Нуучча тылынанАнал бырайыактар
Тылы уларыт
УРУБИИКИ ТУҺУНАН

Басыгысов Виталий Николаевич

Вита́лий Никола́евич Басыгы́сов (нууч. Басыгысов, Виталий Николаевич; 1946 сыл кулун тутар 1 күнэ, Тас-Юрях[d], Саха АССР) — Арассыыйа уонна Саха сирин политическай, уопсастыбаннай диэйэтэлэ, Саха Өрөспүүбүлүкэтин Ил Түмэн Судаарыстыбаннай мунньаҕын IV ыҥырыытын бэрэссэдээтэлэ.

Олоҕо

1946 сыллаахха кулун тутар 1 күнүгэр Саха АССР Мииринэй оройуонугар Таас-Үрэх бөһүөлэккэ төрөөбүтэ.

1970 сыллаахха В. В. Вахрушев аатынан Свердловскайдааҕы хайа инстутутун бүтэрбитэ, хайа инженер-технолога идэни баһылаабыта.

1970 сылтан 1983 сылга диэри Саха сиринээҕи «Якуталмаз» тэрилтэҕэ производственнай дуоһунастарга сылдьыбыта.

1970—1978 сылларга — силиэсэр, маастар, үрдүкү маастар, 3 №-дээх алмааһы байытар фабрикаҕа үрдүкү технолог.

1978—1979 сылларга — «Удачный» рудникка техническэй салаа салайааччытын солбуйааччы.

1979—1983 сылларга — байытар сыах салайааччыта, сиртэн хостонор минеральнай сырьену байытыы сыаҕын салайааччы, 3№-дээх фабрикаҕа үрдүкү маастар.

1983—1991 сылларга — баартыйа үлэтинэн: «Якуталмаз» тэрилтэҕэ баартыйа үлэтин сэкэрэтээрэ, КПСС Саха сиринээҕи обкомун инструктора.

1991—1993 сылларга — Саха Өрөспүүбүлүкэтин промышленноска, тутууга, тырааныспарка судаарыстыбаннай тэрилтэлэр ассоциацияларын генеральнай дириэктэрин солбуйааччы.

1993—1999 сылларга — Саха Өрөспүүбүлүкэтин Мииринэй оройуонун баһылыга.

1999 сыл ахсынньы 19 күнүгэр Арассыыйа Федерациятын Судаарыстыбаннай Думатын 20 №-дээх Саха сиринээҕи биир мандаттаах быыбардыыр уокуруктан III ыҥырыытын депутата. «Народный депутат» бөлөх састаабыгар киирэр, айылҕаны туһаныы уонна айылҕа ресурсалара Кэмитиэт бэрэссэдээтэлин солбуйааччынан ананар. "Норуот партията " Саха сиринээҕи салаатын бэрэссэдээтэлэ[1].

2003 сыл ахсынньы 7 күнүгэр 21 №-дээх Саха Сиринээҕи быыбардыыр уокуруктан Арассыыйа Федерациятын Судаарыстыбаннай думатын IV ыҥырыытыгар өссө биирдэ талыллар. Айылҕаны туһаныы уонна айылҕа ресурсалара Кэмитиэт бэрэссэдээтэлин солбуйааччы, күндү таастар уонна металлар кэмитиэт иһинэн баар кэмитиэккэ бэрэссэдээтэллиир.

2008 сыл кулун тутар 2 күнүгэр Саха Өрөспүүбүлүкэтин Ил Түмэн Судаарыстыбаннай мунньаҕар норуот депутатынан талыллар.

2008 сыл кулун тутар 20 күнүгэр Саха Өрөспүүбүлүкэтин Судаарыстыбаннай мунньаҕын Бэрэссэдээтэлинэн талыллар.

Наҕараадалара уонна ытык ааттара

  • Арассыыйа Федерациятын Федеральнай Мунньаҕын Судаарыстыбаннай думатын Бочуоттаах бэлиэтэ «За заслуги в развитии парламентаризма» (2009 сыл, ахсынньы 17 күнэ) — за особый вклад в развитие законодательства Российской Федерации и парламентаризма в Российской Федерации[2];
  • «За заслуги перед Отечеством» II степеннээх уордьан кавалера (2007 сыл, сэтинньи 8 күнэ) — за заслуги в законотворческой деятельности, укреплении и развитии российской государственности[3];
  • Саха Өрөспүүбүлүкэтин норуотун хаһаайыстыбатын Үтүөлээх үлэһитэ (2001 сыл, олунньу 28 күнэ) — за заслуги в социально-экономическом развитии республики и многолетнюю добросовестную работу[4];
  • Саха Судаарыстыбаннай университетын Бочуоттаах профессора (1999 сыл, тохсунньу 27 күнэ) — за большой вклад в открытие Мирнинского филиала ЯГУ, за активное участие в учебном процессе, в подготовке специалистов алмазодобывающей промышленности[5];
  • Доҕордоһуу уордьана (1995 сыл, от ыйын 22 күнэ) — за заслуги перед государством, успехи, достигнутые в труде, большой вклад в укрепление дружбы и сотрудничества между народами[6].
  • «Хотугу Сулус» уордьан, Саха Өрөспүүбүлүкэтэ (2013)[7]
  • Мииринэй оройуонун Бочуоттаах олохтооҕо[8]

Быһаарыылар

  1. ↑ Народная партия Российской Федерации Геннадий Гудков Защита народа в ГД РФ. web.archive.org (6 Кулун тутар 2005). Сигэнии күнэ: 12 Сэтинньи 2025. Архивировано из оригинала 6 Кулун тутар 2005 года.
  2. ↑ Протокол заседания Совета Государственной Думы Федерального Собрания Российской Федерации от 17 декабря 2009 г. № 161
  3. ↑ Указ Президента Российской Федерации от 8 ноября 2007 г. № 1476
  4. ↑ Указ Президента Республики Саха (Якутия) от 28 февраля 2001 г. № 1356
  5. ↑ Решение Учёного совета Якутского государственного университета от 27 января 1999 г.
  6. ↑ Указ Президента Российской Федерации от 22 июля 1995 г. № 749
  7. ↑ Кавалеры Ордена Республики Саха (Якутия) "Полярная звезда" - список награжденных. Официальный информационный Портал Республики Саха (Якутия). Сигэнии күнэ: 12 Сэтинньи 2025. Архивировано 3 Сэтинньи 2013 года.
  8. ↑ Почётные граждане Мирнинского района. 2012-2020 Наименование СМИ: алмазный-край.рф.. Сигэнии күнэ: 12 Сэтинньи 2025. Архивировано 19 От ыйын 2014 года.

Сигэлэр

Эбии бу тиэмэҕэ

Категориялар