Нуучча тылынанАнал бырайыактар
Тылы уларыт
УРУБИИКИ ТУҺУНАН

Ильяна Павлова

Ильяна Семеновна Павлова (1980 сыл бэс ыйын 12 күнэ, Таймылыыр[d], Саха АССР) — тыйаатыр уонна киинэ артыыската, Былатыан Ойуунускай аатынан Саха академическай тыйаатыр артыыската[1]. Саха Өрөспүүбүлүкэтин үтүөлээх артыыската[2].

Олоҕун олуктара

  • 1980 сыл бэс ыйын 12 күнүгэр Булуҥ улууһун Таймылыыр бөһүөлэгэр күн сирин көрбүт[1];
  • Эбэтэ Мария Павловна Андреева уруккута гимнастка уонна үҥкүүһүт, онтон ийэтэ үҥкүү ансаамбылын салайааччыта буолан, кыра эрдэҕиттэн үҥкүүнэн дьарыктаммыт, араас таһымнаах күрэхтэһиилэргэ ситиһиилээхтик кыттыбыт;
  • Маны таһынан, кини оҕо эрдэҕиттэн ыллыыр уонна хомуска оонньуур эбит;
  • Бу барыта кини 1998 сыллаахха М. С. Щепкин аатынан тыйаатыр училищетын Саха сиринээҕи салаатыгар киирэргэ көмөлөспүт;
  • 2001 сыллаахха бастакытын киинэҕэ уһуллубут — «Эһэ сүрэҕэ» («Сердце медведицы») диэн Эстония режиссерун Ихо Арво Эйно үлэтигэр Эһэ оруолун толорбут[3];
  • Үөрэҕин 2002 сыллаахха «драма тыйаатырын уонна киинэ артыыһа» диэн идэлээх бүтэрбит;
  • Ол сылтан Саха тыйаатырыгар үлэлиир[1];
  • 2019 сыллаахха Саха Өрөспүүбүлүкэтин баһылыга Айсен Николаев киниэхэ "Саха Өрөспүүбүлүкэтин үтүөлээх артыыһа" ааты иҥэрбит[2].

Айар үлэтэ

Тыйаатырга оонньуур сүрүн оруоллара:

  • эдэр Одьулуун — Н. Лугинов «Чыҥыс Хаан ыйааҕынан»;
  • Кыыс Кыскыйдаан — П. Ойуунускай «Туналҕаннаах ньуурдаах Туйаарыма Куо»;
  • леди Макбет — Э. Ионеско «Макбет»;
  • Адела — Г. Лорка «Иччитэх дьиэ»;
  • Маша — А. Чехов «Үс аҕас-балыс»;
  • Томуора — У. Шекспир «Тиит»;
  • үөрэнээччи — В. Харысхал «Учуутал»;
  • Кэтэриис — А. Дойду «Мэҥэ халлаан оҕото Манчаары Баһылай»;
  • Мотуруос — П. Ойуунускай «Оҕоҕо баҕарбыт»;
  • Аргундьа — П. Ламутскай «Сир иччитэ»;
  • Аллаах Алааппыйа — Н. Неустроев «Тиэтэйбит»;
  • Хлопов ойоҕо — Н. Гоголь «Ревизор»;
  • Долгунча — В. Харысхал «Тэпсиллибэт үтүө аат»;
  • Малаанньыйа — Н. Якутскай «Төлкө»;
  • Суоппуйа — Д. Таас «Кыһыл көмүс хоруоп»;
  • Диаманте — Л. Пиранделло «Хайа аарымалара»;
  • Эбэ Хотун — П. Ойуунускай «Кээрэкээн»;
  • Ньуоралдьыма Куо — П. Ойуунускай «Имииһит түүлэ»;
  • скрипачка — Л. Пиранделло «Театрга буолбут түбэлтэ…»;
  • Натаа — М. Горькай «Тимир Баасса»;
  • Даарыйа — Д. Наумов «Сандаарар сарыал саллааттара» уо.д.а.

Олоҥхо тыйаатырыгар оруола: Аан Чаҥый — А.Сарын «Эллэй Боотур».

Омук киинэтигэр оруола: Эмили — «Сердце медведицы» (2001), режиссер Арв Ихо (Эстония, Финляндия).

Россия киинэтигэр оруоллара:

  • Одьулуун — «Чыҥыс Хаан кистэлэҥэ» (2009), режиссер А. Борисов;
  • Уйгулаана — «Дикая» (нууч.) (сах. (2022), режиссер В. Котт;
  • Кирун ойоҕо — «Чужая» (2023), режиссер А. Луканев[4].

Саха киинэтигэр оруоллара:

  • Даайа — «Куораччыт», режиссер М. Лукачевскай;
  • Настя — «Манчаары», режиссер А. Гаврильева;
  • кытай кыыһа — «Покидая благоухающую гавань» (2011), режиссер С. Ооржак;
  • Юля — «Ыаллыылар 2», режиссер А. Кириллин;
  • Эльвира — «Айыы уола» (2014), режиссер Э. Новиков;
  • баһылык ойоҕо — «Кытыл», режиссер Р. Тараховскай;
  • Жанна — «Күүдээринэ күүрээн» сериал, режиссер М. Платонова;
  • удаҕан — «Иччи» (2020), К. Марсан;
  • Галина — «Айта» (2022), С. Бурнашев;
  • «Мин аатым Таптал» (2024), В. Макаров;
  • «Мой парень — айдол!» (2025), А. Струкин;
  • инспектор ПДН — «Айхал» (2025), Д. Андросов[1].

Наҕараадалара уонна ытык ааттара

  • Саха Өрөспүүбүлүкэтин үтүөлээх артыыһа (2019) [2].

Быһаарыылар

  1. ↑ 1 2 3 4 Павлова Ильяна Семёновна (рус.). Кино-театр.ру (31 Тохсунньу 2026).
  2. ↑ 1 2 3 Самая яркая артистка Саха театра получила звание (рус.) (31 Тохсунньу 2026).
  3. ↑ Ильяна Павлова (Актер) (рус.) (31 Тохсунньу 2026).
  4. ↑ Ильяна Павлова (рус.) (31 Тохсунньу 2026).

Эбии бу тиэмэҕэ

Категориялар