Нуучча тылынанАнал бырайыактар
Тылы уларыт
УРУБИИКИ ТУҺУНАН

Белолюбскай Иван Прокопьевич

Белолюбскай Иван Прокопьевич — мадьыны, мас тардыһыытыгар Саха Өрөспүүбүлүкэтин спордун маастара, Дыгын оонньууларын 7 төгүллээх кыайыылааҕа, СӨ Физкультура уонна успуорт бочуоттаах үлэһитэ, Уус Алдан улууһун Ытык киһитэ, мас тардыһыыга Арассыыйа (2012), Европа (2011) чөмпүйүөнэ, Аан дойду кубогын призера (2013).

undefined

Олоҕун олуктара

1977 сыллаахха бэс ыйын 22 күнүгэр Уус-Алдан улууһугар Баатаҕай нэһилиэгэр төрөөбүт.

1998 сыллаахха М. К. Аммосов аатынан Саха Судаарыстыбаннай Үнүбүрсүтүөтүн Педагогическай институтун физкультура салаатын бүтэрбит. 1999—2000 сылларга Саха-Бельгийскай гимназияҕа физкультура учуутала. 2000—2001 сылларга Лөгөй нэһилиэгэр успуорт саалатын дириэктэрэ.

2001—2003 Саха Өрөспүүбүлүкэтин Наркотигы утары охсуһар управленияҕа эти-хааны сайыннарар исписэлиис. 2003—2011 сылларга — СӨ Наркотигы утары охсуһар управлениетыгар спецназ оперативнига.

2011—1013 сылларга Баһылай Манчаары аатынан «Модун» успуорт киинигэр мас тардыһыыга тириэнньэр[1].

2013 сылтан Баһылай Манчаары аатынан спорт национальнай көрүҥнэригэр Өрөспүүбүлүкэтээҕи Киин мас тардыһыытын сайыннарыыга салаатын салайааччыта.

Тренердэрэ: Сивцев Евгений Александрович, Аксенов Андрей Ермакович.

2013 сылтан Уйбаан Белолюбскай бирииһигэр саха спорт хомуур көрүҥнэригэр республика иһинээҕи күрэхтэһии тэриллэн ыытыллар. Бастакы күрэхтэһии Уус-Алдан улууһун Бороҕонугар буолан ааспыт.[2]

Майаҕатта Бэрт Хара уонна Уйбаан Белолюбскай иккиэн Дыгын оонньууларын кыайылаахтара уонна Уус-Алдантан сылдьар дьоннор. Баҕар Белолюбскай Майаҕатта Бэрт Хара реинкарнацията буолуон сөп, эбэтэр киһи дууһата орто дойдуга элбэхтэ кэлэн хос төрүүр.

Спортка ситиһиилэрэ

  • Дыгын оонньууларын 7 төгүллээх чемпиона (1999, 2007—2012)
  • XVII Манчаары оонньууларын чемпиона
  • Саха Өрөспүүбүлүкэтин бастыҥ спортсмена (2007, 2011)
  • Мас тардыһыытыгар Россия чемпионатын призера (2007, Красноярскай)
  • Мас тардыһыытыгар Саха Өрөспүүбүлүкэтин чемпионатын призера (2008, Чурапчы)

Наҕараадалара уонна ытык ааттара

  • Мас тардыһыытыгар Саха Өрөспүүбүлүкэтин спордун маастара
  • Хайыһарга Саха Өрөспүүбүлүкэтин спордун маастарыгар кандидат
  • Мас тардыһыытыгар Европа абсолютнай чемпиона

Быһаарыылар

  1. ↑ Николай Попов, «Уйбаан Белолюбскай: Дьулус, тулуй, кыай!» «Саха сирэ» хаһыат, 2017, от ыйын 19 к., № 28(6066)
  2. ↑ Владислав Коротов. Иван Белолюбский проверил преемников. — 23.05.2014.

Сигэлэр

Категориялар