Нуучча тылынанАнал бырайыактар
Тылы уларыт
УРУБИИКИ ТУҺУНАН

Попов Дмитрий Дмитриевич (мадьыны)

УРУБИИКИ иһигэр маннык араспаанньалаах дьон туһунан ыстатыйалар бааллар, көр Попов.

Попов Дмитрий Дмитриевич (1992 сыл ахсынньы 11 күнэ, Бэрт-Уус нэһилиэгэ, Саха сирэ) — Арассыыйа спортсмена, мадьыны, мас тардыһыытыгар Аан дойду биэс төгүллээх, Европа уонна Арассыыйа хас да төгүллээх кыайыылааҕа.

Олоҕун олуктара

1992 сыллаахха ахсынньы 11 күнүгэр Уус-Алдан улууһун Бэрт-Уус нэһилиэгин Сыырдаах сэлиэнньэтигэр төрөөбүт.

2015 сыллаахха Дьокуускайдааҕы судаарыстыбыннай тыа хаһаайыстыбатын академиятын (ДьТХА , билиҥҥитэ Арктикатааҕы агротехнология судаарыстыбыннай университета) юриспруденцияҕа факультетын бүтэрбит.

2018 сыллаахха Хотугулуу-Илиҥҥи федеральнай университет (ХИФУ) физическэй култуураҕа уонна спортка институтун (ИФКиС ХИФУ) магистратуратын бүтэрбит.

2017—2020 сс. ДьТХА физкультура преподавателэ, 2021 сылтан — Дьокуускайдааҕы мэдиссиинэ колледжыгар физкультура преподавателэ[1].

Спорт

Кыра эрдэҕиттэн аҕата Дмитрий Егорович сүүрүүгэ дьарыктыыр, сэрээккэ оҥорторор эбит. Бэйэтэ футбол оонньуурун сөбүлүүр эбит[2].

Төрүт көрүҥнэринэн аан бастаан 2000 сыллар саҕаланыыларыгар Дыгын Оонньууларыгар Иван Белюлюбскай уонна Николай Дьяконов утарсыыларын көрөн баран үлүһүйбүт.

Ол кэннэ тустуунан, онтон 9 кылаастан мас тардыһыынан дьарыктанан саҕалаабыт. Онно кинини бастакы тренерэ Семен Гаврильевич Бурнашев дьарыктаабыт[3].

2013 сылтан Россия үтүөлээх тренеригэр Петр Николаевич Давыдовка дьарыктанар[1]. Ол сыл мас тардыһыыга үгүс ситиһиилэммит:

  • Дьокуускай куорат «Көмүс мас» аһаҕас чөмпүйэнээтин боруонса призера;
  • Мас Мэхээлэ бирииһигэр Саха сирин чөмпүйэнээтин кыайыылааҕа;
  • «Манчаары Оонньуулара» спорт төрүт көрүҥнэрин XIX спартакиадатын кыайыылааҕа;
  • Арассыыйа V чөмпүйэнээтин кыайыылааҕа (Суздаль куорат)[4].

2014 сыллаахха Дыгын Оонньууларыгар маҥнайгытын кыттыбыт, төрдүс миэстэ буолбут[2]. Онтон Саха сирин уонна Арассыыйа чөмпүйэнээттэригэр иккис миэстэ буолан, дойду иккис сүүмэрдэммит хамаандатыгар киирбит. Бу кэннэ Аан дойдутааҕы түһүлгэҕэ бастакытын тахсыбыт: 90 кг дылы ыйааһыҥҥа кыттан, Дьокуускайга буолбут 2014 сыллаах Аан дойду чөмпүйэнээтин кыайыылааҕа буолбут[3].

2015 сылтан 105 кг ыйааһыннаах категорияҕа кыттар. 2017 сылтан 2025 сылга диэри тоҕуста Арассыыйа чөмпүйүөнэ буолбут[5].

Аан дойду чөмпүйүөнүн аатын иккистээн 2018 сыллаахха ылбыт[1].

2022 сыллаахха Дьокуускайга буолбут IV Аан дойду чөмпүйэнээтигэр бэйэтин ыйааһыныгар кыайбыт.

2024 сыл ахсынньытыгар Аан дойду чөмпүйэнээтигэр 105 кг дылы ыйааһыҥҥа урукку утарсааччытын Атайбек уулу Келдибегы (Кыргызстан) кыайбыт, онно Аан дойдутааҕы таһымнаах төрдүс кыһыл көмүһү ылбыт[6].

2025 сыл атырдьах ыйыгар Монголияҕа буолбут Аан дойду чөмпүйэнээтигэр (105 киилэҕэ дылы ыйааһыҥҥа) бастаабыт уонна мас-рестлинг устуоруйатыгар аан дойду бастакы биэс төгүллээх чөмпүйүөнэ буолбут[7].

Сүрүн ситиһиилэрэ

  • Аан дойду чөмпүйэнээтин 2014, 2018, 2022, 2024, 2025 сыллардаах кыайыылааҕа[1][6][7];
  • Европа чөмпүйэнээтин икки төгүллээх кыайыылааҕа[1];
  • Аан дойду Кубогын икки төгүллээх кыайыылааҕа[1];
  • Арассыыйа чөмпүйэнээтин тоҕус төгүл кыайыылааҕа (2017—2025)[5][1][8].

Наҕараадалара уонна ытык ааттара

Дьиэ кэргэнэ, тус олоҕо

Төрөппүттэрэ - Дмитрий Егорович уонна Марина Семеновна Поповтар, Уус Алдан улууһун Бэрт-Уус нэһилиэгин олохтоохторо[4]. Убайа - Спиридон Попов, көҥүл тустууга Арассыыйа спордун маастара[2].

Иллэҥ кэмигэр бултуурун, саха быһаҕын таптайарын сөбүлүүр[10].

Кэргэнэ суох.

Быһаарыылар

  1. ↑ 1 2 3 4 5 6 7 8 9 Попов Дмитрий Дмитриевич — мас-рестлинг (рус.). sakha-korotov.ru (28 Олунньу 2001). Сигэнии күнэ: 24 Олунньу 2026.
  2. ↑ 1 2 3 Саина Шеломова. Говорят первые лица турнира "Кубок Чемпиона". (англ.). vk.com. Спорт Якутии. Сигэнии күнэ: 9 Кулун тутар 2026.
  3. ↑ 1 2 Мас-рестлер Дмитрий Попов стремится к «золотому» дублю (рус.). Сигэнии күнэ: 24 Олунньу 2026.
  4. ↑ 1 2 В Якутском агровузе вчера громко звучали фанфары (рус.). Сигэнии күнэ: 24 Олунньу 2026.
  5. ↑ 1 2 3 4 Попов Дмитрий (рус.). mas-wrestling.ru. Сигэнии күнэ: 24 Олунньу 2026.
  6. ↑ 1 2 Якутянин Дмитрий Попов завоевал звание четырёхкратного чемпиона мира по мас-рестлингу (рус.). ysia.ru (1 Ахсынньы 2024). Сигэнии күнэ: 24 Олунньу 2026.
  7. ↑ 1 2 Дмитрий Попов стал пятикратным чемпионом мира по мас-рестлингу (рус.). yakutia-daily.ru (2 Атырдьах ыйын 2025). Сигэнии күнэ: 24 Олунньу 2026.
  8. ↑ Четверо якутян стали чемпионами России по мас-рестлингу (рус.). ЯСИА. Сигэнии күнэ: 24 Олунньу 2026.
  9. ↑ Якутскому мас-рестлеру присвоено звание заслуженного мастера спорта России (рус.). Спорт Якутии. Сигэнии күнэ: 24 Олунньу 2026.
  10. ↑ Дмитрий Иванович Попов. Адаптивные пороговые устройства // Известия высших учебных заведений. Радиоэлектроника. — 2006-03-05. — Т. 49, вып. 3. — С. 30–35. — ISSN 0021-3470&f=1003&t=1&v1=&f=4&t=2&v2=&f=21&t=3&v3=&f=1016&t=3&v4=&f=1016&t=3&v5=&bf=4&b=&d=0&ys=&ye=&lng=&ft=&mt=&dt=&vol=&pt=&iss=&ps=&pe=&tr=&tro=&cc=UNION&i=1&v=tagged&s=0&ss=0&st=0&i18n=ru&rlf=&psz=20&bs=20&ce=hJfuypee8JzzufeGmImYYIpZKRJeeOeeWGJIZRrRRrdmtdeee88NJJJJpeeefTJ3peKJJ3UWWPtzzzzzzzzzzzzzzzzzbzzvzzpy5zzjzzzzzzzzzzzzzzzzzzzzzzzzzzzzzzzztzzzzzzzbzzzzzzzzzzzzzzzzzzzzzzzzzzzvzzzzzzyeyTjkDnyHzTuueKZePz9decyzzLzzzL*.c8.NzrGJJvufeeeeeJheeyzjeeeeJh*peeeeKJJJJJJJJJJmjHvOJJJJJJJJJfeeeieeeeSJJJJJSJJJ3TeIJJJJ3..E.UEAcyhxD.eeeeeuzzzLJJJJ5.e8JJJheeeeeeeeeeeeyeeK3JJJJJJJJ*s7defeeeeeeeeeeeeeeeeeeeeeeeeeSJJJJJJJJZIJJzzz1..6LJJJJJJtJJZ4....EK*&debug=false 2307-6011, 0021-3470. — DOI:10.20535/s0021347006030058.

Категориялар