинньи 2020. Архивировано 9 Сэтинньи 2020 года.
  23. ↑ Госдума утвердила Козлова министром природных ресурсов и экологии России. РИА "Новости" (14 Ыам ыйын 2024). Сигэнии күнэ: 14 Ыам ыйын 2024.
  24. ↑ Президент подписал указы о назначении членов Правительства Российской Федерации и директоров служб. kremlin.ru (14 Ыам ыйын 2024). Сигэнии күнэ: 14 Ыам ыйын 2024.
  25. ↑ Биография Александра Козлова. tass.ru. Сигэнии күнэ: 13 Муус устар 2022. Архивировано 28 Муус устар 2022 года.
  26. ↑ Анатолий Грешневиков: «СР» воздержалась от поддержки кандидатуры Александра Козлова на должность главы Минприроды. Справедливая Россия (10 Сэтинньи 2020). Сигэнии күнэ: 27 Ыам ыйын 2024.
  27. ↑ Фракция «СРЗП» в Госдуме проголосует против четырёх кандидатур на посты министров РФ. Справедливая Россия (24 Ыам ыйын 2024). Сигэнии күнэ: 17 Бэс ыйын 2024.
  28. ↑ Козлов Александр Александрович: биография. ПроНедра. Сигэнии күнэ: 27 Ыам ыйын 2024.
  29. ↑ У министра Александра Козлова родился сын. Порт Амур (30 Балаҕан ыйын 2019). Сигэнии күнэ: 27 Ыам ыйын 2024.

Сигэлэр

Эбии бу тиэмэҕэ

Категориялар