Нуучча тылынанАнал бырайыактар
Тылы уларыт
УРУБИИКИ ТУҺУНАН

Любовь Борисова

Любовь Пантелеймоновна Борисова (1982 сыл олунньу 8 күнэ) — Арассыыйа киинэ режиссера, сынарыыс, продюсер.

«Мин үрдүбэр күн хаһан да киирбэт» уонна «Кэрэни көрбүт» киинэлэр ааптардара.

Олоҕун олуктара

1982 сыл олунньу 8 күнүгэр төрөөбүтэ[1][2].

2004 сыллаахха Саха судаарыстыбаннай университетын Үп-экэниэмикэ институтун «Аан дойду экэниэмикэтэ» идэтинэн үөрэнэн бүтэрбитэ[2][3].

2011 сылга диэри баан эйгэтигэр үлэлээбитэ.

2011 сылтан киинэ эйгэтигэр режиссёр көмөлөһөөччүтүнэн, иккис режиссёрунан үлэлээн саҕалаабыта[2][3].

2023 сыллаахха Арктикатааҕы култуура уонна ускуустуба судаарыстыбаннай институтугар квалификацияны үрдэтэр бырагырааманы ааспыта. Бу институкка «Сценарий суруйуутун маастарыстыбата» диэн дисциплинаны үөрэтэр[4].

Айар үлэтэ

«Киноклуб» уонна «Киношкола» бырайыактар ааптардара, «Я люблю кино» киинэ оскуолатын куратора[3].

Режиссёр быһыытынан бастакы үлэтэ — Николай Лугинов «Таас тумус» сэһэнигэр олоҕуран суруллубут сынаарыйынан уһуллубут «Мин үрдүбэр күн хаһан да киирбэт» (нууч. «Надо мною солнце не садится», 2019) кэмиэдьийэлээх дыраама. Киинэ Москватааҕы норуоттар икки ардыларынааҕы киинэ бэстибээлин күрэх бырагырааматыгар киирбитэ (2019)[3][5]. Онно көрөөччүлэр биһирэбиллэрин бирииһин уонна бастыҥ киинэ иһин бирииһи ылбыта[6].

«Кэрэни көрбүт» (нууч. «Не хороните меня без Ивана», 2022) киинэ Арассыыйа Федерациятын Култууратын министиэриэстибэтин үбүнэн өйөбүлүнэн уһуллубута («Сахафильм» киинэ хампаанньата, 20 млн солкуобай). Киинэ тахсыыта Саха АССР 100 сылыгар анаммыта[6]. Хартыына «Зимний» ааптарскай киинэ бэстибээлин кыайыылааҕа буолбута[6].

Бырайыактара

Режиссёр быһыытынан

  • 2019 — Мин үрдүбэр күн хаһан да киирбэт
  • 2022 — Кэрэни көрбүт

Сценарист быһыытынан

  • 2019 — Мин үрдүбэр күн хаһан да киирбэт
  • 2021 — Тымныы көмүс
  • 2021 — Дьулуур: мас тардыһыыта
  • 2022 — Кэрэни көрбүт
  • 2024 — Хаар куйаар номохторо
  • 2024 — Мин аатым Таптал
  • 2024 — Кыталыктаах кырдалым

Продюсер быһыытынан

  • 2021 — Бөртөлүөт

Наҕараадалара уонна ытык ааттара

  • Саха Өрөспүүбүлүкэтин ускуустубатын үтүөлээх үлэһитэ (2023)[6];
  • «Мин үрдүбэр күн хаһан да киирбэт» киинэтин иһин Москватааҕы норуоттар икки ардыларынааҕы киинэ бэстибээлин көрөөччүлэр биһирэбиллэрин бирииһэ (2019)[6];
  • «Мин үрдүбэр күн хаһан да киирбэт» киинэтин иһин Москватааҕы норуоттар икки ардыларынааҕы киинэ бэстибээлин бастыҥ киинэ иһин бирииһэ (2019)[6];
  • Выборг куоракка буолбут «Европаҕа түннүк» («Окно в Европу») киинэ бэстибээлигэр «Выборгский счёт» куонкуруска «Мин үрдүбэр күн хаһан да киирбэт» киинэтин иһин 3-с миэстэ (2019)[3].

Дьиэ кэргэнэ

  • Аҕата — Пантелеймон Михайлович Борисов, маастар-уус уонна хомусчут;
  • Ийэтэ — Татьяна Семёновна, Үөһээ Бүлүүтээҕи норуодунай тыйаатыр режиссёра;
  • Үс бииргэ төрөөбүттэрдээх (биир кыыс уонна икки уол)[7].

Быһаарыылар

  1. ↑ Любовь Борисова (рус.). КиноПоиск. Сигэнии күнэ: 24 Бэс ыйын 2026.
  2. ↑ 1 2 3 Борисова Любовь Пантелеймоновна (рус.). ПрофиСинема. Сигэнии күнэ: 24 Бэс ыйын 2026.
  3. ↑ 1 2 3 4 5 Любовь Борисова (рус.). Кино-Театр.Ру. Сигэнии күнэ: 24 Бэс ыйын 2026.
  4. ↑ Преподаватели АГИКИ (рус.). Арктический государственный институт культуры и искусств. Сигэнии күнэ: 24 Бэс ыйын 2026.
  5. ↑ Любовь Борисова (рус.). Вокруг ТВ. Сигэнии күнэ: 24 Бэс ыйын 2026.
  6. ↑ 1 2 3 4 5 6 Режиссёр Любовь Борисова стала заслуженным деятелем искусств Якутии (рус.). Sakhaday. Сигэнии күнэ: 24 Бэс ыйын 2026.
  7. ↑ Любовь Борисова: Мы работаем не ради красных дорожек. И не ради денег (рус.). YSIA.RU. Сигэнии күнэ: 24 Бэс ыйын 2026.

Эбии бу тиэмэҕэ

Категориялар