Егоров Алексей Алексеевич
Алексей Алексеевич Егоров — Өркөн (1983 сыл олунньу 5 күнэ, Чурапчы, Саха АССР) — Арассыыйа култууратын диэйэтэлэ, тыйаатыр уонна киинэ артыыһа, ырыаһыт, продюсер. 2024 сыллааҕы Арассыыйа Бэрэсидьиэнин быыбарыгар Владимир Путин эрэллээх киһитэ[1].
2023 сылтан — «Сахафильм» киинэ хампаанньатын салайааччыта.
Олоҕун олуктара
1983 сыллаахха олунньу 5 күнүгэр Чурапчы улууһун Чурапчы сэлиэнньэтигэр ырыаһыттар Екатерина уонна Алексей Егоровтар дьиэ кэргэннэригэр бастакы оҕонон төрөөбүтэ[2].
Дьокуускайдааҕы национальнай гимназияны бүтэрбитэ[3].
2002 сыллаахха М. С. Щепкин аатынан Тыйаатыр үрдүкү училищетын «тыйаатыр уонна киинэ артыыһа» идэтинэн бүтэрбитэ. Үөрэҕин бүтэрэн баран Саха сиригэр төннүбүтэ уонна тыйаатырга үлэлээбитэ[4].
2009 сыллаахха Арассыыйатааҕы тыйаатыр ускуустубатын институтун (нууч. ГИТИС) бүтэрэн, тыйаатыр дьыалатын менеджерин идэтин баһылаабыта. 2012 сыллаахха С. А. Герасимов аатынан Бүтүн Арассыыйатааҕы кинематография институтун (нууч. ВГИК) «киинэ уонна телевидение продюсера» идэтинэн бүтэрбитэ. 2015 сыллаахха Арассыыйа Федерациятын бэрэсидьиэнин иһинээҕи норуот хаһаайыстыбатын уонна судаарыстыбаннай сулууспа Арассыыйатааҕы академиятын (нууч. РАНХиГС) «култуура эйгэтигэр салайыы» идэҕэ үөрэҕин түмүктээбитэ[5].
2024 сыл тохсунньутугар Россия Бэрэсидьиэнин быыбарыгар Владимир Путин эрэллээх киһитин быһыытынан бэлиэтэммитэ[5][6][7][8].
Үлэтэ
2015 сылтан 2018 сылга диэри — Саха Өрөспүүбүлүкэтин Судаарыстыбаннай эстрада тыйаатырын дириэктэрэ[9]. Тыйаатыр репертуарын аныгы ирдэбилгэ сөп түбэһэр гына уларыппыта[10]. Сыанаҕа ырыаһыт быһыытынан Өркөн диэн айар аатынан тахсар[5][11]. Арассыыйа араас куораттарыгар, ол иһигэр Москваҕа, кэнсиэрдэрин биэрэр[12].
2018 сыллаахха «Лена» киинэ тыйаатырын дириэктэринэн анаммыта. Киинэ тыйаатыра «Сахафильм» хампаанньаны кытта холбоспутун кэннэ, 2023 сыл бэс ыйын 1 күнүттэн [[Сахафильм|«Сахафильм» судаарыстыбаннай национальнай киинэ хампаанньа салайааччытынан анаммыта[13][14].
Киинэҕэ үлэтэ
Артыыс быһыытынан
- 2007 — Кэскил (Прораб/Военком)
- 2008 — Кыһын тымныы эрээри, дьоллоох дьоҥҥо ичигэс (Араадьыйа ыытааччыта)
- 2009 — Кэскил 2: Матч-реванш (Таксист)
- 2009 — Тайна Чингис Хаана (Бэлгутей, брат Чингис Хаана)
- 2011 — Орда (Бадакюль)
- 2014 — Август
- 2014 — #taptal
- 2015 — Сибэкки
- 2017 — Уол оҕото
- 2018 — Интересная жизнь
- 2022 — Дикий челендж
- 2022 — К.Ц.Ф. — Колл-центр на фрилансе
- 2022 — Почти как все
- 2024 — Спид Стар
- 2024 — Кыталыктаах кырдалым
Режиссёр быһыытынан
- 2007 — Кэскил
- 2009 — Кэскил 2: Матч-реванш
- 2011 — Арай биирдэ
- 2012 — Улыбнись
- 2013 — Кэскил 3: Наследство
- 2014 — Август
- 2022 — Дикий челлендж
Продюсер быһыытынан
- 2007 — Кэскил
- 2008 — Кыһын тымныы эрээри, дьоллоох дьоҥҥо ичигэс
- 2009 — Кэскил 2: Матч-реванш
- 2011 — Арай биирдэ
- 2012 — Улыбнись
- 2012 — Дьикти саас
- 2012 — Юбилей
- 2013 — Эрчим & Ким
- 2013 — Кэскил 3: Наследство
- 2014 — #taptal
- 2015 — Маҥнайгы таптал
- 2024 — Мин аатым Таптал
- 2024 — Хаар куйаар номохторо
Сынарыыс быһыытынан
- 2007 — Кэскил
- 2009 — Кэскил 2: Матч-реванш
- 2011 — Арай биирдэ
- 2015 — Маҥнайгы таптал
Дьиэ кэргэнэ
- Аҕата — Алексей Васильевич Егоров, ырыаһыт уонна композитор, Саха Өрөспүүбүлүкэтин (Саха Сирэ) народнай артыыһа;
- Ийэтэ — Екатерина Борисовна Егорова, ырыаһыт, Саха Өрөспүүбүлүкэтин (Саха Сирэ) народнай артыыһа, РС (Я) үтүөлээх артыыһа;
- Быраата — Андрей Алексеевич Егоров-Харысхан, ырыаһыт[17];
- Кэргэнэ — Изабелла Егорова, киинэ уонна тыйаатыр артыыската[18].
Быһаарыылар
Эбии бу тиэмэҕэ
 |
|---|
