Спид Стар
«Спид Стар» — 2025 сыллааҕы Алексей Амбросьев режиссердаах саха драматическай киинэтэ.
Айыы устуоруйата
Киинэ дьиҥнээх Cпид Cтap (ааҥл. Speed Star) диэн ааттаах ат устуоруйатыгар олоҕурар. Бу ат үс сыл кэккэлэччи Бэрэсидьиэн бириэмийэтин сүүрдүүтүгэр кыайбыта[1].
2021 сыллаахха киинэҕэ үлэ саҕаламмыта, сотору Саха Өрөспүүбүлүкэтин култууратын министиэристибэтин 4,8 мөлүйүөн солкуобай субсидия биэрбитэ[1].
Сүжет
2009 сыл, Дьокуускай. Сүүрдүүгэ кыттар туһугар, Спид Стар диэн атыыр сылгы олохтоох көнньүүһүнэҕэ аҕалыллар. Онно доҕоттор Егор уонна Коля үлэлииллэр. Егор, үөрэҕин быраҕан баран, көнньүүһүнэҕэ олорор уонна аттары өйдүүргэ дьулуһар, кинилэртэн уоскулаҥы, кэрэни булар. Коля, төттөрүтүн, харамайдар эт-хаан хаачыстыбаларын эрэ көрөр. Инструктор Марина көстүүтэ кини уонна Егор икки ардыларыгар таптал үөскүүрүгэр тириэрдэр. Чемпион буоларга дьулуһан, Егор ис уонна тас ыспытаанньалары көрсөр, дьоҕурун дакаастыырга дьулуһар[2].
Оруолларга
| Артыыс | Оруол |
|---|---|
| Павел Ченянов | Егор |
| Иннокентий Луковцев | Коля |
| Айталина Цыпандина | Марина |
| Изабелла Николаева | Егор ийэтэ |
| Алексей Павлов | Егор аҕата |
Киинэҕэ өссө Айнцер Гут диэн боруода сүүрүк ат көстөр, кини Спид Стар оруолун толорбута[3]. Ат өр кэмҥэ атаҕын бааһыттан күрэхтэһиилэргэ кыайан кыттыбатаҕа, икки сыл Мэҥэ Хаҥаласка идэһэҕэ барар дьылҕаланан атыыга турбута[4]. Степан Порядин сүүрүк аты 100 тыһ солкуобайга ылбыта[1].
Уһулар бөлөх
- Режиссёр: Алексей Амбросьев балыс
- Сценарист: Алексей Амбросьев балыс
- Дойду: Арассыыйа
- Жанр: драма, спорт
- Продюсер: Степан Порядин
- Оператордар: Семён Аманатов, Айтал Никитин, Серафим Фёдоров
- Композитордар: Андрей Федоров, Мичил Мекумянов
- Худуоһунньук Валерий Саввин
- Монтаж: Петр Хики, Анна Захарова
- Арассыыйаҕа премьера: 2025 сыл кулун тутар 27 күнэ