Степанов Тимофей Андреевич

1943 сыл сэтинньи 22 күнүгэр Сунтаар оройуонугар Күндэйэ бөһүөлэккэ төрөөбүт. Тулаайах улааппыт, оҕо дьиэлэригэр иитиллибит.

Үлэтин 1958 сылтан саҕалаабыт. Элгээйи сопхуоска үс сыл ыанньыксыттаабыт, ньирэй көрбүт, уу баспыт, масчытынан сылдьыбыт.

1968 сыллаахха Дьоуускайдааҕы художественнай училищены бүтэрбит.

1970 сыллаахха Ленинградка Репин аатынан живопись, скульптура уонна архитектура институтугар киирбит, 1977 с. бүтэрбит.

М. Ф. Габышев аатынан ойуулуур-дьүһүннүүр ускуустуба бастакы дипломнаах реставратора.

Бастакы тус (персональнай) быыстапката 1983 сыллаахха Дьокуускайга буолбута.

1984 с. — Чита, онтон Санкт-Петербург, Томскай, Нүөрүҥгүрү.

1991 сыллаахтан ССРС худуоһунньуктарын сойууһун чилиэнэ.

1992 с. Илин түмэлигэр (Музей Востока) Москубаҕа тус быыстапката буолбута. Сүрүн айар тиэмэтэ: саха норуотун устуоруйата, номохтор, олоҥхо.

2005 сыллаахха алтынньы 20 күнүгэр, ыараханнык ыалдьан, олохтон туораабыта.

• Тыгын ааһан эрэр кэмэ (1981)
• Орто Дойду. Ыһыах (1980)
• «Ыра кынатыгар» (1986)
• «Дьылҕа, Таҥха, Билгэ» (1994—1997)
• «Одун, Чынгыс» (1994—1997)
• «Кут-сүр» (триптих)

• Саха Өрөспүүбүлүкэтин норуодунай худуоһунньуга (1993);
• Саха АССР Үрдүкү Сэбиэтин Ытык грамотата;
• Саха Өрөспүүбүлүкэтин Ытык грамотата;
• ССРС культуратын туйгуна;
• Сунтаар улууһун Ытык олохтооҕо.