Спиридонов Юрий Васильевич
Спиридонов Юрий Васильевич (төр. 1952 сыл ыам ыйын 28 күнэ) — саха норуодунай худуоһунньуга.
Олоҕун олуктара
Юрий Спиридонов 1952 сыллаахха ыам ыйын 28 күнүгэр Анаабыр улууһун Үрүҥ Хайа сэлиэнньэтигэр төрөөбүтэ.
1979 сылга Ленинградтааҕы Герцен аатынан судаарыстыбаннай педагогика инстутуутун уус-уран уонна графика салаатын бүтэрбитэ[1].
1993 сылтан «Үргэл» диэн арт-галерея дириэктэрэ[2].
1997 сылтан 2000 сылга диэри Саха сирин худуоһунньуктарын сойууһун бырабылыанньатын бэрэссэдээтэлин солбуйааччынан талыллар, 2002 сылтан 2017 сылга диэри Саха сирин худуоһунньуктарын сойууһун бырабылыанньатын бэрэссэдээтэлинэн үлэлээбитэ.
2012 сылга худуоһунньук тус быыстапката Москваҕа Арассыыйа Федерациятын Федеральнай Мунньаҕын Сэбиэтигэр буолбута[3].
Айар үлэтэ
Юрий Спиридонов дьоҕура көрбүтүн бэйэтин санаатын кытта сатаан дьүөрэлииргэ ордук көстөр.
2022 сылга «Үргэл» арт-галереяҕа худуоһунньук үбүлүөйүгэр аналлаах быыстапка ааспыта. Юрий Спиридонов «Саха АССР 100 сыла» бэлиэнэн наҕараадаламмыта.
Үлэлэрэ
- Күһүн. Түүн (1985)
Наҕараадалара уонна ытык ааттара
- Арассыыйа Федерациятын үтүөлээх худуоһунньуга;
- Саха Өрөспүүбүлүкэтин норуодунай худуоһунньуга[4] (2011);
- Саха Өрөспүүбүлүкэтин ускуустубатын үтүөлээх деятелэ;
- «За заслуги перед Севером» мэтээл[4] (Саха Өрөспүүбүлүкэтин аҕыйах ахсааннаах төрүт хоту норуоттарын Ассоциациятын наҕараадата) (2012);
- «Саха АССР 100 сыла» бэлиэ (2022).
.svg){kind=small}