Бороҕон (Уус-Алдан улууһа)

Дьокуускайтан 127 км хотугулуу-илин сытар. Нэһилиэк Мүрү диэн аан дойдуга саамай улахан алааска турар.

Улуус киинин быһыытынан Мүрү алаас (Томтор сирэ) 1805 сыллаахха бигэргэтиллибитэ. Улуус дьаһалтата, таҥара дьиэтэ, оскуола, олорор уонна хаһаайыстыбаннай тутуулар дьэндэспиттэрэ. XX үйэ 30-с сылларыгар улаатан испит нэһилиэк хайаттан түһэн, күөл хочотугар тутуллан барбыта.

1936 сылга кэм ирдэбилигэр эппиэттиир аныгы уонна киэҥ оскуола, балыыһа, киинэ тыйаатыра, кулууп тутуллубуттара. Сэрии иннинээҕи нэһилиэк тутууларыттан билиҥҥи кэмҥэ диэри арай балыыһа дьиэтэ эрэ хаалбыт (нэһилиэк арҕаа өттүгэр).

XX үйэ 80-с сылларыгар бибилэтиэкэлээх, ону тэҥэ дьиэ иһигэр баар кыраайы үөрэтэр түмэллээх кулууп умайбыта. XX үйэ 90-с сылларыгар маҥнайгы таас элбэх кыбартыыралаах тупсаҕай дьиэни тутууга сэлиэнньэ ураты тыйаатырын дьиэтин көтүрбүттэрэ.

Гражданскай сэрии дьоруойа Г. В. Егоров салалтатынан тутуллубут Мүрү 1 №-дээх орто оскуолатын дьиэтэ эмиэ улуус олохтоохторун санаатын утаран көтүрүллүбүтэ.

• Уус-Алдан улууһа
• Мүрү нэһилиэгэ (Уус-Алдан улууһа)