Нуучча тылынанАнал бырайыактар
Тылы уларыт
УРУБИИКИ ТУҺУНАН

Аммосов Айаал Александрович

Айаал Александрович Аммосов (1975 сыл бэс ыйын 18 күнэ, Сунтаар, Саха АССР) — Арассыыйа култууратын диэйэтэлэ, тыйаатыр уонна киинэ артыыһа, Былатыан Ойуунускай аатынан Саха академическай тыйаатыр артыыһа.

Олоҕун олуктара

1975 сыллаахха бэс ыйын 18 күнүгэр Сунтаар улууһун Сунтаар сэлиэнньэтигэр төрөөбүтэ[1][2]. 1992 сыллаахха Сунтаар 1 №-дээх орто оскуолатын бүтэрбитэ.

1996 сыллаахха Өрөспүүбүлүкэтээҕи култуура уонна ускуустуба колледжын тыйаатыр устуудьуйатын бүтэрбитэ[1][2]. 2007 сыллаахха Илин Сибиирдээҕи култуура уонна ускуустуба судаарыстыбаннай академиятын (Улан-Удэ куорат) «тыйаатыр артыыһа» идэтинэн үөрэнэн бүтэрбитэ[1][3].

1996 сылтан Былатыан Ойуунускай аатынан Саха академическай тыйаатырыгар артыыһынан үлэлиир[1][2].

2016 сылтан — «Арассыыйа Федерациятын Тыйаатыр үлэһиттэрин сойууһа» Бүтүн Арассыыйатааҕы уопсастыбаннай тэрилтэ Саха сиринээҕи салаатын — СӨ Тыйаатыр үлэһиттэрин сойууһун бэрэссэдээтэлэ[2][3]. Бу дуоһунаска 2026 сыл кулун тутар 30 күнүгэр салаа Х Сийиэһигэр хат талыллыбыта[4].

Айар үлэтэ

Тыйаатыр сыанатыгар аан бастаан устудьуоннуур сылларыгар Ч. Айтматов «Ийэ сирэ» испэктээгилигэр Джайнак оруолугар тахсыбыта[3].

Турцияҕа (2000), Францияҕа (2001), Монголияҕа (2005) тыйаатыр бөлөҕүн кытта гастроллаабыта. Москва, Санкт-Петербург куораттарга Саха сирин култууратын уонна ускуустубатын Күннэрин кыттыылааҕа (2002), Японияҕа ЭКСПО-2005 Аан дойдутааҕы быыстапка култуурунай бырагырааматын кыттыылааҕа. Улан-Удэ куоракка буолбут I Норуоттар икки ардыларынааҕы «Хаарыан хампа күөх кытылым» көс тыйаатырдар бэстибээллэрин кыттыылааҕа (2005)[2][3].

Репертуарыгар 20-тэн тахса туруорууга сүрүн оруоллары толорор, олор ортолоругар:

  • Джайнак - «Ийэ сирэ», Ч. Айтматов;
  • Эдгар - «Илиир хоруол», В. Шекспир;
  • Уйбаан - «Олох дьэбэрэтэ», А. Софронов;
  • Алексий аҕабыыт - «Одиссея инока Якутского», В. Федоров;
  • Күн Эрили – олоҥхо - «Кыыс Дэбилийэ»;
  • Мыччыкаан - «Наара Суох», И. Гоголев;
  • Лоокуут - «Лоокуут уонна Ньургуһун», Т. Сметанин;
  • Зек – «Сэттис аанньал», Сиэн Өкөр;
  • Анатолий - «Эргиллиэм хайаан да», В. Васильев-Харысхал;
  • Тони - «Свободы жаркий день», Суорун Омоллоон;
  • Поэт - «Кэрэни көмүскээн», И. Гоголев;
  • Кырбый – «Кустук», Н. Лугинов;
  • Принц - «Золушка», Е. Шварц;
  • Джамуха - «Чыҥыс Хаан ыйааҕынан», Н. Лугинов;
  • Рассказчик, Великий шаман - «Хаарыан хампа күөх кытылым», Ч. Айтматов;
  • Мохсогол - «Дыгын Дархан», И. Гоголев;
  • Долооноп - «Хара кыталык», И. Гоголев;
  • Пала - «Икки кыл энэлгэнэ», А. Ооржак;
  • Константин – «Бырастыы гын, аҕаа!», В. Васильев;
  • Харысхал, Баьыйаан - «Тиит», У. Шекспир;
  • Николай Кондаков - «Учуутал», В. Харысхал уо. д. а.

Киинэҕэ үлэтэ

Артыыс быһыытынан

  • 2004 — Любовь моя
  • 2009 — Тайна Чингис
  • 2011 — Орда
  • 2013 — Дьикти саас
  • 2016 — Ыаллыылар
  • 2016 — Сайсары күөлгэ
  • 2017 — Сааскы кэм
  • 2017 — Кэрэл
  • 2020 — Сулус
  • 2023 — Бүгүн-былыр 2
  • 2026 — Сайылыкка

Ону таһынан, «Саха» национальнай көрдөрөр-иһитиннэрэр хампаанньатын бырайыактарыгар — «Ыаллыылар» (реж. Л. Л. Васильева) уонна «Ааспыт ааспат амтана» (реж. М. Д. Платонова) телесериалларга уһуллубута[2].

Наҕараадалара уонна ытык ааттара

Быһаарыылар

  1. ↑ 1 2 3 4 5 Аммосов Айаал Александрович (рус.). Кино-Театр.Ру. Сигэнии күнэ: 24 Бэс ыйын 2026.
  2. ↑ 1 2 3 4 5 6 7 8 Аммосов Айаал Александрович (рус.). Национальная библиотека Республики Саха (Якутия). Сигэнии күнэ: 24 Бэс ыйын 2026.
  3. ↑ 1 2 3 4 5 6 Председатель Союза театральных деятелей Якутии (рус.). Союз театральных деятелей Республики Саха (Якутия). Сигэнии күнэ: 24 Бэс ыйын 2026.
  4. ↑ Избраны председатели Якутского и Ростовского региональных отделений СТД РФ (рус.). Союз театральных деятелей Российской Федерации. Сигэнии күнэ: 24 Бэс ыйын 2026.

Эбии бу тиэмэҕэ

Категориялар