Нуучча тылынанАнал бырайыактар
Тылы уларыт
УРУБИИКИ ТУҺУНАН

Легантьева Татьяна Геннадьевна

Легантьева Татьяна Геннадьевна (1981 сыл бэс ыйын 4 күнэ, Лиэнскэй, Саха АССР) — тыйаатыр уонна киинэ артыыһа. П. А. Ойуунускай аатынан академическай Саха тыйаатырын артыыһа.

Олоҕун олуктара

1981 сыллаахха бэс ыйын 4 күнүгэр[1] (атын дааннайдарынан — муус устар 6 күнүгэр[2] эбэтэр атырдьах ыйын 6 күнүгэр[3]) Ленскэй куоракка[4] төрөөбүт.

Ленскэй улууһун Чамча орто оскуолатыгар үөрэммит. Оскуолаҕа ордук математика уонна уруһуй уруоктарын сөбүлүүр эбит[5].

1998—2002 сс. Арассыыйа Судаарыстыбаннай академическай Кыра тыйаатырын иһинэн М. С. Щепкин аатынан Үрдүкү Москубатааҕы тыйаатыр училищетын саха устуудьуйатын бэһис хомуурун иһинэн «драма тыйаатырын уонна киинэ артыыһа» идэҕэ үөрэммит[3].

2002 сылтан П. А. Ойунскай аатынан Саха Академическай тыйаатырын артыыһа[3].

Айар үлэтэ

Тыйаатырга оруоллара

  • Настаа — С. Омоллоон «Ороһуоспа киэһэ»;
  • Таня Монастырева — И. Гоголев «Кэрэ көмүскэлигэр»;
  • Бөртө — Н. Лугинов «Чыҥыс Хаан ыйааҕынан»;
  • Туллук — И. Гоголев «Дыгын Дархан»;
  • Музлук — Ч. Айтматов «Хаарыан хампа күөх кытылым»;
  • эдэр ийэ — Л. Иванова-Гримм «Үрүҥ күн сырдыга…»;
  • үөрэнээччи — В. Харысхал «Учуутал»;
  • Куруунньа — А. Дойду «Мэҥэ халлаан оҕото Манчаары Баһылай»;
  • Альма — И. Бергман «Альберти циркэтэ»;
  • Мэндэк — П. Ламутскай «Сир иччитэ»;
  • Маарыйа — Н. Неустроев «Тиэтэйбит»;
  • актриса — В. Харысхал «Тэпсиллибэт үтүө аат»;
  • Алтынай Тимирканова — Н. Лугинов «Максим»;
  • учуутал Кэтэриинэ — Д. Таас «Кыһыл көмүс хоруоп»;
  • Мара-Маара — Л. Пиранделло «Хайа аарымалара»;
  • Ааныс — П. Ойуунускай «Ыраахтааҕы ыйааҕа»;
  • Күннэй — В. Федоров «Апостол государев»[6].

Киинэҕэ оруоллара

Киинэҕэ аан бастаан 2001 сыллаахха уһуллубут: Эстония режиссера Арво Ихо «Сердце медведицы» киинэтигэр тэттик оруолу толорбут (сүрүн оруолу эмиэ бэһис устуудьуйа үөрэнээччитэ Ильяна Павлова толорбут)[7].

2010-с сылларга хас да саха киинэтигэр уһуллубут: «Тыал баарын тухары» (2010), «Лыах» (2012), «Атын олох» (2015), «Сайсары күөлгэ» (2016)[6].

2019 сыллаахха Алексей Забелин «Уроборос» диэн кылгас кээмэйдээх киинэтигэр сүрүн оруолу толорбут. Киинэ «MystiCon Independent Film Festival» Америка фестивалыгар «Бастыҥ омук киинэтэ» номинацияҕа наҕарааданы ылбыт[4].

2023 сыллаахха «Дикая» диэн Арассыыйатааҕы таһымнаах киинэҕэ тэттик оруолга уһуллубут[8].

2025 сыл олунньутугар тахсыбыт «Мин аатым Таптал» диэн киинэҕэ сүрүн оруолу толорбут. Бу оруол иһин VIII Дьокуускайдааҕы норуоттар икки ардыларынааҕы киинэ фестивалын «Дьахталлар ортолоругар бастыҥ оруол» номинацияҕа кыайбыт. Киинэ режиссера Валентин Макаров кэпсээбитинэн, сценарий анаан-минээн Татьяна Ленатьеваҕа, кини майгытын-сигилитин, олоҕун уопутун учуоттаан туран суруллубут[9].

Ол сыл «Айхал» киинэ тахсыбыт, онно кини сүрүн дьоруой ийэтин оонньообут.

Ону таһынан, 2025 сыл сайыныгар «Айааловна» «Саха» НКИХ 16 сиэрийэлээх сериалыгар уһуллубут. Сериал 2026 сыл тохсунньутугар тахсыбыт[10].

Уһуллубут киинэлэрэ

  • «Сердце медведицы» (2001, режиссер Арво Ихо);
  • «Тыал баарын тухары» (2010, режиссер С. Потапов);
  • «Киһи үөйбэтэх өттүттэн» (2011, режиссер А. Новиков);
  • «Лыах» (2012, режиссер В. Семенов);
  • «Август» (2014, режиссер А. Егоров);
  • «Күрүөйэх» (2014, режиссер С. Бурнашев);
  • «Атын олох» (2015, режиссер С. Бурнашев);
  • «Ыллыктар» (2016, режиссер М. Лукачевскай);
  • «Сайсары күөлгэ» (2016, режиссер К. Марсан);
  • «Кытыл» (2016, режиссер Р. Тараховскай);
  • «Я люблю тебя, Якутск» режиссер Р. Дорофеев);
  • «Сарыал» (2018, режиссер С. Григорьева);
  • «Уроборос» (2019, кылгас кээмэйдээх, режиссер А. Забелин);
  • «Дикая» (2023, режиссер А. Луканев);
  • «Мин аатым Таптал» (2025, режиссер В. Макаров);
  • «Айхал» (2025, режиссер Дь. Андросов)[2][3][6];
  • «Айааловна» (2026, телесериал, режиссер М. Платонова)[10].

Тус олоҕо

Түөрт оҕолоох. Улахан оҕолоро Анна — юрист, Эрхаан — устудьуон. Кыра кыргыттара 2019 уонна 2021 сыл төрүөхтэр[4].

Кэргэнэ — Семен Борисов (1989—2026).

Быһаарыылар

  1. ↑ Татьяна Легантьева (рус.). Yakutia Daily. Сигэнии күнэ: 27 Кулун тутар 2026.
  2. ↑ 1 2 Татьяна Легантьева: фильмы, биография, семья, фильмография — Кинопоиск. Кинопоиск. Сигэнии күнэ: 27 Кулун тутар 2026.
  3. ↑ 1 2 3 4 Татьяна Легантьева (рус.). Кино-Театр.Ру. Сигэнии күнэ: 27 Кулун тутар 2026.
  4. ↑ 1 2 3 Татьяна Легантьева: «К каждой роли я отношусь как к своему ребёнку» (рус.). Литературная Якутия. Сигэнии күнэ: 27 Кулун тутар 2026.
  5. ↑ Известные якутяне в школьной форме (рус.). Вечерний Якутск. Сигэнии күнэ: 27 Кулун тутар 2026.
  6. ↑ 1 2 3 Саха академический театр им. П.А.Ойунского (рус.). web.archive.org. Сигэнии күнэ: 27 Кулун тутар 2026.
  7. ↑ Актёры – Сердце медведицы(биллибэт). Кинориум. Сигэнии күнэ: 27 Кулун тутар 2026.
  8. ↑ Татьяна Легантьева (рус.). Вокруг ТВ. Сигэнии күнэ: 27 Кулун тутар 2026.
  9. ↑ Чудо в кадре и в жизни: Татьяна Легантьева о «Мин аатым Таптал» и своем возвращении на экраны (рус.). Улус.Медиа. Сигэнии күнэ: 27 Кулун тутар 2026.
  10. ↑ 1 2 Утренний Калининград и… неожиданная встреча со сценаристом нашумевшего якутского сериала «Айааловна» (рус.). Улус.Медиа (27 Олунньу 2026).

Эбии бу тиэмэҕэ

Категориялар