Попова Зоя Гаврильевна
Попова Зоя Гаврильевна (төр. 1948 балаҕан ыйын 8, Сунтаар улууһа, Саха АССР) — П. А. Ойуунускай аатынан Саха академическай тыйаатырын артыыһа, тыйаатыр уонна киинэ артыыһа.
Олоҕун олуктара
Зоя Попова 1948 сыллаахха балаҕан ыйын 8 күнүгэр Сунтаар оройуонугар Кутана с. төрөөбүт.
С. А. Зверев ансаамбылыгар үҥкүүлээбитэ.
1974 сыллаахха М. С. Щепкин аатынан Үрдүкү Москватааҕы театральнай училище саха студиятын драма тыйаатырын уонна киинэ артыыһын идэтигэр үөрэнэн бүтэрбит.
1974—2000 сс. — Ньурба норуодунай тыйаатырын артыыһа.
2000 сылтан — П. А. Ойуунускай аатынан Саха академическай тыйаатырын артыыһа.
2009 сыллаахха Бүлүү ыһыаҕын сценариһа буолбута[1].
2012 сылтан Олоҥхо тыйаатырын билим-чинчийэр бөлөҕүн үлэһитэ[2].
Айар үлэтэ
Тыйаатырга оонньуур сүрүн оруоллара
- Сайсары («Сайсары», Суорун Омоллоон)
- Сыгый Кырынаастыыр («Сыгый Кырынаастыыр», И. Избеков — Уустаах)
- Чаархааннаах Хобороос («Хотугу сибэкки», И. Гоголев)
- Эрмелина («Оркестр», Ж. Ануй)
- Хайахсын («Чыҥыс Хаан ыйыытынан», Н. Лугинов)
- Таалай удаҕан («Дыгын Дархан», И. Гоголев)
- Мария Васильевна («Сайсары күөлгэ түбэлтэ», Е. Неймохов)
Киинэҕэ оонньообут оруоллара
- Ильмень үрдүнэн туруйалар (2005)
- Ньургуһуннар (2013)
- Тойон кыыл (2018)
- Бэйбэрикээн (2019)
- Бэйбэрикээн 2 (2020)
- Дьулуур: мас-рестлинг (2021)
- Кыталыктаах кырдалым (2024)
- Айтал уонна Аптаах Күүс-2 (2025)[3]
Тылбаас
Саха тыйаатырыгар Карло Гоцци «Король-Олень» айымньытын Зоя Попова тылбааһынан туруорбуттара. Олоҥхо тыйаатырыгар кытай «Пионовай беседка» оператын Владимир Микушевич уонна Юлия Гоголева нууччалыы тылбаастарыгар олоҕуран туруорбуттара[1].
Дьиэ кэргэнэ
- Кэргэнэ Фадей Попов (1993 өлб.).
Наҕараадалара уонна ытык ааттара
- Саха Өрөспүүбүлүкэтин үтүөлээх артыыһа (2013).