Осипов Афанасий Николаевич

Горнай улууһун 2-с Эргис (Мытаах) нэһилиэгэр олунньу 28 күнүгэр 1928 сыллаахха төрөөбүтэ.

1945 с. Дьокуускайга потребкооперация техникумун, 1955 с. В. И. Суриков аатынан Государственнай художественнай институуту бүтэрбитэ. «Ойууну үүрүү» (1957) диэн бастакы дьоһуннаах үлэтэ дьон-сэргэ, былаас биһирэбилин ылбыта.

А. Н. Осипов тус быыстапкалара Братиславаҕа, Харбииҥҥа, Прагаҕа, Улан-Баатарга буолуталаабыттара, хартыыналара Мюнхен, Токио, Берлин быыстапкаларыгар көрдөрүллүбүттэрэ. Худуоһунньук үлэлэрэ Третьяковскай галереяҕа, Арассыыйа үгүс куораттарын музейдарыгар бааллар.

• «Табаһыттар бырааһынньыктара»
• Саха Сирин норуодунай суруйааччылара Амма Аччыгыйа, Күннүк Уурастыырап, Суорун Омоллоон, Эллэй бөлөҕүнэн мэтириэттэрэ
• «Төрөөбүт дойдуга» триптих
• «Сылгыһыттар»
• «Үрүҥ түүн»
• «Гоби ырыата»
• «Ыһыах»
• «Муҥха»
• «Алексей Кулаковскай (Өксөкүлээх)»

• Саха АССР искусствотын үтүөлээх диэйэтэлэ (1962)
• РСФСР үтүөлээх худуоһунньуга (1968)
• И. С. Репин аатынан судаарыстыбаннай бириэмийэ лауреата (1987) («Муҥха» хартыынатын иһин)
• ССРС норуодунай худуоһунньуга (1988)
• Саха Өрөспүүбүлүкэтин норуодунай худуоһунньуга
• Саха Сирин комсомолун бириэмийэтин лауреата
• Россия художествоҕа Академиятын дьиҥнээх чилиэнэ
• Саха Өрөспүүбүлүкэтин Ытык гражданина (2000)^[2]
• Горнай улууһун Ытык олохтооҕо^[3]

• 2018 сыллаахха Саха Өрөспүүбүлүкэтин Национальнай уус-уран түмэлигэр Афанасий Осипов төрөөбүтэ 90 сылыгар аналлаах айымньыларын быыстапката буолан ааспыт;
• Ол сыл Горнай улууһун Бэрдьигэстээх орто оскуолатыгар А. Н. Осипов аата иҥэриллибитэ^[4];
• 2023 сыллаахха бу оскуолаҕа А. Н. Осипов бюһун туруорбуттар^[5].