Нуучча тылынанАнал бырайыактар
Тылы уларыт
УРУБИИКИ ТУҺУНАН

Луковцев Иннокентий Егорович

Луковцев Иннокентий Егорович (1976 сыл балаҕан ыйын 23 күнэ, Баайаҕа нэһилиэгэ, Саха АССР) — тыйаатыр уонна киинэ артыыһа, Былатыан Ойуунускай аатынан Саха академическай тыйаатыр артыыһа. Саха Өрөспүүбүлүкэтин үтүөлээх артыыһа, култуура уонна ускуустуба эйгэтигэр Арассыыйа судаарыстыбыннай бириэмийэтин лауреата.

Олоҕун олуктара

1976 сыллаахха балаҕан ыйын 23 күнүгэр Алексеевскай оройуон (билиҥҥитэ — Таатта улууһа) Баайаҕа нэһилиэгэр төрөөбүт[1].

1993—1996 сыллардаахха Өрөспүүбүлүкэтээҕи култуура уонна ускуустуба колледжыгар үөрэммит. Онно тыйаатыр устуудьайытын уус-уран салайааччытынан Андрей Борисов, онтон артыыс маастарыстыбатын учууталларынан Ефим Степанов уонна Симон Федотов үлэлээбиттэр. Кинини кытта биир кууруска үөрэммиттэр: Айаал Аммосов, Петр Садовников, Сергей Потапов, Ирина Никифорова[2].

1994 сыллаахха Андрей Борисов туруорбут «Дойду оҕото Дорогуунап Ньукулай» испэктээгэр улахан сыанаҕа аан маҥнай тахсыбыт (тэттик оруолга).

1996 сыллаахтан Былатыан Ойуунускай аатынан Саха академическай тыйаатырга үлэлиир[1].

1997 сыллаахха маҥнайгытын уус-уран киинэҕэ уһуллубут — режиссер Геннадий Багынанов «Түүҥҥү кыыс» киинэтигэр[3].

1999 сыллаахха, 22 сааһыгар, «Илиир Хоруол» испэктээги туруорбут айар бөлөҕү кытта (режиссер Андрей Борисов, худуоһунньук Геннадий Сотников, Иннокентий Луковцев — Шут оруолугар) култуура уонна ускуустуба эйгэтигэр Арассыыйа судаарыстыбыннай бириэмийэтин Лауреата буолбут. Наҕарааданы ол сыл бэс ыйын 11 күнүгэр Арассыыйа бэрэсидьиэнэ Борис Ельцин туттарбыт[4].

Бу сыл «Саха» национальнай көрдөрөр-иһитиннэрэр хампаанньа уһулан таһаарбыт «Ыаллыылар» сахалыы бастакы телесериалга (режиссер Лидия Васильева) Ковбой оруолун толорбут[3].

Бу кэмтэн ыла ордук көрдөөх оруолларга талыллар эбит буоллаҕына, 2007 сыллаахха режиссер Сергей Потапов «Тайбаан арыы» испэктээгэр (Семен Ермолаев — Сиэн Өкөр пьесатынан) сүрүн оруолу толорон, драма амплуатыгар көспүт[2].

Бу сыл Илин Сибиирдээҕи култуура уонна ускуустуба Академиятын «киинэ уонна тыйаатыр артыыһа» идэлээх бүтэрбит (маастара — Джемма Баторова)[3].

2008 сыллаахха Саха Өрөспүүбүлүкэтин үтүөлээх артыыһын аатын ылбыт[1].

2017 сыллаахха «Айар аат» айар бөлөх тэринэн, уус-уран киинэ устуутунан уонна таһаарыытынан дьарыктанан саҕалаабыт. Ол курдук, ол сыл режиссер Валентин Макаров «Кэрэл. Көстүбэт кэрэ» киинэтин продюсердаабыт[5].

2018 сыллаахха Арассыыйа Бэрэсидьиэнин Арассыыйа норуодунай хаһаайыстыбатын уонна судаарыстыбаннай сулууспатын Академиятын үөрэнэн бүтэрбит[3].

2022 сыллаахха «Зимний» киинэ бэстибээлигэр (нууч.) (сах. Арассыыйа авторскай киинэ бэстибээлигэр «Айта» киинэҕэ оруолун иһин «Бастыҥ эр киһи оруола» бириис кыайыылааҕа буолбут[1].

Айар үлэтэ

Тыйаатырга оруоллара

  • «Сайыҥҥы түүннээҕи түүл» — У. Шекспир (1995) — Пэк;
  • «Түгэххэ» — М. Горький (1995) — Сатин;
  • «Ийэ сирэ» — Ч. Айтматов (1995) — Бекташ;
  • «Ый өлүүтүн түүнүгэр» — М. Карим (1996) — Ишмурза;
  • «Уйбааныс» — А. Софронов-Алампа (1996) — Коля;
  • «Ороһуостуба киэһээ» — С. Омоллоон (1996) — Дьүкээ уола уонна Уйбаанчык;
  • «Дьай, имэҥ, дьол» — И. Иннокентьев (1997) — Эр киһи;
  • «Ойуун түүлэ» — А. Кулаковский-Өксөкүлээх Өлөксөй (1997) — ?;
  • «Илиир хоруол» — У. Шекспир (1997) — Шут;
  • «Олох дьэбэрэтэ» — А. Софронов-Алампа (1998) — Аргыс уол;
  • «Аҕабыыт уонна кини үлэһитэ Балдаа» — А. Пушкин (1998) — Черт;
  • «Кыталыктар кырдаллара» — И. Гоголев-Кындыл (1999) — Куһаҕан Хочугур;
  • «Мэхээлэчээн булчут» — Т. Сметанин (1999) — Мэхээлэчээн булчут;
  • «Наара Суох» — И. Гоголев-Кындыл (1998) — Наара Суох;
  • «Уважаемый, Александр Сергеевич» (1999) — Араб;
  • «Кыыс Дэбилийэ» Н. Бурнашев-Боодоҕос (2000) — Ургунньук Баатыр;
  • «Таба хоруол» — К. Гоцци (2000) — Тарталья;
  • «Көҥүл итии күнүгэр» — С. Омоллоон (2000) — Чака;
  • «Ньургуһун иккистээн тылыннар» — Ф.Буляков (2001) — Управляющий;
  • «Олох оонньуура» — А. Софронов-Алампа (2001) — Тиитэп;
  • «Кэпсээнтэн кэпсээн» — С. Омоллоон (2001) — Уол;
  • «Лоокуут уонна Ньургуһун» — Т. Сметанин (2001) — Мөлчөс;
  • «Эргиллиэм хайаан да» — В. Васильев-Харысхал (2002) — Дьядьоо;
  • «Хотугу сибэкки» — И. Гоголев-Кындыл (2002) — Ахмед;
  • «Алаас ортотугар соҕотох бэс» — С. Ермолаев — Сиэн Өкөр (2002) — Фумико;
  • «Сааскы кэм» — Н. Мординов — Амма Аччыгыйа (2003) — Микиитэ Лэглээрин;
  • «Макбет» — Э. Ионеско (2004) — Монах;
  • «Золушка» — Е. Шварц (2004) — Маркиз Падетруа;
  • «Биирдэ куоракка» — У. Шекспир (2004) — Джованни;
  • «Кэрэ көмүскэлигэр» — И. Гоголев-Кындыл (2005) — Федя Неустроев;
  • «Чыҥыс Хаан ыйааҕынан» — Н. Лугинов (2005) — Чилэди;
  • «Тайбаан арыы» — С. Ермолаев — Сиэн Өкөр (2007) — Миитээ;
  • «Хаарыан хампа күөх кытылым» — Ч. Айтматов (2007) — Мылгун;
  • «Дыгын Дархан» — И. Гоголев-Кындыл (2009) — Лөгөй;
  • «Сатабыллаах саһыл саҕалаах» — А. Островскай (2008) — Городулин;
  • «Макаар түүлэ» — В. Короленко (2009) — ?;
  • «Хара Кыталык» — И. Гоголев-Кындыл (2010) — Кыһалҕа;
  • «Сайсары күөлгэ түбэлтэ» — Е. Неймохов (2010) — Захар Захарович Элиэнэп;
  • «Сэрии туһунан үс номох» — И. Гоголев-Кындыл (2010) — Датико;
  • «Көмүөл» — В. Васильев-Харысхал (2010) — Батыйа;
  • «Дьадаҥы Дьаакып» — А. Софронов-Алампа (2011) — Дьөгүөссэ;
  • «Таптаа миигин, таптаа..» — В. Красногоров (2011) — Муж;
  • «Мэҥэ халлаан оҕото Баһылай Манчаары» — А. Дойду (2012) — Сылгыһыт Силип;
  • «Ааттаах поэт Арбита» — А. Дойду (2013) — Ыстапаан;
  • «Оҕустар забастовкалара» — Д. Наумов (2006) — Кулун Уйбаан;
  • «Тиит» — У. Шекспир (2013) — Тиит;
  • «Сир иччитэ» — П. Ламутскай (2015) — Ааҕын;
  • «Илиир хоруол» — У. Шекспир (2015) — Освальд;
  • «Уһуктуу» — С. Баранова (2015) — Мааскалаах киһи;
  • «Ревизор» — Н. Гоголь (2015) — Аммос Федорович Ляпкин-Тяпкин;
  • «Тэпсиллибэт үтүө аат» — В. Васильев-Харысхал (2016) — Идеолог Бордонскай;
  • «Манчаары» — В. Никифоров-Күлүмнүүр (2016) — Уйбаан;
  • «Хууннар» — Н. Лугинов (2016) — Сяо Жень;
  • «Мамаша Кураж уонна кини оҕолоро» — Б. Брехт (2016) — Второй вербовщик;
  • «Максим» — А. Софронов-Алампа (2017) — Джинбаев;
  • «Республика» — Д. Наумов (2017) — Сэмэҥкэ Михайлов;
  • «Мин доҕорум Гамлет» — У. Шекспир (2018) — Полоний;
  • «Ыраахтааҕы ыйааҕа» — П. Ойуунускай (2018) — Быыпсай оҕонньор;
  • «Ааттаах поэт Арбита» — А. Дойду (2013) — Миисэ Туораахап;
  • «Сааскы кэм» — Н. Мординов — Амма Аччыгыйа (2003) — Айанньыт Сүөдэр;
  • «Сандаарар сарыал саллааттара» — Д. Наумов (14.03.2020) — Николай Федоров;
  • «Алитет хайаҕа күрүүр» — Т. Семушкин (2021) — 1 Булчут;
  • «Маарыкчаан ыччаттара» — С. Яковлев — Эрилик Эристиин (2022) — Мурунаев;
  • «Төлкө» — Н. Золотарев-Якутскай (2022) — Бороҥнуур Охонооһой;
  • «Бүгүн эбэтэр хаһан да…» — Д. Наумов (2022) — Коробейников;
  • «Кыһыл көмүс хоруоп» — Д. Таас (2022) — Кууһума;
  • «Ойуур» — А. Островскай (2022) — Дьоллоохоп (Счастливцев);
  • «Тулаайах оҕо» — Далан (2023) — Тиэргэн Чоргул;
  • «Ийэ сирэ» — Ч. Айтматов (2023) — Касым;
  • «Андаҕар. Коркин» — У. Захаров (2023) — Коркин Д.П;
  • «Сайылык» — С. Ермолаев — Сиэн Өкөр (2023) — Саастаах[3].

Киинэҕэ оруоллара

  • «Триумф» — режиссер М. Лукачевский (2024) — Дмитрий Коркин;
  • «Призрак» — режиссер К. Тимофеев (2024) — Ефим;
  • «Спид Стар» — режиссер А. Амбросьев (2024) — Сергей Ядреев;
  • «Кэрэни көрбүт» — режиссер Л. Борисова (2022) — Кинээс;
  • «Без названия» (2022) — Мошенник;
  • «Дьулуур» — режиссер В. Макаров (2022) — Эллэй Егорович;
  • «Таксист» — режиссер И. Яковлев (2021) — Мошенник;
  • «Айта» — режиссер С. Бурнашев (2021) — Николай Сердитов;
  • «Лоокуут уонна Ньургуһун» — режиссер К. Тимофеев (2021) — Баһыкка;
  • «Буран» — режиссер А. Аскаров (2020) — дальнобойщик Илья;
  • «Тиэтэйбит» — режиссер Р. Дорофеев (2020) — Омуннаах Уйбаан;
  • «Нуучча» — режиссер В. Мункуев (2020) — Кинээс;
  • «Айтал» — режиссер В. Мункуев (2020) — Мошенник;
  • «Ыт» — режиссер С. Бурнашев (2020) — Давид;
  • «Мин үрдүбэр күн хаһан да киирбэт» — режиссер Л. Борисова (2019) — Володя;
  • «Ыаллыылар» — режиссер А. Кириллин (2016) — Ковбой;
  • «Дойду» — режиссер С. Потапов (2012) — Кеша;
  • «Арай биирдэ…» — режиссер Р. Дорофеев (2011) — Рудольф Рихардович;
  • «Герои» — режиссер В. Булатов (2011) — Сэнсэй;
  • «Кыһын тымныы эрээри, дьоллоох дьоҥҥо ичигэс» — режиссер Р. Дорофеев (2008) — Ылльаа;
  • «Причуды дождя» — режиссер С. Потапов (2007) — Зоопарк үлэһитэ;
  • «Тыын» — режиссер С. Потапов (2006) — Прокопий;
  • «Ыаллыылар» — режиссер Л. Васильева (1999) — Ковбой;
  • «Түүҥҥү кыыс» — режиссер Г. Багынанов (1997) — Киэсэ[3].

Продюсердаабыт киинэлэрэ

Наҕараадалара уонна ытык ааттара

  • Арассыыйа судаарыстыбаннай бириэмийэтин лауреата (1999);
  • Саха Өрөспүүбүлүкэтин үтүөлээх артыыһа (2008);
  • «Зимний» Арассыыйа авторскай киинэ бэстибээлин «Бастыҥ эр киһи оруола» бирииһин кыайыылааҕа (2022)[1].

Дьиэ кэргэнэ

Төрөппүттэрэ Зоя Сергеевна уонна Егор Иннокентьевич Луковцевтар — Баайаҕа олохтоохторо. Үс ини-биилээҕиттэн, улахан убайдара эдэр сааһыгар олохтон туораабыт. Кэргэннээх, икки уол оҕолоох[1].

Быһаарыылар

  1. ↑ 1 2 3 4 5 6 Иннокентий Луковцев (рус.). Кино-театр.ру (24 Тохсунньу 2026).
  2. ↑ 1 2 Иннокентий Луковцев: «Между мэтрами возник спор из-за моего роста» (рус.). Эхо Столицы (24 Тохсунньу 2026).
  3. ↑ 1 2 3 4 5 6 Актеры: Луковцев Иннокентий (рус.) (24 Тохсунньу 2026).
  4. ↑ Встреча с артистом: Иннокентий Луковцев (рус.). Национальная библиотека Якутии (24 Тохсунньу 2026).
  5. ↑ Якутский кинематограф вновь удивил своего зрителя (рус.). Сигэнии күнэ: 24 Тохсунньу 2026.
  6. ↑ Иннокентий Луковцев (рус.). КиноПоиск. Сигэнии күнэ: 24 Тохсунньу 2026.

Эбии бу тиэмэҕэ

Категориялар