Решетников Максим Геннадьевич
Максим Геннадьевич Решетников (1979 сыл от ыйын 11 күнэ, Пермь[d]) — Арассыыйа судаарыстыбаннай деятелэ. 2020 сыл тохсунньу 21 күнүттэн Арассыыйа Федерациятын экэнэмиичэскэй сайдыытын миниистирэ[1].
2017 сыл балаҕан ыйын 18 күнүттэн 2020 сыл тохсунньу 21 күнүгэр диэри Пермь кыраайын губернатора этэ. III кылаастаах РФ дьиҥнээх судаарыстыбаннай сүбэһитэ (2010). «Биир ньыгыл Арассыыйа» бэлиитикэ баартыйатын Үрдүкү сэбиэтин чилиэнэ[1].
Биография
Максим Решетников 1979 сыл от ыйын 11 күнүгэр Пермь куоракка төрөөбүтэ.
Үөрэх
17 №-дээх оскуола-гимназияны бүтэрбитэ[2]. Оскуола кэнниттэн Пермь судаарыстыбаннай университетын экэниэмикэ кибернетика салаатыгар үөрэнэ киирбитэ[3]. Университеты 2000 сыллаахха «экэнэмиис-математик» идэтинэн бүтэрэн, 2002 сыллаахха «лингвист-тылбаасчыт» идэтин ылбыта.
Л. С. Портной салалтатынан 2003 сыллаахха «Үп сүүрээннэригэр олоҕурбут эрэгийиэннээҕи экэнэмиичэскэй салайыы: принциптэр уонна моделлар (Пермь уобалаһын холобуругар)» диэн тиэмэҕэ экэниэмикэ билим хандьыдаатын истиэпэнин диссертациятын көмүскээбитэ[4][5][6][7].
Үлэ
1998 сылтан 2002 сылга диэри Решетников «Прогноз» САУо кылаабынай исписэлииһинэн уонна бырайыак салайааччытынан үлэлээбитэ[8].
2000 сылтан 2005 сылга диэри Решетников бүддьүөт дохуотун уонна ороскуотун былаанныыр салаатын салайааччытынан, эрэгийиэннээҕи үп уонна инвестиция салаатын начальнигынан, Пермь уобалаһын дьаһалтатын экэниэмикэҕэ сүрүн салаатын салайааччытын солбуйааччынан үлэлээбитэ[9].
2005—2007 сылларга Решетников Пермь уобалаһын былааннааһын салайыытын бэрэссэдээтэлин бастакы солбуйааччыта уонна Пермь кыраайын губернаторын дьаһалтатын салайааччытын бастакы солбуйааччыта этэ[8][9].
2007—2009 сылларга Арассыыйа эрэгийиэннэр сайдыыларын министиэристибэтин РФ субъектарын бырабыыталыстыба уорганнарын үлэлэрин кэтээн көрөр уонна сыаналыыр департаменын дириэктэрин солбуйааччы этэ[8][9].
2009 сыл муус устар 14 күнүттэн алтынньы 12 күнүгэр диэри Пермь кыраай губернатора Дьаһалтатын салайааччыта[8][9]. Ити сыл оччотооҕу Арассыыйа бэрэсидьиэнэ Дмитрий Медведев бастыҥ сүүс киһилээх резервэтигэр киирбитэ[8][10].
2009—2010 сылларга Решетников РФ бырабыыталыстыбатын судаарыстыбаннай салайыныы, эрэгийиэннээҕи сайдыы уонна олохтоох бэйэни салайыныы департаменын дириэктэринэн үлэлээбитэ[8].
2010 сыллаахха Сергей Собянин Москва баһылыгынан анаммытын кэннэ, Решетников киин куорат бырабыыталыстыбатыгар үлэлии көспүтэ. Москва куорат баһылыгын уонна бырабыыталыстыбатын аппаратын салайааччытын бастакы солбуйааччыта[9].
2012 сылтан 2017 сылга диэри Решетников Москва бырабыыталыстыбатын миниистиринэн уонна Москва куорат экэниэмикэ бэлиитикэтин уонна сайдыытын департаменын салайааччытынан үлэлээбитэ[9].
Пермь кыраайын губернатора
2017 сыл олунньу 6 күнүгэр Арассыыйа бэрэсидьиэнэ Владимир Путин уурааҕынан Решетников быстах кэмҥэ (быыбарга диэри) Пермь кыраай губернатора эбээһинэһин толорооччунан анаммыта[11].
2017 сыл бэс ыйын 14 күнүгэр Решетников «Биир ньыгыл Арассыыйа» баартыйаттан губернатор быыбарыгар официальнай хандьыдаат буолбута. Балаҕан ыйын 10 күнүгэр быыбарга 82,06 % куолаһы ылан кыайбыта[12]. 2017 сыл балаҕан ыйын 18 күнүгэр Пермь кыраайын губернатора дуоһунаһыгар киирбитэ[13].
2017 сыл ахсынньытыгар Решетников «Биир ньыгыл Арассыыйа» баартыйаҕа киирбитэ[14]. 2018 сыл ахсынньы 8 күнүгэр «Биир ньыгыл Арассыыйа» баартыйа 18-с съеһин дэлэгээттэрэ ылыммыт быһаарыыларыгар олоҕуран, Решетниковы баартыйа Үрдүкү сэбиэтигэр киирбитэ[15].
2018 сыл от ыйын 18 күнүттэн 2019 сыл тохсунньу 28 күнүгэр диэри Решетников РФ Судаарыстыбаннай сэбиэтин президиумун чилиэнэ этэ[16][17].
Арассыыйа бырабыытылыстыбатыгар
Арассыыйа бэрэсидьиэнин ыйааҕынан 2020 сыл тохсунньу 21 күнүгэр РФ экэнэмиичэскэй сайдыытын миниистирин дуоһунаһыгар анаммыта; ити ыйаахха кини бэйэтин көрдөһүүтүнэн Пермь кыраайын баһылыгын дуоһунаһыттан уурайарын ылыммыттара[18].
.jpg)
Решетников «Российская венчурная компания» АУо дириэктэрдэрин сэбиэтин бэрэссэдээтэлэ (2020 сыл атырдьах ыйыттан), «Кыра уонна орто предпринимательствоны сайыннарар федеральнай корпорация» АУо (МСП корпорацията, 2020 сыл муус устар ыйыттан) дириэктэрдэрин сэбиэтин бэрэссэдээтэлэ. «Арассыыйа тимир суолларын» ААУо дириэктэрдэрин сэбиэтин чилиэнэ (2020 сылтан), Арассыыйа Почтата (2020 сыл ахсынньыттан), Арассыыйа быһаччы инвестиция пуондатын (2020 сыл муус устар ыйыттан), ВТБ (2020 сыл балаҕан ыйыттан) салайар хампаанньатын кэтиир сэбиэттэрин чилиэнэ[19].
2020 сыл ыам ыйын 12 күнүттэн — Арассыыйа бэрэсидьиэнин Японияны кытта атыы-эргиэн уонна экэнэмиичэскэй бииргэ үлэлээһиҥҥэ анал бэрэстэбиитэлэ[20][1].
2021 сыл кулун тутар 29 күнүттэн бэрэсидьиэн уурааҕынан Арассыыйаттан саҥардыы уонна сайдыы Европа баанын (ЕБРР) салайааччынан анаммыта[1].
2024 сыл ыам ыйын 14 күнүгэр саҥа бырабыыталыстыба тэриллибитин кэннэ, Решетниковы РФ экэнэмиичэскэй сайдыытын миниистирин дуоһунаһыгар Судаарыстыбаннай Дума хаттаан бигэргэппитэ[21][22][1].
Наҕараадалар
- «Аҕа дойду иннигэр үтүөлэрин иһин» уордьан II истиэпэннээх мэтээлэ (2016)[23];
- Доҕордоһуу уордьана[1];
- Арассыыйа Федерациятын Бырабыытылыстыбатын бочуотунай грамотата[9];
- Президента Арассыыйа Федерациятын Бэрэсидьиэнин махтала[1].
Дьиэ кэргэнэ
Максим Решетников кэргэннээх. Кэргэнэ Анна[24] Пермь судаарыстыбаннай университетын бүтэрбитэ. Ыал үс оҕолоохтор — икки кыыс уонна биир уол.
Хобби
Социальнай ситимнэргэ тапталын үлэтин кытта холбуур. Социальнай ситимнэргэ Пермь кыраайын нэһилиэнньэтиттэн киирбит ыйытыыларга хоруйдаах быһа эфирдэри өрүү ыытар.
Быһаарыылар
Сигэлэр
- Энциклопедия ТАСС, 2024. Решетников, Максим Геннадьевич. Министр экономического развития РФ
- Биография на сайте органов власти Пермского края.
- Биография на сайте Правительства Москвы.
Эбии бу тиэмэҕэ
 |
|---|
Арассыыйа Федерациятын үлэлиир Бырабыытылыстыбата | |
|---|---|
| Бэрэссэдээтэл | |
| Бастакы солбуйааччы | |
| Солбуйааччылар |
|
| Миниистирдэр |
|