Носов Михаил Михайлович

• 1887 сыл алтынньы 3 күнүгэр Мэҥэ-Хаҥалас улууһун Дьабыл нэһилиэгэр төрөөбүт.
• 1908—1920 сыллардаахха Чычымах, Чурапчы, Амма оскуолаларыгар учуутал, ону таһынан билим-чинчийэр уонна уус-уран үлэтин саҕалаабыт.
• 1920 сыллаахха Амма ревкомын сэкирэтээрэ.
• 1921—1922 сылларга Саха АССР холуобунай көрдөөһүн следователэ.
• 1922—1925 сылларга Саха АССР Сүрүн Суутун следователэ.
• 1925—1928 сылларга Саха АССР доруобуйа харыстабылын наркоматыгар үлэлиир, ону таһынан Дьокуускайга Иккис хардыы оскуолатыгар учууталлыыр уонна чинчийэр үлэтин салҕаабыт.
• 1928—1933 сылларга Дьокуускай медицина техникумугар преподаватель.
• 1933—1947 сылларга Саха АССР Совнаркомын уус-уран Салалтатыгар үлэлиир, ону таһынан Саха АССР Госиздатыгар иллюстратор-худуоһунньук.
• 1947 сылтан ССРС НА Саха сиринээҕи филиалын Тыл, литература уонна история институтугар үлэлээбит.
• 1960 сыл от ыйын 27 күнүгэр өлбүт^[1][2][3].

Живописец уонна график, этнограф быһыытынан былыргы саха материальнай культуратын уонна прикладной ускуустубатын чинчийиигэ уонна хомуйууга сүҥкэн оруоллаах. Сүрүн үлэлэрэ:

• «Якуты XVII века. Ысыах», акварель.
• «Якутия в народном эпосе», акварель.
• «Материальная культура якутов XVII — нач. XX века». Биэс томнаах атлас.
• «Одежда и её украшения у якутов XVII—XVIII веков», 1 вып. — Якутск, 1955.
• «Эволюционное развитие якутской одежды с конца XVII столетия до 1920-х годов», 2 вып. — Якутск, 1957^[4][2].

• ССРС худуоһунньуктарын Сойууһун чилиэнэ (1941);
• Саха АССР норуодунай худуоһунньуга (1946);
• РСФСР ускуустубатын үтүөлээх үлэһитэ (1957)^[1].